25 വർഷം നിഴൽപോലെ രവീന്ദ്രൻ പിള്ളയെ കണ്ടത്​ കുടുംബാംഗത്തെപ്പോലെ

കൊ​ട്ടി​യം: കാ​ൽ​നൂ​റ്റാ​ണ്ടി​ല​ധി​ക​മു​ള്ള സേ​വ​ന​ത്തി​നി​ട​യി​ൽ ത​ന്നെ ഒ​രി​ക്ക​ലും ഒ​രു ഗ​ൺ​മാ​നാ​യി​ട്ടാ​യി​രു​ന്നി​ല്ല ഉ​മ്മ​ൻ ചാ​ണ്ടി ക​ണ്ടി​രു​ന്ന​തെ​ന്ന് 1991 മു​ത​ൽ 2017 വ​രെ ഉ​മ്മ​ൻ ചാ​ണ്ടി​യൊ​ടൊ​പ്പം ഗ​ൺ​മാ​നാ​യി​രു​ന്ന കൊ​ല്ലം ത​ട്ടാ​ർ​കോ​ണം ഗി​രി​ദീ​പ​ത്തി​ൽ റി​ട്ട. എ​സ്.​ഐ ര​വീ​ന്ദ്ര​ൻ പി​ള്ള. 25 വ​ർ​ഷ​ത്തി​ല​ധി​കം അ​ദ്ദേ​ഹ​ത്തി​ന്‍റെ നി​ഴ​ൽ​പോ​ലെ കൂ​ടെ​യു​ണ്ടാ​യി​രു​ന്ന ത​ന്നെ സ്വ​ന്തം കു​ടും​ബാം​ഗ​ത്തെ​പ്പോ​ലെ​യാ​ണ് ക​ണ്ടി​രു​ന്ന​ത്.

ഒ​രി​ക്ക​ൽ കാ​റി​ന് മു​ക​ളി​ൽ പ​ട​ക്കം വീ​ണ് പൊ​ട്ടി​യ സം​ഭ​വം മ​റ​ക്കാ​നാ​കാ​ത്ത​താ​ണ്. 2009 ൽ ​പ്ര​തി​പ​ക്ഷ നേ​താ​വാ​യി​രി​ക്കു​മ്പോ​ൾ ഒ​രു ദീ​പാ​വ​ലി​യു​ടെ ത​ലേ​ദി​വ​സം കോ​ട്ട​യ​ത്തു​നി​ന്ന്​ തി​രു​വ​ന​ന്ത​പു​ര​ത്തേ​ക്ക് സ്റ്റേ​റ്റ് കാ​റി​ൽ വ​രു​ന്ന വ​ഴി പൊ​ടി​യാ​ടി​യി​ൽ ഒ​രു സം​ഘം പ​ട​ക്കം പൊ​ട്ടി​ക്കു​ന്നു​ണ്ടാ​യി​രു​ന്നു. ഒ​രാ​ൾ മു​ക​ളി​ലേ​ക്ക് എ​റി​ഞ്ഞ ഗു​ണ്ട് ഉ​മ്മ​ൻ ചാ​ണ്ടി​യു​ടെ കാ​റി​ന് മു​ക​ളി​ൽ വീ​ഴു​ക​യും വ​ലി​യ ശ​ബ്ദ​ത്തോ​ടെ പൊ​ട്ടി​ത്തെ​റി​ക്കു​ക​യും കാ​റി​ന്‍റെ ഗ്ലാ​സ് ത​ക​ർ​ന്ന് അ​ദ്ദേ​ഹ​ത്തി​ന്‍റെ ശ​രീ​ര​മാ​കെ വീ​ഴു​ക​യും ചെ​യ്തു.

