വയനാട് മെഡിക്കൽ കോളജ്; മരുന്നുമില്ല, ജീവനക്കാരുമില്ല

മാ​ന​ന്ത​വാ​ടി: വ​യ​നാ​ട് മെ​ഡി​ക്ക​ൽ കോ​ള​ജി​ൽ മ​രു​ന്നു​ക്ഷാ​മം തു​ട​ർ​ക്ക​ഥ​യാ​കു​ന്ന​തോ​ടൊ​പ്പം ഫാ​ർ​മ​സി​യി​ൽ ആ​വ​ശ്യ​ത്തി​ന് ജീ​വ​ന​ക്കാ​രി​ല്ലാ​ത്ത​ത് ചി​കി​ത്സ തേ​ടി​യെ​ത്തു​ന്ന ആ​യി​ര​ങ്ങ​ളെ വ​ല​ക്കു​ന്നു. മെ​ഡി​ക്ക​ൽ കോ​ളേ​ജ് ഫാ​ർ​മ​സി​ക്ക് മു​ന്നി​ൽ മി​ക്ക ദി​വ​സ​ങ്ങ​ളി​ലും ആ​ളു​ക​ളു​ടെ നീ​ണ്ട​നി​ര​യാ​ണ്.

ആ​വ​ശ്യ​ത്തി​ന് ജീ​വ​ന​ക്കാ​രി​ല്ലാ​ത്ത​തി​നാ​ൽ പ്രാ​യ​മാ​യ​വ​രും സ്ത്രീ​ക​ളു​മെ​ല്ലാം മ​ണി​ക്കൂ​റു​ക​ളോ​ളം ക്യൂ ​നി​ൽ​ക്കേ​ണ്ട ഗ​തി​കേ​ടാ​ണ്. പ്രതി​ദി​നം ശ​രാ​ശ​രി 2000ത്തോ​ളം പേ​രാ​ണ് ഫാ​ർ​മ​സി​യി​ൽ മ​രു​ന്നി​നാ​യെ​ത്തു​ന്ന​ത്. മ​ണി​ക്കൂ​റു​ക​ൾ ക്യൂ ​നി​ന്ന് ഫാ​ർ​മ​സി കൗ​ണ്ട​റി​ന് മു​ന്നി​ലെ​ത്തു​മ്പോ​ൾ മ​രു​ന്നി​ല്ലെ​ന്ന മ​റു​പ​ടി​യാ​വും ല​ഭി​ക്കു​ക. ക്യൂ​വി​ൽ നി​ൽ​ക്കു​ന്ന പ​ല​ർ​ക്കും ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ടു​ന്ന​തും പ​തി​വാ​ണ്.

മൂ​ന്ന് ഷി​ഫ്റ്റു​ക​ളി​ലാ​യി 11 പേ​രാ​ണ് ഫാ​ർ​മ​സി​യി​ൽ സേ​വ​ന​ത്തി​നാ​യി ആ​വ​ശ്യ​മു​ള്ള​ത്. പ​ക​ൽ സ​മ​യ​ങ്ങ​ളി​ൽ ഏ​ഴു പേ​രാ​ണ് ഉ​ണ്ടാ​കേ​ണ്ട​ത്. എ​ന്നാ​ൽ, ഇ​പ്പോ​ൾ മൂ​ന്നു പേ​ർ മാ​ത്ര​മാ​ണ് ദി​വ​സ​ങ്ങ​ളാ​യി ഡ്യൂ​ട്ടി​യി​ലു​ള്ള​ത്.

ജി​വ​ന​ക്കാ​ർ​ക്കും ഇ​ത് ദു​രി​ത​മാ​യി മാ​റി​യി​രി​ക്കു​ക​യാ​ണ്. അ​തേ​സ​മ​യം, മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യ സാ​ഹ​ച​ര്യ​ത്തി​ൽ കൂ​ടു​ത​ൽ ജി​വ​ന​ക്കാ​രെ ഫാ​ർ​മ​സി​യി​ൽ നി​യ​മി​ക്ക​ണ​മെ​ന്നാ​വ​ശ്യ​പ്പെ​ട്ട് മു​ക​ളി​ലേ​ക്ക് റി​പ്പോ​ർ​ട്ട് പോ​യി​ട്ടു​ണ്ടെ​ങ്കി​ലും ഫ​ണ്ടി​ല്ലെ​ന്ന മ​റു​പ​ടി​യാ​ണ് അ​ധി​കൃ​ത​രി​ൽ നി​ന്നും ല​ഭി​ച്ച​തെ​ന്നാ​ണ് വി​വ​രം.

