തിരുവനന്തപുരം: പോപുലർ ഫ്രണ്ട് നേതാക്കളുടെ വീടുകളിൽ എൻഫോഴ്സ്മെൻറ് റെയ്ഡ്. മുവാറ്റുപുഴ, പെരിങ്ങത്തൂർ, പെരുമ്പടപ്പ് എന്നിവിടങ്ങളിലാണ് റെയ്ഡ് നടന്നത്. മൂവാറ്റുപുഴയിൽ സംസ്ഥാന സമിതി അംഗം എം.കെ. അഷ്റഫിെൻറ ഫ്രഷ് കോള ജങ്ഷന് സമീപത്തെ വീട്ടിൽ ബുധനാഴ്ച രാവിലെ ഒമ്പതിന് ആരംഭിച്ച പരിശോധന 12ഓടെ അവസാനിച്ചു. മൂവാറ്റുപുഴയിലെ ബാങ്ക് ഉദ്യോഗസ്ഥയെയും സി.ആർ.പി.എഫ് ഉദ്യോഗസ്ഥരെയും കൂട്ടിയാണ് ഇ.ഡി എത്തിയത്. പാനൂർ നഗരസഭയിലെ പെരിങ്ങത്തൂരിനടുത്ത ഗുരുജി മുക്കിലെ എസ്.ഡി.പി.ഐ പ്രവർത്തകനായ ഷഫീഖ് പായേത്തി‍െൻറ വീട്ടിലായിരുന്നു പരിശോധന. മുംബൈയിൽനിന്നെത്തിയ പരിശോധന ഉദ്യോഗസ്ഥരോടൊപ്പം സായുധ സി.ആർ.പി.എഫ് സംഘവുമുണ്ടായിരുന്നു.
പെരുമ്പടപ്പ് ഡിവിഷൻ പ്രസിഡൻറ് അറക്കൽ അബ്ദുറസാഖിെൻറ വീട്ടിലും പരിശോധന നടന്നു. റീഹാബ് ഇന്ത്യ ഫൗണ്ടേഷന് ഫണ്ട് നൽകിയതുമായി ബന്ധപ്പെട്ടായിരുന്നു പരിശോധന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.