രാജ്​കുമാറിനെ വീട്ടിലെത്തിച്ച്​ ഭാര്യയുടെയും അമ്മയുടെയും മുന്നിലും മർദിച്ചു

പീരുമേട്: റിമാൻഡിലിരിക്കെ മരിച്ച വാഗമൺ കസ്തൂരി ഭവനിൽ രാജ്കുമാറിന്​ സ്വന്തം വീട്ടിൽ ഭാര്യയുടെയും അമ്മയുടെയു ം സാന്നിധ്യത്തിലും പൊലീസ്​ മർദനമേറ്റു. രാത്രി 12ന്​ ശേഷം വീട്ടിൽ കുമാറിനെ കൊണ്ടുവന്ന പൊലീസ് ക്രൂരമായി മർദിച് ചതായി ഭാര്യ വിജയയും അമ്മ കസ്തൂരിയും ‘മാധ്യമ’ത്തോട്​ പറഞ്ഞു.

കോലാഹലമേട്ടിലെ എസ്​റ്റേറ്റ് ലയത്തിൽ ജൂൺ 12 രാത ്രി 12ന് ശേഷമാണ് നെടുങ്കണ്ടം പൊലീസ് എത്തിച്ചത്. ലയത്തിലെത്തിയ പൊലീസുകാർ വീട്ടിൽ പണം സൂക്ഷിച്ചിട്ടുണ്ടോ എന്നും ബാങ്ക് പാസ് ബുക്കുകളും അന്വേഷിച്ചു. പരിശോധനയിൽ ഒന്നും കണ്ടെത്താത്തതിനാൽ വിലങ്ങ്​ അണിയിച്ച് നിർത്തിയ രാജ്കു മാറിനെ മർദിച്ചു.

ലാത്തി ഉപയോഗിച്ച് അരക്ക് താഴെയും കാലുകളിലും ക്രൂരമായി അടിച്ചെന്ന്​ ഭാര്യ വിജയയും അമ്മ ക സ്തൂരിയും ബന്ധു രാജേന്ദ്രനും പറഞ്ഞു. സമീപവാസികളും സാക്ഷികളാണ്. വീട്ടിൽ എത്തിക്കുമ്പോൾ കവിളിൽ അടികൊണ്ട പാടുണ ്ടായിരുന്നെങ്കിലും ആരോഗ്യപ്രശ്​നമുണ്ടായിരുന്നില്ല. രാജ്കുമാറിനെ ഓടിച്ചു പിടിച്ചതാണെന്ന പൊലീസി​​െൻറ വാദം ന ുണയാണ്​. മരണ കാരണം പുറത്തുവരണം. ഇതിന് പിന്നിൽ ഉന്നതർ ഉണ്ടെന്നും പറഞ്ഞു.

രാജ്കുമാറിന് അക്കൗണ്ടില്ലാത്ത സഹകരണ ബാങ്കിലെ 150 ചെക്കുകൾ നൽകിയത്​ ആരാ​െണന്ന്​ അന്വേഷിക്കണം. ദരിദ്രനായ കുമാറിന് ഈടില്ലാതെ എട്ടുലക്ഷം വിലമതിക്കുന്ന ഇന്നോവ കാർ ഒന്നേകാൽ ലക്ഷം രൂപക്ക് നൽകുകയും മുഴുവൻ പണവും നൽകാത്തതിനാൽ ഉടമ വാഹനം തിരികെ കൊണ്ടുപോവുകയും ചെയ്​ത സംഭവവുമുണ്ട്​. ഒരുമാസത്തിനിടെ വാഹനം 7300 കിലോമീറ്റർ ഓടി​. കുമാറിന് ഡ്രൈവിങ്​ അറിയില്ലെന്നും രാജേന്ദ്രൻ പറഞ്ഞു.

രാവിലെ 10.30ന് മരിച്ചിട്ടും ഭാര്യയെയും ബന്ധുക്കളെയും വൈകീട്ട് മുന്നുവരെ വിവരം അറിയിച്ചില്ല. പൊലീസ് കസ്​റ്റഡിയിൽ മരണം ഉണ്ടായിട്ടും എം.എൽ.എ ഇടപെട്ടില്ലെന്നും പറഞ്ഞു. മരണ കാരണം അറിയാൻ നിയമ നടപടികൾ സ്വീകരിക്കുമെന്നും ബന്ധുക്കൾ പറഞ്ഞു.

എ.ഡി.ജി.പിയുടെ നേതൃത്വത്തിൽ തെളിവ്​ ശേഖരിച്ചു
നെടുങ്കണ്ടം: പീരുമേട് സബ് ജയിലിൽ റിമാൻഡ്​ പ്രതി രാജ്കുമാർ മരിച്ച സംഭവത്തിൽ ക്രൈംബ്രാഞ്ച് അന്വേഷണ സംഘം നെടുങ്കണ്ടം പൊലീസ് സ്​റ്റേഷനിലെത്തി വിവരങ്ങൾ ശേഖരിച്ചു. എ.ഡി.ജി.പി ഗോപേഷ് അഗർവാൾ, ക്രൈംബ്രാഞ്ച് കോട്ടയം എസ്.പി കെ.എം. സാബു മാത്യു എന്നിവരാണ്​ എത്തിയത്. അന്വേഷണം പൂർത്തിയാകാൻ കൂടുതൽ സമയമെടുക്കുമെന്നും ആവശ്യത്തിന് ഉദ്യോഗസ്ഥരെ നിയമിച്ചിട്ടുണ്ടെന്നും എ.ഡി.ജി.പി മാധ്യമങ്ങളോട് പറഞ്ഞു.

