ടെൻഡർ, ക്വട്ടേഷൻ നിയന്ത്രണങ്ങളില്ല; സർക്കാർ സേവനം നേരിട്ട് സ്റ്റാർട്ടപ്പുകൾക്ക് ഏറ്റെടുക്കാം

പാ​ല​ക്കാ​ട്: ടെ​ൻ​ഡ​ർ, ക്വ​ട്ടേ​ഷ​ൻ നി​യ​ന്ത്ര​ണ​ങ്ങ​ളി​ല്ലാ​തെ സ​ർ​ക്കാ​ർ സേ​വ​നം നേ​രി​ട്ട് സ്റ്റാ​ർ​ട്ട​പ്പു​ക​ൾ​ക്ക് ഏ​റ്റെ​ടു​ക്കാ​മെ​ന്ന് വ​കു​പ്പു​ക​ൾ​ക്ക് സ​ർ​ക്കാ​ർ നി​ർ​ദേ​ശം. സ്റ്റാ​ർ​ട്ട​പ്പു​ക​ളെ പ്രോ​ത്സാ​ഹി​പ്പി​ക്കു​ന്ന വ്യ​വ​സാ​യ ന​യ​ത്തി​ലെ ഇ​ള​വു​ക​ളു​​ടെ ഭാ​ഗ​മാ​ണി​ത്. നേ​ര​ത്തേ ഐ.​ടി സ്റ്റാ​ർ​ട്ട​പ്പു​ക​ൾ​ക്ക് ഈ ​ഇ​ള​വ് അ​നു​വ​ദി​ച്ചി​രു​ന്നു.

ഇ​പ്പോ​ഴാ​ണ് ഐ.​ടി ഇ​ത​ര സ്റ്റാ​ർ​ട്ട​പ്പു​ക​ളെ​യും ഉ​ൾ​പ്പെ​ടു​ത്തി​യ​ത്. ഇ​ത്ത​രം ക​മ്പ​നി​ക​ളെ ​​തെ​ര​ഞ്ഞെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട മാ​ർ​ഗ​രേ​ഖ​യും സ്റ്റോ​ർ പ​ർ​ച്ചേ​സ് വ​കു​പ്പ് പു​റ​ത്തി​റ​ക്കി. വി​വ​ര​സാ​​ങ്കേ​തി​ക​വി​ദ്യ​യു​മാ​യി ബ​ന്ധ​പ്പെ​ട്ട​തോ അ​ല്ലാ​ത്ത​തോ ആ​യ ഉ​ൽ​പ​ന്ന​ങ്ങ​ൾ നി​ർ​മി​ക്കു​ന്ന കേ​ര​ള സ്റ്റാ​ർ​ട്ട​പ് മി​ഷ​നി​ൽ ര​ജി​സ്റ്റ​ർ ചെ​യ്ത ക​മ്പ​നി​ക​ൾ​ക്കാ​ണ് അ​വ​സ​രം.

നൂ​റു​കോ​ടി രൂ​പ​യി​ൽ ക​വി​യാ​ത്ത ആ​സ്തി​യു​ള്ള ഐ.​ടി, നോ​ൺ ഐ.​ടി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ക​മ്പ​നി​ക​ൾ​ക്ക് 50 -300 ല​ക്ഷം വ​രെ ചെ​ല​വി​ലൊ​തു​ങ്ങു​ന്ന സേ​വ​ന/ ഉ​ൽ​പ​ന്ന​ങ്ങ​ളെ വ​കു​പ്പു​ക​ൾ​ക്ക് പ​രി​ച​യ​പ്പെ​ടു​ത്താം.

തു​ട​ർ​ന്ന് ‘പ​രി​ശോ​ധ​ന കാ​ല​യ​ള’​വി​ന് (ഡെ​മോ ഡേ​യ്സ്) ശേ​ഷം പ്ര​ത്യേ​ക സ​മി​തി​യു​ടെ​യും വ​കു​പ്പു​ക​ളു​ടെ​യും അം​ഗീ​കാ​ര​ത്തോ​ടെ അ​വ​ർ​ക്ക് ക​രാ​റി​ലേ​ർ​പ്പെ​ടാം. എ​ന്നാ​ൽ, നി​ല​വി​​ലെ ബി​സി​ന​സ് പു​ന​രു​ജ്ജീ​വി​പ്പി​ച്ച് ത​ട്ടി​ക്കൂ​ട്ടി​യ ക​മ്പ​നി​ക​ളെ ‘സ്റ്റാ​ർ​ട്ട​പ്’ ഗ​ണ​ത്തി​ൽ​പ്പെ​ടു​ത്താ​നാ​വി​ല്ലെ​ന്നും ഉ​ത്ത​ര​വി​ൽ പ​റ​യു​ന്നു.

