ജാ​തി​വെ​റി​ക്ക് രാ​ഷ്​​ട്രീ​യ കൂ​ട്ട്

ന​വം​ബ​ർ 23 സ​ന്ധ്യാ​നേ​രം. എ​ൻ​മ​ക​ജെ ഗ്രാ​മ​പ​ഞ്ചാ​യ​ത്തി​ലെ സ്വ​ർ​ഗ​യി​ൽ പ​തി​വി​ല്ലാ​തെ ഒ​രു പ​ന്തം കൊ​ളു​ത്തി​പ്ര​ക​ട​നം. തൊ​ട്ടു​കൂ​ടാ​യ്മ​ക്കും ജാ​തി​വെ​റി​ക്കു​മെ​തി​രാ​യ പ്ര​ക്ഷോ​ഭ​മ​ല്ലാ​യി​രു​ന്നു അ​ത്. മ​റി​ച്ച്, ​ജാ​തി​ബോ​ധം ഉൗ​ട്ടി​യു​റ​പ്പി​ക്കാ​നു​ള്ള സം​ഘ​ടി​ത​ശ്ര​മം. ജ​ടാ​ധാ​രി ക്ഷേ​ത്രം 'അ​ശു​ദ്ധ'​മാ​ക്കു​ന്ന​വ​ർ​ക്കെ​തി​രാ​യ താ​ക്കീ​താ​യി​രു​ന്നു അ​ത്. ഹൈ​ന്ദ​വ​സം​ഘ​ട​ന​ക​ൾ എ​ന്ന​പേ​രി​ലാ​ണ് പ്ര​തി​ഷേ​ധം സം​ഘ​ടി​പ്പി​ച്ച​ത്.

ആ ​സം​ഘ​ട​ന​ക​ളി​ൽ താ​ഴ്​​ന്ന​ജാ​തി​ക്കാ​ർ ആ​രു​മി​ല്ല. നൂ​റു​ക​ണ​ക്കി​ന് പേ​ർ പ്ര​ക​ട​ന​ത്തി​ൽ അ​ണി​നി​ര​ന്നു. ദേ​വ​സ്ഥാ​ന​ത്ത് ആ​രോ ചെ​രി​പ്പി​ട്ട് ക​യ​റി​യെ​ന്നും ചി​ല​ർ പു​റ​ത്തു​നി​ന്നും ആ​ളു​ക​ളെ കൊ​ണ്ടു​വ​ന്ന് പ്ര​ശ്ന​മു​ണ്ടാ​ക്കു​ക​യാ​ണെ​ന്നും സ​മ​ര​ക്കാ​ർ ആ​രോ​പി​ച്ചു. കൃ​ഷ്ണ​മോ​ഹ​ന പൊ​സ​ള്ള്യ​യു​ടെ നേ​തൃ​ത്വ​ത്തി​ൽ ദ​ലി​ത​ർ ന​ട​ത്തു​ന്ന ഇ​ട​പെ​ട​ലു​ക​ൾ​ക്കെ​തി​രെ​യാ​ണ് ഇ​വ​ർ സം​ഘ​ടി​ച്ച​ത്.

ക്ഷേ​ത്ര ഭ​ര​ണ​സ​മി​തി​യി​ലെ അം​ഗ​ങ്ങ​ളി​ൽ മി​ക്ക​വ​രും പ്ര​തി​ഷേ​ധ​ത്തി​ൽ പ​ങ്കാ​ളി​ക​ളാ​യി. ബ്രാ​ഹ്​​മ​ണ​രാ​യ ഇ​വ​ർ എ​ല്ലാ​വ​രും സം​ഘ്പ​രി​വാ​റു​മാ​യി അ​ടു​ത്ത ബ​ന്ധ​മു​ള്ള​വ​ർ. പ്ര​ക​ട​ന​ത്തി​ൽ പ​ങ്കെ​ടു​ത്ത​വ​രും മു​ദ്രാ​വാ​ക്യം എ​ഴു​തി ന​ൽ​കി​യ​വ​രു​മെ​ല്ലാം ദേ​ശീ​യ പാ​ർ​ട്ടി​ക്കാ​രെ​ന്ന് പ്ര​ദേ​ശ​ത്തെ ദ​ലി​ത് സ​മു​ദാ​യാം​ഗ​ങ്ങ​ൾ പ​റ​യു​ന്നു.

