മലപ്പുറം: എൽ.ഡി.എഫ്, യു.ഡി.എഫ് വ്യത്യാസമില്ലാതെ കേരള സമൂഹം ഒറ്റക്കെട്ടായി വിദ്വേഷനീക്കത്തെ ചെറുക്കുമെന്ന് മുസ്ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. പി.സി ജോർജിന്റെ അറസ്റ്റ് സർക്കാർ കൊട്ടിഘോഷിക്കേണ്ടതില്ല. മാധ്യമങ്ങളും വിഷയത്തിന് അമിത പ്രാധാന്യം നൽകരുതെന്നും കുഞ്ഞാലിക്കുട്ടി മാധ്യമങ്ങളോട് പറഞ്ഞു.
ഉത്തരേന്ത്യയിൽ നടപ്പാക്കുന്ന തരത്തിൽ വർഗീയത വളർത്തി അത് വോട്ടാക്കി മാറ്റാനാണ് സംഘ്പരിവാർ ശ്രമം. ശബരിമല വിഷയത്തിൽ പോലും സീറ്റ് ലഭിക്കാത്തവരാണ് ഇപ്പോൾ വിദ്വേഷ പ്രസംഗവുമായി രംഗത്തെത്തിയത്. വിദ്വേഷ പ്രസംഗത്തിലൂടെ കേരളത്തിൽ തീവ്രവികാരം ആളിക്കത്തിച്ച് അതിൽ നിന്ന് നേട്ടം കൊയ്യാനാണ് ശ്രമം. എന്നാൽ കേരളത്തിൽ ഇത് നടപ്പാകില്ല. അതിനാലാണ് സംഘ്പരിവാർ നേതാക്കൻമാരും മന്ത്രിമാരും ഉൾപ്പെടെ ഇപ്പോൾ ബഹളം വെക്കുന്നത്. സമാധാനത്തിലൂടെ കഴിയുന്ന സമൂഹത്തെ ഭിന്നിപ്പിക്കാനാണ് ശ്രമമെന്നും കുഞ്ഞാലിക്കുട്ടി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.