ചെറുതുരുത്തി (തൃശൂർ): മുള്ളൂർക്കര വാഴക്കോട് പ്രവർത്തിക്കുന്ന ഖാൻ പെട്രോൾ പമ്പിന് തീപിടിച്ചു. ചൊവ്വാഴ്ച രാവിലെ 10.30നാണ് സംഭവം. വടക്കാഞ്ചേരി നിന്ന് എത്തിയ പൊലീസും രണ്ട് യൂനിറ്റ് അഗ്നിരക്ഷാസേനയും ചേർന്നാണ് ഒരു മണിക്കൂറിന് ശേഷം തീ അണച്ചത്.
പമ്പിൽ തീപിടിത്തമുണ്ടായതോടെ തൃശൂർ -ഷൊർണൂർ സംസ്ഥാനപാതയിലൂടെയുള്ള എല്ലാ വാഹനങ്ങളും പല സ്ഥലങ്ങളിലായി വഴിതിരിച്ചുവിട്ടു. സ്ഥലത്തേക്ക് ആളുകൾക്കും നിയന്ത്രണം ഏർപ്പെടുത്തി.
തീ കൂടുതൽ പടരാതിരിക്കാനുള്ള നടപടികൾ സ്വീകരിച്ചിരുന്നു. പമ്പിലെ ടാങ്കിലേക്ക് ഉൾപ്പെടെ തീ പടരുമോ എന്ന ഭയവുമുണ്ടായിരുന്നു. തീപിടിക്കാനുള്ള കാരണം വ്യക്തമായിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.