തിരുവനന്തപുരം: സംസ്ഥാന സർക്കാറിന്‍റെ സൗജന്യ ഓണക്കിറ്റുകളുടെ സംസ്ഥാനതല വിതരണോദ്ഘാടനം ഇന്ന് നടക്കും. രാവിലെ 8.30ന് തിരുവനന്തപുരത്ത് തമ്പാനൂർ ഹൗസിങ്‌ ബോർഡ് ജങ്‌ഷനിൽ ഭക്ഷ്യമന്ത്രി ജി.ആർ അനിലാണ് ഉദ്ഘാടനം നിർവഹിക്കുന്നത്.
കിറ്റുകൾ നാളെ മുതൽ ഞായറാഴ്ച വരെ റേഷൻ കടകളിൽനിന്ന്‌ കൈപ്പറ്റാം. 5,87,691 എ.എ.വൈ കാർഡുകാർക്കും 20,000 പേർ ഉൾപ്പെടുന്ന ക്ഷേമസ്ഥാപനങ്ങളിലെ താമസക്കാർക്കുമാണ് ഓണക്കിറ്റ്‌ നൽകുന്നത്.
എ.എ.വൈ കാർഡുടമകൾ അവരവരുടെ റേഷൻകടകളിൽ നിന്നാണ് കിറ്റ്‌ വാങ്ങേണ്ടത്. തുണി സഞ്ചി ഉൾപ്പെടെ 14 ഇനം ഭക്ഷ്യോൽപന്നങ്ങളാണ് കിറ്റിലുള്ളത്‌.
അതേസമയം, റേഷൻ കടകൾ 27, 28 തീയതികളിൽ തുറന്ന്‌ പ്രവർത്തിക്കും. തിരുവോണം മുതൽ ചതയദിനം വരെ മൂന്നുദിവസം അവധിയായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.