എ​ൻ​മ​ക​ജെ ഗ്രാ​മ പ​ഞ്ചാ​യ​ത്ത്​ ബി.​ജെ.​പി​യു​ടെ ശ​ക്തി​കേ​ന്ദ്ര​മാ​ണ്. ഇ​ത്ത​വ​ണ ബി.​ജെ.​പി​യി​ൽ​നി​ന്ന് ഭ​ര​ണ​സ​മി​തി യു.​ഡി.​എ​ഫ് പി​ടി​ച്ചെ​ടു​ത്തു. ജാ​തി​ക്കോ​യ്മ​യു​ടെ പ്ര​തീ​ക​മാ​യ ജ​ടാ​ധാ​രി ക്ഷേ​ത്രം നി​ല​കൊ​ള്ളു​ന്ന അ​ഞ്ചാം​വാ​ർ​ഡ് ബ​ദി​യ​റു എ​ന്നും ബി.​ജെ.​പി​ക്കൊ​പ്പ​മാ​ണ്. ഇ​ത്ത​വ​ണ​യും ബി.​ജെ.​പി പ്ര​തി​നി​ധി​യാ​ണ്​ വാ​ർ​ഡ് അം​ഗം. ജാ​തി​വി​വേ​ച​നം ഇ​വ​ർ ക​ണ്ടി​ല്ലെ​ന്ന് ന​ടി​ക്കു​ക​യാ​ണെ​ന്നും മ​റി​ച്ചൊ​ന്നും ഇ​വ​രി​ൽ​നി​ന്ന്​ പ്ര​തീ​ക്ഷി​ക്കു​ന്നി​ല്ലെ​ന്നും മൊ​ഗ​ർ സ​മു​ദാ​യ​ത്തി​ലെ ഒ​രു വി​ദ്യാ​ർ​ഥി പ​റ​ഞ്ഞു. പ്ര​ദേ​ശ​ത്തെ ജ​ന​സം​ഖ്യ​യു​ടെ നാ​ലി​ലൊ​ന്ന് മാ​ത്ര​മാ​ണ് ബ്രാ​ഹ്മ​ണ​ർ. 300ഓ​ളം കു​ടും​ബ​ങ്ങ​ളാ​ണ് ദ​ലി​ത്- ആ​ദി​വാ​സി ​ഗോ​ത്ര വി​ഭാ​ഗ​ത്തി​ൽ​പെ​ട്ട​വ​രാ​യു​ള്ള​ത്.

വോ​ട്ടെ​ത്തി​യാ​ൽ ദ​ലി​ത​രും കാ​വി​യ​ണി​യും

ഇ​ക്ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി സം​സ്ഥാ​ന അ​ധ്യ​ക്ഷ​ൻ മ​ത്സ​രി​ച്ച മ​ണ്ഡ​ല​മാ​ണ് മ​ഞ്ചേ​ശ്വ​രം. കേ​ര​ള​ത്തി​ൽ ഏ​റ്റ​വും ജ​ന​ശ്ര​ദ്ധ​യാ​ക​ർ​ഷി​ച്ച മ​ണ്ഡ​ല​ങ്ങ​ളി​ലൊ​ന്ന്. അ​യി​ത്തം നി​ല​നി​ൽ​ക്കു​ന്ന എ​ൻ​മ​ക​ജെ​യും ഈ ​മ​ണ്ഡ​ല​ത്തി​നു കീ​ഴി​ലാ​ണ്. എ​ൻ​മ​ക​ജെ ഭ​രി​ക്കു​ന്ന​ത് യു.​ഡി.​എ​ഫ് ആ​ണെ​ങ്കി​ലും അ​സം​ബ്ലി തെ​ര​ഞ്ഞെ​ടു​പ്പി​ൽ ബി.​ജെ.​പി​ക്കാ​ണ് മേ​ധാ​വി​ത്വം.

