ആലപ്പുഴ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്‍റെ പേരിലുള്ള ശ്രീ വെള്ളാപ്പള്ളി നടേശൻ കോളജ് ഒ ാഫ് എൻജിനീയറിങ്ങിന്‍റെ പേര് മാറ്റി. മഹാഗുരു ഇൻസ്റ്റിറ്റ്യൂട്ട് ഒാഫ് ടെക്നോളജി എന്നാണ് പുൻനാമകരണം. വെള്ളാപ്പള്ളി നടേശന്‍റെ മകൻ തുഷാർ വെള്ളാപ്പള്ളിക്ക് പകരം ഗോകുലം ഗോപാലനെ കോളജിന്‍റെ ചെയർമാനാക്കി നിയമിച്ചു.
വെള്ളാപ്പള്ളി നടേശനുമായി പിണങ്ങി പിരിഞ്ഞ സുഭാഷ് വാസു നടത്തിയ നീക്കമാണ് പേരുമാറ്റത്തിൽ കലാശിച്ചത്. കഴിഞ്ഞ എട്ടാം തീയതി ഡയറക്ടർ ബോർഡ് യോഗം ചേർന്ന് സുഭാഷ് വാസുവും കൂട്ടരും ഗോകുലം ഗോപാലനെ ചെയർമാനാക്കാൻ തീരുമാനിച്ചിരുന്നു. ഇതിനായി അഞ്ച് കോടി രൂപയുടെ നിക്ഷേപം ഗോകുലം ഗോപാലൻ കോളജിൽ നടത്തുകയും ചെയ്തു.
കോളജ് ഡയറക്ടർ ബോർഡിലെ 32 അംഗങ്ങളിൽ ഭൂരിപക്ഷം പേരും ഗുരുദേവൻ ചാരിറ്റബിൾ ട്രസ്റ്റിന്‍റെ ജനറൽ സെക്രട്ടറി സുഭാഷ് വാസുവിനെ പിന്തുണക്കുന്നവരാണ്. 25 ലക്ഷം രൂപാ വീതമാണ് ഒാഹരി പങ്കാളിത്തം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.