താ​ൽ​പ​ര്യ​മു​ള്ള ക​മ്പ​നി​ക​ൾ​ക്ക് സ്റ്റാ​ർ​ട്ട​പ് വി​ല​യി​രു​ത്ത​ൽ സ​മി​തി (സ്റ്റാ​ർ​ട്ട​പ് പ്രൊ​ക്യു​ർ​മെ​ന്റ് ക​മ്മി​റ്റി) മു​മ്പാ​കെ പ്രോ​ജ​ക്ടു​ക​ളു​ടെ ചെ​റു അ​വ​ത​ര​ണം ന​ട​ത്താം. ഈ ​ക​ട​മ്പ ക​ഴി​ഞ്ഞാ​ൽ തെ​ര​ഞ്ഞെ​ടു​ക്ക​പ്പെ​ടു​ന്ന​വ​ർ​ക്ക് കേ​ര​ള സ്റ്റാ​ർ​ട്ട​പ് മി​ഷ​നു​മാ​യി ക​രാ​റി​ലേ​ർ​പ്പെ​ടാം.

ഒ​ന്നി​ല​ധി​കം പേ​രു​ണ്ടെ​ങ്കി​ൽ ല​ഘു ടെ​ൻ​ഡ​ർ ന​ട​പ​ടി​ക്ര​മം പാ​ലി​ക്കേ​ണ്ടി​വ​ന്നേ​ക്കും. ഐ.​ടി സെ​ക്ര​ട്ട​റി​യാ​ണ് സ്റ്റാ​ർ​ട്ട​പ് വി​ല​യി​രു​ത്ത​ൽ സ​മി​തി ചെ​യ​ർ​മാ​ൻ. കേ​ര​ള സ്റ്റാ​ർ​ട്ട​പ് മി​ഷ​ൻ പ്ര​തി​നി​ധി ക​ൺ​വീ​ന​റു​മാ​ണ്. ഈ ​സ​മി​തി പ​ച്ച​ക്കൊ​ടി വീ​ശി​യാ​ലേ ക​രാ​റി​ലേ​ർ​പ്പെ​ടാ​നാ​കൂ.

മൂ​ന്നു വ​ർ​ഷ​മാ​ണ് ക​രാ​ർ കാ​ലാ​വ​ധി. ഈ ​കാ​ല​യ​ള​വി​ൽ ഉ​ൽ​പ​ന്നം ലാ​ഭ​ക​ര​മാ​ണോ, ഗു​ണ​പ്ര​ദ​മാ​ണോ എ​ന്ന് ടെ​ക്നി​ക്ക​ൽ ക​മ്മി​റ്റി വി​ല​യി​രു​ത്ത​​ണം. ക​രാ​ർ തു​ക​യു​ടെ 30 ശ​ത​മാ​നം ഒ​പ്പി​ടു​മ്പോ​ഴും സേ​വ​നം കൈ​മാ​റു​മ്പോ​ൾ 60 ശ​ത​മാ​ന​വും വാ​റ​ന്റി കാ​ല​യ​ള​വി​നു ശേ​ഷം 10 ശ​ത​മാ​ന​വു​മാ​ണ് ന​ൽ​കു​ക.

സേ​വ​ന​വ്യ​വ​സ്ഥ​ക​ൾ തെ​റ്റി​ച്ചാ​ൽ പി​ഴ​യു​മു​ണ്ട്. 2017ൽ ​ഐ.​ടി. ന​യം വ​ന്ന ശേ​ഷ​മാ​ണ് കേ​ര​ള സ്റ്റാ​ർ​ട്ട​പ് മി​ഷ​ൻ രൂ​പ​വ​ത്ക​രി​ച്ച​ത്. 2018ലാ​ണ് അ​ഞ്ച് ല​ക്ഷ​ത്തി​ൽ താ​ഴെ വ​രു​ന്ന മൊ​ബൈ​ൽ ആ​പ്പു​ക​ൾ പോ​ലു​ള്ള ഐ.​ടി ബ​ന്ധി​ത ഉ​ൽ​പ​ന്ന​ങ്ങ​ൾ വാ​ങ്ങാ​ൻ സ​ർ​ക്കാ​ർ അ​നു​മ​തി ന​ൽ​കി​യ​ത്.