ജാ​തി​വെ​റി​യും തൊ​ട്ടു​കൂ​ടാ​യ്മ​യു​മെ​ല്ലാ​മു​ണ്ടെ​ങ്കി​ലും തെ​ര​ഞ്ഞെ​ടു​പ്പ് വേ​ള​യി​ൽ ദ​ലി​ത​രി​ൽ ഒ​രു വി​ഭാ​ഗം കാ​വി​യ​ണി​യു​മെ​ന്ന​താ​ണ്​ ആ​ശ്ച​ര്യ​ക​രം. 'ഹൈ​ന്ദ​വ ഏ​കീ​ക​ര​ണ'​പ്ര​ചാ​ര​ണ​ത്തി​ലും ചി​ല സൗ​ജ​ന്യ​ങ്ങ​ളി​ലും ഇ​വ​ർ വീ​ണു​പോ​കു​ന്ന​താ​യി പേ​ര് വെ​ളി​പ്പെ​ടു​ത്താ​ത്ത ഇ​ട​തു​പ്ര​വ​ർ​ത്ത​ക​ൻ പ​റ​ഞ്ഞു. കാ​വി​മു​ണ്ടും ഷാ​ളു​മൊ​ക്കെ അ​ണി​ഞ്ഞ്​ തെ​ര​ഞ്ഞെ​ടു​പ്പ് ​ഗോ​ദ​യി​ൽ ദ​ലി​ത​രി​ൽ ചി​ല​ർ സ​ജീ​വ​മാ​കും.

തെ​ര​ഞ്ഞെ​ടു​പ്പി​നു പി​റ്റേ​ന്ന് ദ​ലി​ത​ൻ വീ​ണ്ടും പ​ഴ​യ​പോ​ലെ ത​ന്നെ. മേ​ൽ​ജാ​തി​ക്കാ​ര​നും പ​ഴ​യ​പ​ടി. ദ​ലി​ത​രെ ഒ​പ്പം കൂ​ട്ടി ക​റി​വേ​പ്പി​ല ക​ണ​ക്കെ വ​ലി​ച്ചെ​റി​യു​ന്ന​ത്​ പ​തി​വാ​ണെ​ന്ന്​​ കോ​ള​നി​യി​ലെ വി​ദ്യാ​ർ​ഥി പ​രി​ഭ​വി​ച്ചു. ബി.​ജെ.​പി മാ​ത്ര​മ​ല്ല, കോ​ൺ​ഗ്ര​സും എ​ന്തി​ന്​ ഇ​ട​തു​പ​ക്ഷം പോ​ലും ഇ​ത്ത​രം ജാ​തി​കാ​ര്യ​ങ്ങ​ളി​ലേ​ക്ക്​ വ​ല്ലാ​തെ ത​ല​യി​ടാ​റി​ല്ല. ആ​രെ​യും നോ​വി​ക്കാ​തെ​യാ​ണ്​ എ​ല്ലാ​വ​രു​ടെ​യും പാ​ർ​ട്ടി​പ്ര​വ​ർ​ത്ത​ന​മെ​ന്ന്​ ചു​രു​ക്കം.

