നീക്കാൻ നടപടിയില്ല: കാടിനെ വിഴുങ്ങി മഞ്ഞക്കൊന്ന

മാനന്തവാടി: കാടിനെ വിഴുങ്ങുന്ന മഞ്ഞക്കൊന്നയുടെ വ്യാപനം തടയാൻ കഴിയാതെ വനം വകുപ്പ്.

വയനാട്ടിലും കർണാടക, തമിഴ്നാട് വനമേഖലയിലും അതിവേഗം പടർന്നു പിടിച്ച് വന്യമൃഗങ്ങളുടെ ആവാസ വ്യവസ്ഥക്ക്​ ദോഷകരമായ അധിനിവേശ സസ്യമാണ് മഞ്ഞ കൊന്ന.

രാക്ഷസ കൊന്നയെന്നും ഇതിനു ​േപരുണ്ട്​. സെന്ന കാസിയ സ്പെക്ടാബിലിസ് എന്നാണ്​ ശാസ്​ത്രീയ നാമം. വിവിധ ഇനം മരങ്ങളുടെയും ചെടികളുടെയും വിത്തുകൾ വിദേശത്തു നിന്ന്​ കൊണ്ടുവന്ന കുട്ടത്തിൽ വന്നുപെട്ടതാണ് മഞ്ഞക്കൊന്ന.

ഏതാണ്ട് എട്ടു വർഷമായി ഒറ്റപ്പെട്ടു കണ്ടിരുന്ന ഈ മരം വയനാട്ടിലെ മുഴുവൻ വന മേഖലയിലും സ്വകാര്യ തോട്ടങ്ങളിലും വ്യാപിച്ചു കഴിഞ്ഞു.

ഇതി​െൻറ അപകടം ചൂണ്ടികാട്ടി വിവിധ സംഘടനകൾ നൽകിയ പരാതി സർക്കാരും വനം വകുപ്പും പരിഗണിച്ച് ഇതു നശിപ്പിക്കാൻ പദ്ധതി തയാറാക്കിയിരുന്നു. കേരള, കർണാടക, തമിഴ്നാട് സർക്കാരുകൾ സംയുക്തമായാണ് പദ്ധതി തയാറാക്കിയത്. എന്നാൽ, ഒരു വർഷം പിന്നിട്ടിട്ടും ഒന്നും നടപ്പായില്ല .

ഇപ്പോൾ അടിയന്തരമായി ചെയ്യാൻ കഴിയുന്നത് ശിഖരങ്ങൾ വെട്ടിമാറ്റി പൂവിടുന്നത് തടയലാണ്.

അതും ഈ വർഷവും നടന്നിട്ടില്ലെന്ന്​​ വനപാലകർ പറയുന്നു. സെപ്റ്റംബർ, ഒക്ടോബർ മാസങ്ങളിൽ പൂത്ത് കായ് പൊഴിക്കാൻ തുടങ്ങും.

6000 മുതൽ 9000 കായ്കൾ വരെ ഒരു മരത്തിൽ നിന്ന്​ വീഴുന്നു. മഞ്ഞക്കൊന്നയിൽ വിഷാംശം നിറഞ്ഞതിനാൽ ഒരു ജീവികളും ഉപയോഗിക്കില്ല. മനുഷ്യ ശരീരത്തിൽ അലർജി ഉണ്ടാക്കുന്നതാണ്. ​െലൻറ്റാന, ജൂപിറ്റേറിയം തുടങ്ങിയ സസ്യങ്ങൾ വനമേഖല കൈയടക്കി വന്യമൃഗങ്ങളുടെ സഞ്ചാരം തടയുന്നുണ്ട്​.

മറ്റു സസ്യങ്ങൾ വളരാനും കഴിയില്ല. ഇതു​ വന്യജീവികൾക്ക്​ ഭീഷണിയാണ്​.

അതിലും വലിയ ഭീഷണിയാണ് മഞ്ഞക്കൊന്നയുടെ വ്യാപനം.