മലപ്പുറം: ആദ്യഘട്ട ഫല സൂചനകൾ പുറത്തുവരുേമ്പാൾ മലപ്പുറം ജില്ലയിൽ ഇളക്കം തട്ടാതെ യു.ഡി.എഫ്. എൽ.ഡി.എഫ് സിറ്റിങ് സീറ്റായ തവനൂരിൽ കെ.ടി ജലീലിനെ പിന്നിലാക്കി ഫിറോസ് കുന്നംപറമ്പിൽ ആദ്യഘട്ടം മുതൽ മുന്നിലാണ്. തിരൂരങ്ങാടിയിൽ യു.ഡി.എഫ് സ്ഥാനാർഥിയും മുസ്ലിംലീഗ് മുൻ സംസ്ഥാന സെക്രട്ടറിയുമായ കെ.പി.എ മജീദിനെ െഞട്ടിച്ച് എൽ.ഡി.എഫ് സ്വതന്ത്രൻ നിയാസ് പുളിക്കലകത്ത് ലീഡ് ചെയ്യുകയാണ്.നിലമ്പൂരിൽ എൽ.ഡി.എഫ് സിറ്റിങ് എം.എൽ.എ പി.വി അൻവറിനെ പിന്നിലാക്കി അന്തരിച്ച യു.ഡി.എഫ് സ്ഥാനാർഥി വി.വി പ്രകാശ് ലീഡ് ചെയ്യുകയാണ്.
എൽ.ഡി.എഫ് സിറ്റിങ് താനൂരിൽ എൽ.ഡി.എഫ് സ്വതന്ത്രൻ വി.അബ്ദുറഹ്മാനെ പിന്നിലാക്കി യൂത്ത് ലീഗ് സംസ്ഥാന സെക്രട്ടറി പി.കെ ഫിറോസ് മുന്നിലാണ്. ലീഗ് കോട്ടയായ കൊണ്ടോട്ടിയിൽ ഇടതുസ്വതന്ത്രൻ കെ.പി സുലൈമാൻ ഹാജി ലീഡ് ചെയ്യുന്നുണ്ടെങ്കിലും അവസാന ഘട്ടത്തിൽ മുന്നിൽ കയറാമെന്നാണ് യു.ഡി.എഫ് പ്രതീക്ഷ.മറ്റുമണ്ഡലങ്ങളിലെല്ലാം യു.ഡി.എഫ് മുന്നേറ്റം തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.