മ​രി​ച്ചി​ട്ടും മ​ന​സ്സ​ലി​യാ​ത്ത ജാ​തി​ബോ​ധം

ക​ർ​ണാ​ട​ക​യോ​ട്​ അ​തി​ർ​ത്തി​പ​ങ്കി​ടു​ന്ന കേ​ര​ള​വി​ലാ​സം ഗ്രാ​മ​ങ്ങ​ളി​ൽ അ​യി​ത്ത​ക്ക​ഥ​ക​ൾ​ക്ക്​ പു​തു​മ​യി​ല്ല. ചി​ര​ട്ട​യി​ൽ ചാ​യ ​കൊ​ടു​ക്കു​ന്ന​തെ​ല്ലാം മാ​റി​യെ​ന്നേ​യു​ള്ളൂ. ബ്രാ​ഹ്​​മ​ണ​ർ​ക്ക്​ കീ​ഴ്​​പ്പെ​ട്ട്​ ജീ​വി​ക്കേ​ണ്ട​വ​ർ ത​ന്നെ​യാ​ണ്​ ത​ങ്ങ​ളെ​ന്ന്​ വി​ശ്വ​സി​ക്കു​ന്ന ദ​ലി​ത്​-​ആ​ദി​വാ​സി വി​ഭാ​ഗ​ങ്ങ​ൾ ഒ​േ​ട്ട​റെ​യു​ണ്ട്​ ഇ​വി​ടെ. ക്ഷേ​ത്ര​വും നാ​ടും ന​ഗ​ര​വു​മെ​ല്ലാം മേ​ൽ​ജാ​തി​ക്കാ​ര​േ​ൻ​റ​തെ​ന്നും അ​വ​രു​ടെ കോ​പ​ത്തി​നി​ട​യാ​ക്കി​യാ​ൽ ദൈ​വം പൊ​റു​ക്കി​ല്ലെ​ന്നും ഇ​വ​രി​ൽ ചി​ല​ർ ഉ​റ​ച്ചു വി​ശ്വ​സി​ക്കു​ന്നു.

മേ​ൽ​ജാ​തി​ക്കാ​ര​െൻറ മു​ന്നി​ലൂ​ടെ​യു​ള്ള വ​ഴി പോ​ലും ഉ​പ​യോ​ഗി​ക്കാ​ൻ ക​ഴി​യാ​ത്ത സ്​​ഥി​തി​യു​ണ്ട്. ഇ​നി ഉ​പ​യോ​ഗി​ക്കു​ക​യാ​ണെ​ങ്കി​ൽ അ​ട​ങ്ങി​യൊ​തു​ങ്ങി ന​ട​ക്ക​ണം. ആ ​വ​ഴി​ക്ക്​ വാ​ഹ​ന​ത്തി​ൽ സ​ഞ്ച​രി​ക്കാ​നൊ​ന്നും അ​നു​മ​തി​യി​ല്ല.

ബെ​ള്ളൂ​ർ പ​ഞ്ചാ​യ​ത്തി​ൽ മൂ​ന്നു​വ​ർ​ഷം മു​മ്പ്​ പാ​മ്പു​ക​ടി​യേ​റ്റ്​ യു​വാ​വ്​ മ​രി​ച്ച​ത്​ വ​ലി​യ വി​വാ​ദ​മാ​യി​രു​ന്നു. വീ​ട്ടി​ലെ ക​ട​ന്ന​ൽ​ക്കൂ​ടി​ന്​ തീ​യി​ടാ​ൻ ഒ​ര​ു മേ​ൽ​ജാ​തി​ക്കാ​ര​ൻ കൂ​ലി​ക്ക്​ വി​ളി​ച്ച​താ​യി​രു​ന്നു യു​വാ​വി​നെ. അ​തി​നി​ടെ​യാ​ണ്​ പാ​മ്പു​ക​ടി​യേ​റ്റ​ത്. ആ​ശു​പ​ത്രി​യി​ലേ​ക്ക്​ പോ​കാ​ൻ വാ​ഹ​നം ന​ൽ​കാ​ൻ മു​ത​ലാ​ളി​യു​ടെ ​ജാ​തി​ബോ​ധം സ​മ്മ​തി​ച്ചി​ല്ല. വാ​ഹ​നം 'അ​ശു​ദ്ധ'​മാ​വു​ന്ന​താ​ണ്​ പ്ര​ശ്​​നം. ഗ​ത്യ​ന്ത​ര​മി​ല്ലാ​തെ ത​ല​ച്ചു​മ​ടാ​യി യു​വാ​വി​നെ​യും കൊ​ണ്ട്​ സ്വ​ന്തം സ​മു​ദാ​യ​ക്കാ​ർ ആ​ശു​പ​ത്രി​യി​ലെ​ത്തി​ച്ചു. സ​മ​യ​ത്തി​ന്​ ചി​കി​ത്സ കി​ട്ടാ​തെ യു​വാ​വ്​ മ​രി​ച്ച​ത്​ ര​ണ്ട​ര​വ​ർ​ഷം മു​മ്പാ​ണ്. ജി​ല്ല ഭ​ര​ണ​കൂ​ടം വി​ഷ​യ​ത്തി​ൽ റി​പ്പോ​ർ​ട്ട്​ തേ​ടി​യെ​ങ്കി​ലും അ​തെ​ല്ലാം ഇ​പ്പോ​ൾ കെ​ട്ട​ട​ങ്ങി.