രാജ്​കുമാറി​​െൻറ മരണവും ഹരിത ഫിനാൻസ്​ വായ്പ തട്ടിപ്പും പൊലീസ്​ വീഴ്​ചയും സംബന്ധിച്ചാണ്​ ക്രൈംബ്രാഞ്ച് വിശദമായി അന്വേഷിക്കുന്നത്​. 10 ദിവസത്തിനുള്ളിൽ റിപ്പോർട്ട്​ തയാറാക്കും. ജില്ല ക്രൈംബ്രാഞ്ച് അന്വേഷണത്തിൽ കണ്ടെത്തിയ വിവരങ്ങൾ അന്വേഷണസംഘത്തിന്​ കൈമാറി. നെടുങ്കണ്ടം പൊലീസ് സ്​റ്റേഷനിൽ കുമാറിന് ക്രൂരമർദനമേറ്റെന്നാണ് കണ്ടെത്തൽ.

കോട്ടയം ക്രൈംബ്രാഞ്ച് എസ്.പിയുടെ മേൽനോട്ടത്തിലുള്ള സംഘത്തിൽ ഇടുക്കി ക്രൈംബ്രാഞ്ച് എസ്​.പി ജോൺസൺ ജോസഫാണ് മുഖ്യ അന്വേഷണ ഉദ്യോഗസ്ഥൻ. ഡിവൈ.എസ്.പി കെ.എസ്. സാബു, ഡിറ്റക്ടിവ് ഇൻസ്പെക്ടർമാരായ സജു വർഗീസ്, എസ്. ജയകുമാർ, എ.എസ്.ഐമാരായ പി.കെ. അനിരുദ്ധൻ, വി.കെ. അശോകൻ എന്നിവരും സംഘത്തിലുണ്ട്​. ക്രൈംബ്രാഞ്ച് എറണാകുളം റേഞ്ച് ഐ.ജിയുടെ നിയന്ത്രണത്തിലായിരിക്കും അന്വേഷണം. പൊലീസിലെ മറ്റു വിഭാഗങ്ങളിൽനിന്ന് ആവശ്യമെങ്കിൽ കൂടുതൽ പേരെ സംഘത്തിൽ ഉൾപ്പെടുത്താൻ ക്രൈംബ്രാഞ്ച് റേഞ്ച് ഐ.ജിക്ക് അനുവാദം നൽകിയിട്ടുണ്ട്.

വെള്ളിയാഴ്​ച രാവിലെ 11ന് കോലാഹലമേട്ടിലെ കുമാറി​​െൻറ വീട്ടിലെത്തിയ ഐ.ജിയും സംഘവും കുമാറി​​െൻറ ഭാര്യ വിജയ, അമ്മ കസ്തൂരി എന്നിവരുമായി സംസാരിച്ചു. തുടർന്ന് പീരുമേട് സബ് ജയിൽ, താലൂക്ക് ആശുപത്രി എന്നിവിടങ്ങൾ സന്ദർശിച്ച ശേഷം ഉച്ചക്ക്​ 2.15നാണ് നെടുങ്കണ്ടം സ്​റ്റേഷനിലെത്തിയത്​. എ.ഡി.ജി.പി 20 മിനിറ്റ്​ നെടുങ്കണ്ടം എസ്.ഐയുടെ ഓഫിസിൽ ചെലവഴിച്ചു.

പൊലീസിന്​ കൈമാറുംമുമ്പ്​ രാജ്​കുമാറിനെ മർദിച്ചെന്ന്​; 30ഓളം പേർക്കെതിരെ കേസ്​
നെടുങ്കണ്ടം: രാജ്കുമാറിനെ പിടികൂടി പൊലീസിനെ ഏൽപിച്ച നാട്ടുകാർക്കെതിരെ പൊലീസ്​ കേസ്​. മർദനത്തിനുശേഷമാണ്​ പൊലീസിന്​ കൈമാറിയതെന്ന്​ ആരോപിച്ചാണ്​ സ്ഥലവാസികളായ കണ്ടാലറിയാവുന്ന 30ഓളം പേർക്കെതിരെ ജില്ല പൊലീസ്​ മേധാവിയുടെ നിർദേശപ്രകാരം കേസെടുത്തത്​. നെടുങ്കണ്ടം പഞ്ചായത്ത്​ മെംബർ ആലീസ്​ തോമസ്​ ജില്ല പൊലീസ്​ മേധാവിക്ക്​ നൽകിയ പരാതിയിലാണ്​ നടപടി​.കഴിഞ്ഞ 12ന് കുട്ടിക്കാനത്ത് കമാൻഡർ ജീപ്പിലും കാറിലും എത്തിയവർ രാജ്കുമാറിനെ മർദിച്ചെന്നാണ്​ കേസ്​.