സുഗന്ധഗിരിയിൽ മരം വീണ് തകർന്ന വീട്
പൊഴുതന: ശക്തമായ കാറ്റിലും മഴയിലും വീടിന് മുകളിൽ മരം പൊട്ടി വീണ് വീട്ടമ്മക്ക് പരിക്കേറ്റു. പൊഴുതന സുഗന്ധഗിരി അഞ്ചാം ഷെഡ് സ്വദേശിനി രുക്മിണി വിജയനാണ് (63) പരിക്കേറ്റത്. ബുധനാഴ്ച രാവിലെ ആറോടെയാണ് അപകടം.
നാട്ടുകാർ അപകടസ്ഥലത്ത് എത്തി പരിക്കേറ്റ രുക്മിണിയെ വൈത്തിരി താലൂക്ക് ആശുപത്രിയിൽ പ്രവേശിപ്പിച്ചു. വീട് പൂർണമായും തകർന്നു. വീട്ടുപകരണങ്ങൾക്കും കേടുപാടുകൾ സംഭവിച്ചു. അഗ്നിശമന സേനയും വനംവകുപ്പും സ്ഥലത്തെത്തി വീടുകൾക്ക് ഭീഷണിയായ മരങ്ങൾ മുറിച്ചുമാറ്റി.
മൂന്നാം യൂനിറ്റിന്റെ വിവിധ ഭാഗങ്ങളിൽ വൈദ്യുതി തൂണുകൾ തകർന്നതിനാൽ വൈദ്യുതി ബന്ധം നിലച്ചിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.