നഴ്സിങ് അധ്യാപകരെ സ്ഥലംമാറ്റുന്നതിൽ പ്രതിഷേധം

കൊ​ച്ചി: സ​ർ​ക്കാ​ർ ന​ഴ്സി​ങ് കോ​ള​ജു​ക​ളി​ലെ അ​ധ്യാ​പ​ക​രെ താ​ൽ​ക്കാ​ലി​ക ജോ​ലി​ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യി സ്ഥ​ലം​മാ​റ്റു​ന്ന​തി​ൽ പ്ര​തി​ഷേ​ധം. കോ​ഴി​ക്കോ​ട്, തൃ​ശൂ​ർ, എ​റ​ണാ​കു​ളം, ആ​ല​പ്പു​ഴ, കോ​ട്ട​യം തു​ട​ങ്ങി​യ സ​ർ​ക്കാ​ർ ന​ഴ്സി​ങ് കോ​ള​ജു​ക​ളി​ലെ പ​ത്തോ​ളം അ​ധ്യാ​പ​ക​രെ​യാ​ണ് കാ​സ​ർ​കോ​ട്, വ​യ​നാ​ട്, ഇ​ടു​ക്കി, പാ​ല​ക്കാ​ട്, പ​ത്ത​നം​തി​ട്ട ന​ഴ്സി​ങ് കോ​ള​ജു​ക​ളി​ലേ​ക്ക് മാ​റ്റി​യ​ത്.

കോ​ഴി​ക്കോ​ട്, തൃ​ശൂ​ർ, എ​റ​ണാ​കു​ളം ന​ഴ്സി​ങ് കോ​ള​ജു​ക​ളി​ലെ പ​ല കോ​ഴ്സു​ക​ൾ​ക്കും അ​ധ്യാ​പ​ക​രി​ല്ലെ​ന്ന കാ​ര​ണ​ത്താ​ൽ അം​ഗീ​കാ​രം ന​ഷ്ട​പ്പെ​ട്ട അ​വ​സ്ഥ​യി​ലാ​ണ്. ആ​രോ​ഗ്യ സ​ർ​വ​ക​ലാ​ശാ​ല ന​ട​ത്തി​യ പ​രി​ശോ​ധ​ന​യി​ലും അ​ധ്യാ​പ​ക​രു​ടെ എ​ണ്ണം കു​റ​വാ​ണെ​ന്ന് ക​ണ്ടെ​ത്തു​ക​യും അ​ത് പ​രി​ഹ​രി​ക്ക​ണ​മെ​ന്ന് നി​ർ​ദേ​ശി​ക്കു​ക​യും ചെ​യ്തി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് ഇ​വി​ട​ങ്ങ​ളി​ൽ​നി​ന്ന് വീ​ണ്ടും അ​ധ്യാ​പ​ക​രെ മാ​റ്റു​ന്ന​ത്. ഇ​ത് വി​ദ്യാ​ർ​ഥി​ക​ളു​ടെ പ​ഠ​ന​നി​ല​വാ​ര​ത്തെ ബാ​ധി​ക്കു​ക​യും ഭാ​വി അ​വ​താ​ള​ത്തി​ലാ​ക്കു​ക​യും ചെ​യ്യു​മെ​ന്നാ​ണ് കേ​ര​ള ബി.​എ​സ്​​സി ന​ഴ്സി​ങ് സ്റ്റു​ഡ​ൻ​റ്സ് അ​സോ​സി​യേ​ഷ​ൻ ആ​രോ​പി​ക്കു​ന്ന​ത്. എ​റ​ണാ​കു​ളം ന​ഴ്സി​ങ് കോ​ള​ജി​ൽ 46 അ​ധ്യാ​പ​ക​ർ വേ​ണ്ടി​ട​ത്ത് 31 പേ​ർ മാ​ത്ര​മാ​ണു​ള്ള​ത്. ഇ​വ​രി​ൽ​നി​ന്നാ​ണ് വീ​ണ്ടും നാ​ല് പേ​രെ മാ​റ്റു​ന്ന​ത്. പ്ര​ശ്ന​പ​രി​ഹാ​ര​മാ​യി​ല്ലെ​ങ്കി​ൽ സ​മ​രം ആ​രം​ഭി​ക്കാ​നാ​ണ് വി​ദ്യാ​ർ​ഥി സം​ഘ​ട​ന​യു​ടെ തീ​രു​മാ​നം.