പ​ട​ക്കം പൊ​ട്ടി​ച്ചു കൊ​ണ്ടി​രു​ന്ന​വ​ർ സ്ഥ​ലം വി​ട്ടെ​ങ്കി​ലും അ​ദ്ദേ​ഹം കാ​റി​ൽ​നി​ന്ന്​ പു​റ​ത്തി​റ​ങ്ങി സ്ഥ​ല​ത്തെ​ത്തി​യ​വ​രോ​ട് ത​നി​ക്ക് പ​രാ​തി​യി​ല്ലെ​ന്ന് പ​റ​ഞ്ഞി​ട്ട് പോ​യി. എ​ന്നാ​ൽ, പ​ട​ക്കം പൊ​ട്ടി​ച്ച​വ​രെ രാ​ത്രി​യി​ൽ​ത​ന്നെ പൊ​ലീ​സ് പി​ടി​കൂ​ടി. ഈ ​വി​വ​ര​മ​റി​ഞ്ഞ ഉ​മ്മ​ൻ ചാ​ണ്ടി പൊ​ലീ​സ് സൂ​പ്ര​ണ്ടി​നെ വി​ളി​ച്ച് ഇ​തു സം​ബ​ന്ധി​ച്ച് യാ​തൊ​രു ന​ട​പ​ടി​ക​ളും സ്വീ​ക​രി​ക്ക​രു​തെ​ന്ന് നി​ർ​ദേ​ശി​ച്ചു.

ആ​ശു​പ​ത്രി കേ​സു​ക​ളു​മാ​യി ബ​ന്ധ​പ്പെ​ട്ട് നേ​രം പു​ല​രും മു​മ്പു​ത​ന്നെ നി​ര​വ​ധി പേ​രാ​ണ് അ​ദ്ദേ​ഹ​ത്തി​നെ കാ​ണാ​നെ​ത്തി​യി​രു​ന്ന​ത്. അ​വ​ർ​ക്കെ​ല്ലാം ആ​വ​ശ്യ​മാ​യ​തെ​ന്തും ചെ​യ്തു​കൊ​ടു​ക്കു​മാ​യി​രു​ന്നു. സ​മ​ര​സ്ഥ​ലം സ​ന്ദ​ർ​ശി​ക്കാ​ൻ പോ​ക​വെ ഒ​രി​ക്ക​ൽ കു​ഴി​യി​ൽ വീ​ഴാ​ൻ പോ​യ അ​ദ്ദേ​ഹ​ത്തെ പൊ​ക്കി ക​യ​റ്റി​യ​തും മ​റ​ക്കാ​ൻ ക​ഴി​യു​ന്നി​ല്ല.

എ​വി​ടെ ചെ​ന്നാ​ലും നി​വേ​ദ​ന​വു​മാ​യി ധാ​രാ​ളം പേ​ർ എ​ത്തു​മാ​യി​രു​ന്നു. എ​ല്ലാ​വ​രു​ടെ​യും കൈ​യി​ൽ​നി​ന്ന്​ പ​രാ​തി​ക​ളും നി​വേ​ദ​ന​ങ്ങ​ളും വാ​ങ്ങി വാ​യി​ച്ചു​നോ​ക്കി ന​ട​പ​ടി​ക​ൾ​ക്കാ​യി അ​യ​ക്കും. കൊ​ടി കാ​ണി​ച്ചാ​ൽ​പോ​ലും ആ​ളു​ക​ളെ ഉ​പ​ദ്ര​വി​ക്കു​ന്ന ഇ​ക്കാ​ല​ത്ത് ത​ന്നെ ഉ​പ​ദ്ര​വി​ക്കാ​ൻ വ​ന്നാ​ൽ​പോ​ലും ക്ഷ​മി​ക്കു​ക പ​തി​വാ​യി​രു​ന്നു. ബം​ഗ​ളൂ​രു​വി​ൽ ചി​കി​ത്സ​ക്ക് പോ​കു​ന്ന​തി​ന് മു​മ്പ് അ​ദ്ദേ​ഹ​ത്തെ പോ​യി​ക​ണ്ടി​രു​ന്ന​താ​യും ആ​ർ​ക്കും എ​പ്പോ​ഴും കാ​ണാ​വു​ന്ന മ​നു​ഷ്യ​സ്നേ​ഹി​യാ​യി​രു​ന്നു അ​ദ്ദേ​ഹ​മെ​ന്നും ര​വീ​ന്ദ്ര​ൻ പി​ള്ള പ​റ​യു​ന്നു.