പ്രളയത്തിൽ കേടുപറ്റിയ കെട്ടിടങ്ങളെക്കു​റിച്ച ചോദ്യത്തിന് മറുപടികളുടെ പ്രളയം

മാ​ള: പ്ര​ള​യ​ത്തി​ൽ കേ​ടു​പാ​ട് സം​ഭ​വി​ച്ച​തും പ​രി​ഹ​രി​ച്ച​തു​മാ​യ കെ​ട്ടി​ട​ങ്ങ​ളു​ടെ ക​ണ​ക്ക് ചോ​ദി​ച്ച​തി​ന് കൈ​യും ക​ണ​ക്കു​മി​ല്ലാ​ത്ത മ​റു​പ​ടി. പൊ​തു​പ്ര​വ​ർ​ത്ത​ക​നാ​യ മാ​ള സ്വ​ദേ​ശി ഷാ​ന്റി ജോ​സ​ഫ് ത​ട്ട​ക​ത്ത് വി​വ​രാ​വ​കാ​ശ​നി​യ​മ​പ്ര​കാ​രം ചോ​ദി​ച്ച ചോ​ദ്യ​ത്തി​നാ​ണ് ദി​വ​സേ​ന നൂ​റോ​ളം മ​റു​പ​ടി​ക​ളെ​ത്തു​ന്ന​ത്.

2018-2019ൽ ​പ്ര​ള​യ​ത്തി​ൽ കേ​ടു​പാ​ട് സം​ഭ​വി​ച്ച​തും പ​രി​ഹ​രി​ച്ച​തു​മാ​യ കെ​ട്ടി​ട​ങ്ങ​ളു​ടെ ക​ണ​ക്കു​ക​ൾ ചോ​ദി​ച്ചാ​ണ് ഷാ​ന്റി ജോ​സ​ഫ് വി​വ​രാ​വ​കാ​ശ​നി​യ​മ​പ്ര​കാ​രം സം​സ്ഥാ​ന ചീ​ഫ് സെ​ക്ര​ട്ട​റി​ക്ക് അ​പേ​ക്ഷ ന​ൽ​കി​യ​ത്. സം​സ്ഥാ​ന സ​ർ​ക്കാ​റി​ന്റെ കൈ​യി​ൽ ക​ണ​ക്കു​ക​ളി​ല്ലാ​ത്ത​തി​നാ​ൽ സം​സ്ഥാ​ന പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ​കൂ​ടി​യാ​യ അ​ണ്ട​ർ സെ​ക്ര​ട്ട​റി സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യു​ടെ​യും ലാ​ൻ​ഡ് റ​വ​ന്യൂ ക​മീ​ഷ​ണ​റു​ടെ​യും ഓ​ഫി​സി​ലേ​ക്ക് അ​പേ​ക്ഷ അ​യ​ച്ചു. ദു​ര​ന്ത​നി​വാ​ര​ണ വ​കു​പ്പി​ൽ ക​ണ​ക്കു​ക​ൾ ല​ഭ്യ​മ​ല്ലാ​ത്ത​തി​നാ​ൽ പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം സം​സ്ഥാ​ന ഇ​ൻ​ഫ​ർ​മേ​ഷ​ൻ ഓ​ഫി​സ​ർ​ക്ക് അ​പേ​ക്ഷ കൈ​മാ​റി. ലാ​ൻ​ഡ് റ​വ​ന്യൂ ക​മീ​ഷ​ണ​റു​ടെ ഓ​ഫി​സി​ൽ​നി​ന്ന് സം​സ്ഥാ​ന​ത്തെ 14 ജി​ല്ല ക​ല​ക്ട​റേ​റ്റു​ക​ളി​ലെ പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ​മാ​ർ​ക്കും അ​പേ​ക്ഷ കൈ​മാ​റി.

