വള്ളിക്കുന്ന് (മലപ്പുറം): മുൻ മുഖ്യമന്ത്രി ഉമ്മൻചാണ്ടി ഇരുന്ന വേദിക്കരികിൽ പടക്കം പൊട്ടിയത് പരിഭ്രാന്തിക്കിടയാക്കി. തേഞ്ഞിപ്പലം ചെനക്കലങ്ങാടിയിൽ തിങ്കളാഴ്ച വൈകീട്ട് 8.30യോടെയാണ് സംഭവം. യു.ഡി.എഫ് പൊതുയോഗത്തിൽ പങ്കെടുക്കാനെത്തിയതായിരുന്നു അദ്ദേഹം. ആര്യാടൻ മുഹമ്മദ് സംസാരിക്കുന്നതിനിടെയാണ് പടക്കം പൊട്ടിയത്. പെട്ടെന്നുണ്ടായ ശബ്ദത്തിൽ ആര്യാടൻ ഉൾപ്പെടെ ഞെട്ടിത്തരിച്ചു. വിവരമറിഞ്ഞ് തേഞ്ഞിപ്പലം എസ്.ഐ അഭിലാഷ്, എ.എസ്.ഐ വത്സൻ എന്നിവരുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി പരിശോധന നടത്തി. ഉമ്മൻചാണ്ടി ഉൾപ്പെടെയുള്ളവർ സംസാരിച്ചു വേദി വിട്ട ശേഷമാണ് പൊലീസ് സംഘം മടങ്ങിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.