സലാഹുദ്ദീൻ, അഖിൽ
തോൽപെട്ടി: കേരള- കർണാടക അതിർത്തിയായ തോൽപെട്ടി ചെക്ക്പോസ്റ്റിൽ എക്സൈസ് ഉദ്യോഗസ്ഥർ നടത്തിയ പരിശോധനയിൽ എം.ഡി.എം.എയുമായി രണ്ടു പേർ പിടിയിൽ.
മലപ്പുറം ഏറനാട് ഊർങ്ങാട്ടേരി പൂവത്തിങ്കൽ അമ്പറ്റ പറമ്പിൽ വീട്ടിൽ സലാഹുദ്ദീൻ (24), ഊർങ്ങാട്ടേരി പൂവ്വത്തിങ്കൽ നൂഞ്ഞിമ്മൽ വീട്ടിൽ അഖിൽ (27) എന്നിവരെയാണ് മാനന്തവാടി എക്സൈസ് സർക്കിൾ ഇൻസ്പെക്ടർ സജിത് ചന്ദ്രന്റെ നേതൃത്വത്തിൽ അറസ്റ്റു ചെയ്തത്. ഇവർ സഞ്ചരിച്ച കാറും ഉദ്യോഗസ്ഥർ കസ്റ്റഡിയിലെടുത്തു.
ക്രിസ്മസ് ദിനത്തിൽ രാവിലെ ഒമ്പതോടെ ചെക്ക്പോസ്റ്റിൽ നടത്തിയ പരിശോധനയിലാണ് ഇരുവരും പിടിയിലായത്. 380.455 ഗ്രാം എം.ഡി.എം.എ കസ്റ്റഡിയിലെടുത്തു.
ഇരുവരെയും മാനന്തവാടി ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് (രണ്ട്) റിമാൻഡ് ചെയ്തു. എക്സൈസ് പ്രിവന്റിവ് ഓഫിസർമാരായ പി.ആർ. ജിനോഷ്, അരുൺപ്രസാദ്, എ. ദീപു, സിവിൽ എക്സൈസ് ഓഫിസർമാരായ വിപിൻ കുമാർ, കെ.എസ്. സനൂപ്, മൻസൂർ അലി, ഡ്രൈവർ പി. ഷിംജിത് എന്നിവരും പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.