ഇസ്രായേലിൽ മുങ്ങിയവർക്കായി ഇന്ത്യൻ എംബസി അന്വേഷണമാരംഭിച്ചു

മ​ല​പ്പു​റം: ഇ​സ്രാ​യേ​ലി​ൽ തീ​ർ​ഥാ​ട​ക​സം​ഘ​ത്തി​ൽ​നി​ന്ന് മു​ങ്ങി​യ മ​ല​യാ​ളി​ക​ൾ​ക്കാ​യി വി​ദേ​ശ​കാ​ര്യ മ​ന്ത്രാ​ല​യം അ​ന്വേ​ഷ​ണ​മാ​രം​ഭി​ച്ചു. കേ​ര​ള​ത്തി​ൽ​നി​ന്ന് അ​വ​സാ​നം പോ​യി ഇ​സ്രാ​യേ​ലി​ൽ കാ​ണാ​താ​യ തി​രു​വ​ന​ന്ത​പു​രം, കൊ​ല്ലം സ്വ​ദേ​ശി​ക​ളെ സം​ബ​ന്ധി​ച്ച വി​വ​ര​ങ്ങ​ൾ ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​ർ ആ​വ​ശ്യ​പ്പെ​ട്ടു.

ഇ​പ്ര​കാ​രം അ​ന​ധി​കൃ​ത​മാ​യി കു​ടി​യേ​റു​ന്ന​വ​രെ സ​ഹാ​യി​ക്കു​ന്ന സം​ഘം ഇ​സ്രാ​യേ​ലി​ലു​ണ്ടെ​ന്നാ​ണ് റി​പ്പോ​ർ​ട്ട്. വ​ലി​യ റാ​ക്ക​റ്റാ​ണ് ഇ​തി​നു പി​ന്നി​ൽ. ആ​ഭ്യ​ന്ത​ര​വ​കു​പ്പി​ന് ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ൽ സം​സ്ഥാ​ന പൊ​ലീ​സും മു​ങ്ങി​യ​വ​രു​ടെ വി​വ​ര​ങ്ങ​ൾ ശേ​ഖ​രി​ക്കു​ന്നു​ണ്ട്. ഇ​തി​ന്റെ ഭാ​ഗ​മാ​യി മ​ല​പ്പു​റ​ത്തെ ട്രാ​വ​ൽ​സ് വ​ഴി യാ​ത്ര തി​രി​ച്ച​വ​രു​ടെ മു​ഴു​വ​ൻ വി​വ​ര​ങ്ങ​ളും ശേ​ഖ​രി​ച്ചു. ഇ​ടു​ക്കി ഡി.​സി.​ആ​ർ.​ബി ഡി​വൈ.​എ​സ്.​പി കെ.​ആ​ർ. ബി​ജു​വി​നാ​ണ് അ​ന്വേ​ഷ​ണ​ച്ചു​മ​ത​ല.

കാ​ണാ​താ​യ ഏ​ഴു​പേ​ർ ഉ​ൾ​പ്പെ​ടെ 11 പേ​ർ​ക്കാ​യി ട്രാ​വ​ൽ​സി​ൽ പ​ണ​മ​ട​ച്ച​ത് സോ​ള​മ​ൻ എ​ന്ന​യാ​ളാ​ണ്. ഇ​യാ​ൾ സു​ലൈ​മാ​ൻ എ​ന്ന പേ​രി​ലാ​ണ് ട്രാ​വ​ൽ​സു​മാ​യി ഫോ​ണി​ൽ ബ​ന്ധ​പ്പെ​ട്ട​ത്. ഇ​സ്രാ​യേ​ലി​ലേ​ക്ക് മ​നു​ഷ്യ​ക്ക​ട​ത്ത് ന​ട​ത്തു​ന്ന ലോ​ബി​യു​ടെ ഭാ​ഗ​മാ​ണി​യാ​ൾ എ​ന്നാ​ണ് സം​ശ​യം. ഇ​സ്രാ​യേ​ലി​ൽ ഏ​ഴു​പേ​രെ കാ​ണാ​താ​യ​തോ​ടെ ഇ​ദ്ദേ​ഹ​വും മു​ങ്ങി​യി​രി​ക്ക​യാ​ണ്.

കേ​ര​ള​ത്തി​ലെ വി​വി​ധ ട്രാ​വ​ൽ​സു​ക​ൾ വ​ഴി സ​മാ​ന രീ​തി​യി​ൽ ഇ​സ്രാ​യേ​ലി​ലേ​ക്ക് ക​ട​ന്ന് മു​ങ്ങി​യ​വ​രെ​ക്കു​റി​ച്ചും പൊ​ലീ​സ് അ​ന്വേ​ഷി​ക്കു​ന്നു​ണ്ട്. ഇ​ത്ത​രം സം​ഭ​വ​ങ്ങ​ൾ നേ​ര​ത്തേ​യു​ണ്ടാ​യി​ട്ടും പ​ല ട്രാ​വ​ൽ​സു​ക​ളും പ​രാ​തി ന​ൽ​കി​യി​ല്ലെ​ന്നാ​ണ് വി​വ​രം. മ​ല​പ്പു​റ​ത്തെ ഗ്രീ​ൻ ഒ​യാ​സി​സ് ടൂ​ർ​സ് ആ​ൻ​ഡ് ട്രാ​വ​ൽ​സ് വ​ഴി പു​റ​പ്പെ​ട്ട 47 പേ​രി​ൽ അ​ഞ്ചു​പേ​രാ​ണ് ജൂ​ലൈ 26ന് ​ഇ​സ്രാ​യേ​ലി​ലെ ജ​റൂ​സ​ല​മി​ൽ ഒ​ളി​ച്ചോ​ടി​യ​ത്.

ബൈ​ത്തു​ൽ മു​ഖ​ദ്ദി​സ് തീ​ർ​ഥാ​ട​ന​ത്തി​നി​ടെ​യാ​യി​രു​ന്നു മു​ങ്ങ​ൽ. ക​ഴി​ഞ്ഞ മാ​ർ​ച്ചി​ൽ ഇ​തേ ട്രാ​വ​ൽ​സ് വ​ഴി പു​റ​പ്പെ​ട്ട സം​ഘ​ത്തി​ലെ നാ​ലു​പേ​ർ ഇ​സ്രാ​യേ​ലി​ൽ മു​ങ്ങി​യി​രു​ന്നു. ഇ​വ​രെ ക​ണ്ടെ​ത്താ​നാ​യി​ട്ടി​ല്ല. ജോ​ർ​ഡ​ൻ, ഇ​സ്രാ​യേ​ൽ, ഈ​ജി​പ്ത് സ​ന്ദ​ർ​ശ​ന​മ​ട​ങ്ങു​ന്ന ഹോ​ളി​ലാ​ൻ​ഡ് ടൂ​ർ പാ​ക്കേ​ജി​ലാ​ണ് ആ​ളു​ക​ൾ യാ​ത്ര തി​രി​ക്കു​ന്ന​ത്. ജൂ​ലൈ 25ന് ​പു​റ​പ്പെ​ട്ട സം​ഘ​ത്തി​ലെ ബാ​ക്കി യാ​ത്ര​ക്കാ​ർ വെ​ള്ളി​യാ​ഴ്ച ക​രി​പ്പൂ​ർ വ​ഴി തി​രി​ച്ചെ​ത്തും. ഈ​ജി​പ്തി​ൽ​നി​ന്ന് ബ​ഹ്റൈ​ൻ വ​ഴി​യാ​ണ് ഇ​വ​രു​ടെ മ​ട​ക്കം.