കോഴിക്കോട്: പ്രമുഖ സിനിമ സംവിധായകൻ കെ.എസ് സേതുമാധവന്‍റെ നിര്യാണത്തിൽ അനുശോചിച്ച് മന്ത്രി വി. ശിവൻകുട്ടി. ജീവിതഗന്ധിയായ നിരവധി സിനിമകൾ സംവിധാനം ചെയ്ത കുലപതിയാണ് സേതുമാധവനെന്ന് മന്ത്രി ഫേസ്ബുക്ക് പോസ്റ്റിൽ കുറിച്ചു.
റിക്ഷാ വണ്ടി വലിക്കുന്ന "പപ്പു" എന്ന കഥാപാത്രം സത്യൻ മാഷിലൂടെ " ഓടയിൽ നിന്ന്" എന്ന സിനിമയിൽ കണ്ണ് നിറയിച്ചപ്പോൾ കെ എസ് സേതുമാധവൻ എന്ന പേര് എനിക്ക് സ്‌ക്രീനിലൂടെ മാത്രമേ അറിയുമായിരുന്നുള്ളൂ.
അനുഭവങ്ങൾ പാളിച്ചകൾ " എന്ന സിനിമയെ എങ്ങനെ ഓർക്കാതിരിക്കും
പിന്നീട് എത്രയെത്ര സിനിമകളിലൂടെ അദ്ദേഹം ഞാനടക്കമുള്ളവരെ തീയ്യേറ്ററിൽ പിടിച്ചിരുത്തി ! കമൽ ഹാസനെ പോലുള്ളവരെ ബാലതാരമായി അദ്ദേഹം മലയാളത്തിൽ അവതരിപ്പിച്ചു.
മലയാളത്തിൽ ഏറ്റവുമധികം സാഹിത്യകൃതികൾ സിനിമയാക്കിയ സംവിധായകരിൽ ഒരാളാണ് കെ എസ് സേതുമാധവൻ. നിരവധി ജീവിതഗന്ധിയായ സിനിമകൾ സംവിധാനം ചെയ്ത അദ്ദേഹം നിരവധി പുരസ്‌കാരങ്ങളും നേടി.
സംവിധായക കുലപതിക്ക്‌ വിട
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.