'സദാചാര ലംഘനം' ആരോപിച്ച്​ െപാലീസുകാര​െൻറ സസ്പെൻഷൻ ഉത്തരവ്: കമീഷണർ വെട്ടിൽ

കോഴിക്കോട്​: സിവിൽ പൊലീസ്​ ഒാഫിസറെ സസ്​പെൻഡ്​ ചെയ്​ത്​ ഉത്തരവിറക്കിയ സിറ്റി പൊലീസ്​ കമീഷണർ എ.വി. ജോർജ് വെട്ടിലായി. സിറ്റി കൺട്രോൾ റൂമിലെ ഉമേഷ്​ വള്ളിക്കുന്നി​െന 'സദാചാര ലംഘനം' ആരോപിച്ച്​ സസ്​പെൻഡ്​ ചെയ്​തിറക്കിയ ഉത്തരവിലെ പരാമർശങ്ങളാണ്​​ വിവാദമായത്​. സ്​ത്രീവിരുദ്ധവും സാമാന്യ നീതിക്ക്​ നിരക്കാത്തതുമാണ്​ സസ്​പെൻഷൻ ഉത്തരവെന്ന്​ ചൂണ്ടിക്കാട്ടി സമൂഹ മാധ്യമങ്ങളിലടക്കം വ്യാപക വിമർശനമാണ്​ ഉയർന്നത്​. എ​​ഴുത്തുകാരൻ എൻ.എസ്​. മാധവനടക്കമുള്ളവർ ഉത്തരവി​െൻറ കോപ്പി ട്വീറ്റ്​ ചെയ്​ത്​ വിഷയം വലിയ ചർച്ചയാക്കി.

അതിനിടെ, വിവാദ ഉത്തരവിൽ പരാമർശിക്കുന്ന കോഴിക്കോട്​ സ്വദേശിയും ഗായികയുമായ ആതിര കെ. കൃഷ്​ണൻ ഉത്തരവിലെ സ്​ത്രീവിരുദ്ധ പരാമർശങ്ങൾ ചൂണ്ടിക്കാട്ടി കമീഷണർക്കെതിരെ ഉത്തരമേഖല ​െഎ.ജി അശോക്​ യാദവിന്​ പരാതി നൽകിയിട്ടുണ്ട്​. ആതിരക്ക്​​ ഫ്ലാറ്റ്​ വാടകക്കെടുത്തു കൊടു​ത്തെന്നും ഈ ഫ്ലാറ്റിൽ നിത്യസന്ദർശനം നടത്തുന്നത്​ ​െപാലീസ്​ സേനക്ക്​ കളങ്കമാണെന്നും ആരോപിച്ചാണ്​ ഉമേഷിനെ സസ്​പെൻഡ്​ ചെയ്യുന്നത്​ എന്നാണ്​ ഉത്തരവിൽ പറയുന്നത്​. മാത്രമല്ല ആതിരയെ വീട്ടിൽനിന്ന്​ ഇറക്കിക്കൊണ്ടുപോയി ഫ്ലാറ്റിൽ താമസിപ്പി​ച്ചെന്നാരോപിച്ച്​ ഉമേഷിനെതിരെ ലഭിച്ച പരാതിയിൽ സ്​പെഷൽ ബ്രാഞ്ച്​ അസി. കമീഷണർ അന്വേഷണം നടത്തി റിപ്പോർട്ട്​ സമർപ്പിച്ചതി​െൻറ അടിസ്​ഥാനത്തിലാണ്​ നടപട​ിയെന്നും പറയുന്നു.

എന്നാൽ, 31 വയസ്സുള്ള സ്ത്രീ സ്വന്തമായി ഫ്ലാറ്റ് വാടകക്കെടുത്ത് താമസിക്കുന്നതിനെ അവരുടെ മൊഴിക്ക് വിപരീതമായി സസ്​പെൻഷൻ ഉത്തരവിൽ എഴുതിവെക്കുകയായിരുന്നുവെന്നും ​താൻ ഫ്ലാറ്റെടുത്തുകൊടുക്കാൻ സഹായിക്കുകയും കരാറിൽ സാക്ഷിയായി ഒപ്പിടുകയും മാത്രമേ ചെയ്​തിട്ടുള്ളൂവെന്നും നിത്യസന്ദർശകൻ എന്നതടക്കമുള്ള പരാമർശങ്ങൾ തെറ്റാ​െണന്നും ഉമേഷ്​ വള്ളിക്കുന്ന്​ പറഞ്ഞു. കമീഷണറുടെ നിർദേശപ്രകാരം ഫ്ലാറ്റിൽ അന്വേഷണത്തി​െനത്തിയ സ്​പെഷൽ ബ്രാഞ്ച്​ അസി. കമീഷണർ സുദർശനിൽനിന്ന്​ മോശം സമീപനമുണ്ടായതിനെതിരെയും ആതിര ​െഎ.ജിക്ക്​ പരാതി നൽകി.

സ്ത്രീയായ താൻ തനിച്ച് താമസിക്കുന്നിടത്ത് മുന്നറിയിപ്പില്ലാതെ പുരുഷ പൊലീസുകാർ കടന്ന്​ എന്നെ ഭയപ്പെടുത്തി മൊഴിയെടുത്തു, മറ്റൊരാൾക്കെതിരെയുള്ള പരാതിയെ തനിക്കെതിരായ പരാതി എന്ന് തെറ്റിദ്ധരിപ്പിച്ചു, നിർബന്ധപൂർവം മൊഴിയിൽ ഒപ്പുവെപ്പിച്ചു, ബോഡിഷെയിമിങ്ങും കറുത്ത നിറത്തോടുള്ള അധിക്ഷേപവും നടത്തി എന്നതടക്കമുള്ള ആരോപണങ്ങളാണ്​ അവർ പരാതിയിൽ ഉന്നയിച്ചത്​. വിഷയത്തിൽ പ്രതികരണത്തിന്​ കമീഷണറെ ഫോണിൽ ബന്ധപ്പെ​െട്ടങ്കിലും ലഭ്യമായില്ല.

ശബരിമല വിഷയവുമായി ബന്ധപ്പെട്ട്​ ആക്രമികൾ മിഠായിത്തെരുവിൽ അഴിഞ്ഞാടിയപ്പോൾ തടയാൻ അന്നത്തെ സിറ്റി ​പൊലീസ്​ മേധാവിക്ക്​ കഴിഞ്ഞില്ലെന്ന്​ ആരോപിച്ച്​​ ഫേസ്​ബുക്കിൽ കുറിപ്പിട്ടതി​െൻറ പേരിൽ സസ്​പെഷൻഷനിലാവുകയും ഇൻക്രിമെൻറ്​ തടയപ്പെടുകയും ചെയ്​ത ഉമേഷിന്​​ അലൻ ഷുഹൈബിനെയും താഹ ഫസലിനെയും യു.എ.പി.എ ചുമത്തി അറസ്​റ്റ്​ ചെയ്​തതി​െൻറ പിന്നാലെ, 'കാട്​ പൂക്കുന്ന നേരം' എന്ന സിനിമയുടെ ​േപാസ്​റ്റർ പങ്കുവെച്ചതി​ന്​ മെമ്മോയും കിട്ടിയിരുന്നു.