താ​ലൂ​ക്ക് ആ​ശു​പ​ത്രി​യി​ൽ ഗൈ​നക്കോ​ള​ജി വി​ഭാ​ഗം നി​ല​ച്ചു

സു​ൽ​ത്താ​ൻ ബ​ത്തേ​രി: താ​ലൂ​ക്ക് ആ​ശു​പ​ത്രി​യി​ൽ ഗൈ​നക്കോ​ള​ജി വി​ഭാ​ഗം നി​ല​ച്ച അ​വ​സ്ഥ​യി​ൽ. താ​ലൂ​ക്ക് ഹെ​ഡ് ക്വാർ​ട്ടേ​ഴ്സ് ആ​ശു​പ​ത്രി​യി​ലാ​ണ് ഗൈ​ന​ക്കോ​ള​ജി വി​ഭാ​ഗം പ്ര​വ​ർ​ത്ത​നം നി​ല​ച്ച അ​വ​സ്ഥ​യി​ലാ​യി​രി​ക്കു​ന്ന​ത്. ഈ ​മാ​സം ആ​ദ്യം മു​ത​ൽ ഗൈ​ന​ക്കോ​ള​ജി വി​ഭാ​ഗ​ത്തി​ൽ ഡോ​ക്ട​ർ​മാ​രി​ല്ല.

ര​ണ്ടു ഡോ​ക്ട​ർ​മാ​രു​ടെ സേ​വ​ന​മാ​യി​രു​ന്നു ഇ​വി​ടെ​യു​ണ്ടാ​യി​രു​ന്ന​ത്. എ​ന്നാ​ൽ, ഇ​തി​ലൊരാ​ൾ ലീ​വി​ലും മ​റ്റൊ​രാ​ൾ കോ​ട​തി ഡ്യൂ​ട്ടി​യു​മാ​യി പോയതുമാണ് ഗൈ​ന​ക്കോ​ള​ജി വി​ഭാ​ഗ​ത്തി​ന്റെ പ്ര​വ​ർ​ത്ത​നം നി​ലക്കാൻ കാരണം.

ആ​ശു​പ​ത്രി​യെ ആ​ശ്ര​യി​ക്കു​ന്ന സാ​ധാ​ര​ണ​ക്കാ​ർ ഇ​പ്പോ​ൾ ദു​രി​ത​ത്തി​ലാ​ണ്. ആ​ശു​പ​ത്രി​യി​ലെ​ത്തി ഡോ​ക്ട​ർ ഇ​ല്ലാ​യെ​ന്ന് അ​റി​യു​ന്ന​തോ​ടെ സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട സാ​ഹ​ച​ര്യ​മാ​ണ്. ഒ.​പി ഉ​ണ്ടാ​യി​രു​ന്ന​പ്പോ​ൾ 50 പേ​രെ​യാ​ണ് പ​രി​ശോ​ധി​ച്ചി​രു​ന്ന​ത്. വെ​ളു​പ്പി​ന് നാ​ലു മ​ണി​ക്കും മ​റ്റും എ​ത്തി ക്യൂ ​നി​ൽ​ക്കു​ന്ന​വ​ർ​ക്കേ ഒ.​പി പ​രി​ശോ​ധ​ന സാ​ധ്യ​മാ​വു​മാ​യി​രു​ന്നു​ള്ളൂ.

ഗൈ​നക്കോ​ള​ജി വി​ഭാ​ഗത്തിലെ വിഷയങ്ങൾ ഉ​ന്ന​യി​ച്ച് യൂ​ത്ത് കോ​ൺ​ഗ്ര​സും മു​സ് ലിം ​ലീ​ഗും നി​ര​വ​ധി സ​മ​ര​ങ്ങ​ൾ ന​ട​ത്തി​യി​രു​ന്നു. ഗൈ​ന​ക്കോ​ള​ജി​യി​ൽ ഡോ​ക്ട​ർ​മാ​ർ ഇ​ല്ലാ​ത്ത വി​വ​രം ആ​രോ​ഗ്യ​വ​കു​പ്പി​നെ അ​റി​യി​ച്ചി​ട്ടു​ണ്ടെ​ന്ന് ബ്ലോ​ക്ക് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു.