മക്കിമല: ഒ​ടു​വി​ൽ നീ​തി; ക​ണ്ണോ​ത്ത്മ​ല ദു​ര​ന്തബാധിത‍ർക്ക് ധ​ന​സ​ഹാ​യം

മാ​ന​ന്ത​വാ​ടി: ഒ​രു പ്ര​ദേ​ശ​ത്തെ ഒ​മ്പത് അ​മ്മ​മാ​ർ മ​രി​ച്ച് 26 ദി​വ​സ​മാ​യ​പ്പോ​ൾ സ​ർ​ക്കാ​ർ ക​ണ്ണ് തു​റ​ന്നു.ക​ണ്ണോ​ത്ത് മ​ല ജീ​പ്പ​പ​ക​ട​ത്തി​ൽ മ​രി​ച്ച മ​ക്കി​മ​ല ആ​റാം ന​മ്പ​ർ കോ​ള​നി​യി​ലെ മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് പ​ത്ത് ല​ക്ഷം രൂ​പ വീ​ത​വും പ​രി​ക്കേ​റ്റ് ചി​കി​ത്സ​യി​ൽ ക​ഴി​യു​ന്ന അഞ്ചു പേ​ർ​ക്ക് മൂ​ന്ന് ല​ക്ഷം രൂ​പ വീ​ത​വു​മാ​ണ് സ​ർ​ക്കാ​ർ ധ​ന​സ​ഹാ​യം പ്ര​ഖ്യാ​പി​ച്ച​ത്. ബു​ധ​നാ​ഴ്ച ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് തീ​രു​മാ​നം.

സ്വ​കാ​ര്യ തേ​യി​ല തോ​ട്ട​ത്തി​ൽ ച​പ്പ് നു​ള്ളി തി​രി​ച്ചു​വ​രു​ക​യാ​യി​രു​ന്ന തൊ​ഴി​ലാ​ളി​ക​ൾ സ​ഞ്ച​രി​ച്ച ജീ​പ്പ് കൊ​ക്ക​യി​ലേ​ക്ക് മ​റി​ഞ്ഞാ​ണ് ഒ​മ്പ​ത് പേ​ർ മ​രി​ച്ച​ത്. ക​ഴി​ഞ്ഞ ആ​ഗ​സ്റ്റ് ഇ​രു​പ​ത്തി അ​ഞ്ചി​നാ​യി​രു​ന്നു സം​ഭ​വം. ധ​ന​സ​ഹാ​യ പ്ര​ഖ്യാ​പ​നം വൈ​കു​ന്ന​തി​ൽ വ്യാ​പ​ക പ്ര​തി​ഷേ​ധം ഉ​യ​ർ​ന്നി​രു​ന്നു.

കോ​ൺ​ഗ്ര​സും ഐ.​എ​ൻ.​ടി.​യു.​സി​യും സ​ബ് ക​ല​ക്ട​ർ ഓ​ഫി​സി​ന് മു​ന്നി​ൽ ധ​ർ​ണ ന​ട​ത്തു​ക​യും ചെ​യ്തി​രു​ന്നു. വി​ഷ​യം ഒ.​ആ​ർ. കേ​ളു എം.​എ​ൽ.​എ നി​യ​മ​സ​ഭ​യി​ൽ ഉ​ന്ന​യി​ച്ച​തോ​ടെ​യാ​ണ് സ​ർ​ക്കാ​ർ ഉ​ണ​ർ​ന്ന​തും ധ​ന​സ​ഹാ​യം പ്ര​ഖ്യാ​പി​ച്ച​തും. സാ​ങ്കേ​തി​ക്കുരു​ക്കു​ക​ൾ നീ​ക്കി ഇ​ര​ക​ളു​ടെ കു​ടും​ബ​ങ്ങ​ൾ​ക്ക് ധ​ന​സ​ഹാ​യം ല​ഭി​ക്കാ​ൻ ഇ​നി​യും ആ​ഴ്ച​ക​ൾ കാ​ത്തി​രി​ക്കേ​ണ്ടി വ​രും.