ഉ​യ​ർ​ന്ന ജാ​തി​ക്കാ​രു​ടെ വീ​ടി​നോ​ട്​ ചേ​ർ​ന്നു​ള്ള റോ​ഡി​ലൂ​ടെ​ ദ​ലി​ത​നെ വാ​ഹ​ന​ത്തി​ൽ ക​യ​റ്റി​ക്കൊ​ണ്ടു​പോ​കു​ന്ന​തി​നും വി​ല​ക്കു​ണ്ട്.​ ഇൗ ​സം​ഭ​വ​വും ബെ​ള്ളൂ​ർ പ​ഞ്ചാ​യ​ത്തി​ൽ ത​ന്നെ. മേ​ൽ​ജാ​തി​ക്കാ​ര​െൻറ വീ​ടി​നു മു​ന്നി​ലെ​ത്തി​യ​പ്പോ​ൾ ത​ല​ച്ചു​മ​ടാ​യി ആ​ശു​പ​ത്രി​യി​ൽ എ​ത്തി​ച്ച​ത്​ വ​ലി​യ വാ​ർ​ത്ത​യാ​യി​രു​ന്നു അ​ന്ന്. ബെ​ള്ളൂ​ർ പ​ഞ്ചാ​യ​ത്തി​ലെ ഹൊ​സോ​ളി​ഗെ തൊ​ട്ട​ത്തി​ന്‍ മൂ​ല കോ​ള​നി നി​വാ​സി​ക​ൾ​ക്കാ​യി​രു​ന്നു ഇൗ ​ദു​ര​നു​ഭ​വം. ഇ​ങ്ങ​നെ ഒ​​േ​ട്ട​റെ അ​നു​ഭ​വ​ങ്ങ​ൾ കീ​ഴ്​​ജാ​തി​ക്കാ​ർ​ക്ക്​ പ​റ​യാ​നു​ണ്ട്.

മേ​ൽ​ജാ​തി​ക്കാ​ര​നാ​യ പ​ത്തും പ​തി​ന​ഞ്ചും വ​യ​സ്സു​ള്ള​വ​ർ പോ​ലും 60വ​യ​സ്സു​കാ​രെ വി​ളി​ക്കു​ന്ന​ത്​ താ​ൻ എ​ന്നാ​വും. ഉ​യ​ർ​ന്ന ജാ​തി​ചി​ന്ത​യി​ൽ അ​ങ്ങ​നെ വി​ളി​ക്കു​ന്ന​ത്​ ഇ​ന്നും തു​ട​രു​ന്ന​താ​യി സു​ന്ദ​ര ബ​ദി​യ​ടു​ക്ക പ​റ​ഞ്ഞു. അ​ച്ഛ​നെ​പോ​ലും നീ ​എ​ന്ന്​ 15കാ​ര​ൻ വി​ളി​ക്കു​ന്ന​ത്​ സ​ഹി​ക്കാ​ൻ ക​ഴി​യാ​റി​ല്ലെ​ന്നും അ​ദ്ദേ​ഹം പ​റ​ഞ്ഞു. 

(അ​വ​സാ​നി​ച്ചു)