തു​ട​ർ​ന്ന് സം​സ്ഥാ​ന​ത്തെ പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം സെ​ക്ഷ​ൻ ഓ​ഫി​സു​ക​ളി​ലും പി​ന്നീ​ട് 1200 ത​ദ്ദേ​ശ സ്വ​യം​ഭ​ര​ണ​സ്ഥാ​പ​ന​ങ്ങ​ളി​ലും അ​പേ​ക്ഷ കൈ​മാ​റി​യെ​ത്തി. അ​തോ​ടെ മ​റു​പ​ടി​ക​ളു​ടെ പ്ര​വാ​ഹ​മാ​യി. എ​ന്നാ​ൽ, ഓ​രോ ത​ദ്ദേ​ശ സ്ഥാ​പ​ന​ങ്ങ​ളി​ൽ​നി​ന്നും ​ക​ണ​ക്കു​ക​ൾ വെ​വ്വേ​റെ ല​ഭി​ക്കു​ന്ന​തി​നാ​ൽ സം​സ്ഥാ​ന​ത്തെ മൊ​ത്തം ക​ണ​ക്ക് ഏ​കോ​പി​പ്പി​ച്ച് കി​ട്ടാ​ത്ത സ്ഥി​തി​യാ​യി. ചു​രു​ങ്ങി​യ ദി​വ​സ​ത്തി​ന​കം നൂ​റു​ക​ണ​ക്കി​ന് മ​റു​പ​ടി​ക​ളാ​ണ് വ​ന്നു​കൊ​ണ്ടി​രി​ക്കു​ന്ന​തെ​ന്നും ഇ​വ​യെ​ല്ലാം വാ​യി​ച്ച് സം​സ്ഥാ​ന​ത്തെ മൊ​ത്ത​ത്തി​ലു​ള്ള ക​ണ​ക്ക് മ​ന​സ്സി​ലാ​ക്കു​ക സാ​ധ്യ​മ​ല്ലെ​ന്നും ഷാ​ന്റി ജോ​സ​ഫ് ത​ട്ട​ക​ത്ത് പ​റ​യു​ന്നു.

ഷാ​ന്റി ജോ​സ​ഫി​ന്റെ കു​ടും​ബം സ​ബ് ട്ര​ഷ​റി​ക്കാ​യി സ​ർ​ക്കാ​റി​ന് വി​ട്ടു​ന​ൽ​കി​യ കെ​ട്ടി​ട​ത്തി​ന് പ്ര​ള​യ​ത്തി​ൽ കേ​ടു​പാ​ട് സം​ഭ​വി​ച്ചി​രു​ന്നു. ഈ ​കേ​ടു​പാ​ടു​ക​ൾ ഇ​തു​വ​രെ പ​രി​ഹ​രി​ച്ചി​ട്ടി​ല്ല. ഇ​തേ​ക്കു​റി​ച്ചു​ള്ള വി​വ​രം​കൂ​ടി ല​ഭി​ക്കാ​നാ​ണ് വി​വ​രാ​വ​കാ​ശ അ​പേ​ക്ഷ ന​ൽ​കി​യ​ത്. സം​സ്ഥാ​നം ക​ണ്ട ഏ​റ്റ​വും വ​ലി​യ ദു​ര​ന്ത​ത്തി​ൽ നാ​ശ​ന​ഷ്ടം വ​ന്ന സ​ർ​ക്കാ​ർ കെ​ട്ടി​ട​ങ്ങ​ളു​ടെ ക​ണ​ക്കു​ക​ൾ​പോ​ലും സ​ർ​ക്കാ​റി​ന്റെ കൈ​യി​ലി​ല്ലെ​ന്ന് പ​റ​യു​ന്ന​ത് വ​ലി​യ വീ​ഴ്ച​യാ​ണെ​ന്ന് ഷാ​ന്റി ജോ​സ​ഫ് പ​റ​ഞ്ഞു.

ഈ ​ക​ണ​ക്കു​ക​ൾ ത​യാ​റാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് സം​സ്ഥാ​ന സ​ർ​ക്കാ​റി​ന് പ​രാ​തി ന​ൽ​കും. വി​വ​രാ​വ​കാ​ശ അ​പേ​ക്ഷ​ക്ക് വ്യ​ക്ത​മാ​യ ഉ​ത്ത​രം ല​ഭി​ക്കാ​ത്ത​തി​നാ​ൽ സം​സ്ഥാ​ന വി​വ​രാ​വ​കാ​ശ ക​മീ​ഷ​ണ​ർ​ക്കും പ​രാ​തി ന​ൽ​കു​മെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.