ബന്ധ​ു നിയമനം; മന്ത്രി നേരിട്ടിടപെട്ടതിന്​ തെളിവുമായി യൂത്ത്​ ലീഗ്​

കോഴിക്കോട്​: ബന്ധു നിയമനത്തിന്​ മന്ത്രി കെ.ടി ജലീൽ നേരിട്ടിടപെട്ടു എന്നതിന്​ തെളിവുണ്ടെന്ന്​ യൂത്ത്​ ലീഗ്​ സംസ്​ഥാന സെക്രട്ടറി പി.കെ ഫിറോസ്​. ന്യൂനപക്ഷ വികസന ധനകാര്യ കോർപ്പറേഷൻ ജനറൽ മാനേജരുടെ വിദ്യാഭ്യാസ യോഗ്യതയിൽ മാറ്റം വരുത്താൻ മന്ത്രി കുറിപ്പെഴുതി സെക്​ഷനിലേക്ക്​ കൊടുത്തുവെന്ന്​ ഫിറോസ്​ വാർത്താസമ്മേളനത്തിൽ ആരോപിച്ചു. മന്ത്രിയുടെ നോട്ട്​ ഉയർത്തിക്കാണിച്ചായിരുന്നു ആരോപണം.

2016 ജൂലൈ 28 ന്​ മന്ത്രി വകുപ്പിലേക്ക്​ നൽകിയ കുറിപ്പിൽ ജനറൽ മാനേജരുടെ യോഗ്യതയിൽ മാറ്റം വരുത്താൻ മന്ത്രി ആവശ്യപ്പെട്ടു. ബിരുദവും എം.ബി.എയും അടിസ്​ഥാനയോഗ്യതയായി കണക്കാക്കിയ ഉത്തരവ്​ തിരുത്തി യോഗ്യതയിൽ ബിരുദവും എം.ബി.എയുമോ അല്ലെങ്കിൽ ബി.ടെക്കും പി.ജി.ഡി.ബിയും മൂന്നു വർഷത്തെ പ്രവർത്തി പരിചയവും യോഗ്യതയായി ചേർക്കണമെന്നാണ്​ കുറിപ്പിൽ ആവശ്യപ്പെട്ടിരിക്കുന്നത്​.

എന്നാൽ, ധനകാര്യ വകുപ്പി​​​​​​െൻറ അഭിപ്രായത്തോടെ മന്ത്രിസഭാ യോഗമാണ്​ വിദ്യാഭ്യാസ യോഗ്യത തീരുമാനിച്ചത് എന്ന്​​ വകുപ്പ്​ സെക്രട്ടറി എ. ഷാജഹാൻ ഇതിനു മറുപടി നൽകി. ഉത്തരവിൽ മാറ്റം വരുത്തണമെങ്കിൽ മന്ത്രി സഭ അംഗീകരിക്കണം എന്നും ചൂണ്ടിക്കാട്ടി മേധാവി കുറിപ്പ് മന്ത്രിക്ക്​ തിരിച്ചയച്ചു.

എന്നാൽ ഇത്​ അധിക യോഗ്യതയാണെന്നും അതിന്​ മന്ത്രിസഭയുടെ അംഗീകാരം വേണ്ടെന്നും മുഖ്യമന്ത്രിയുടെ അംഗീകാരം മാത്രം മതിയെന്നും കാണിച്ച്​ മന്ത്രി മറുപടി നൽകി. തുടർന്ന്​ മുഖ്യമന്ത്രിയു​െട ഒപ്പുവാങ്ങി കുറിപ്പ്​ തിരിച്ചയച്ചുവെന്നും ഫിറോസ്​ ആരോപിച്ചു. മന്ത്രി പറഞ്ഞുപോലെ അധിക യോഗ്യതയല്ല, അടിസ്​ഥാന യോഗ്യതയിലാണ്​ മാറ്റം വരുത്തിയതെന്നും ഫിറോസ്​ പറഞ്ഞു.

ഖണ്ഡിക ആറു പ്രകാരം യോഗ്യതയിൽ മാറ്റംവരുത്തി ഉത്തരവിറക്കുന്നുവെന്നാണ്​ സർക്കാർ സെക്രട്ടറി ഉത്തരവിൽ പറഞ്ഞിരിക്കുന്നത്​. ഖണ്ഡിക ആറ്​ എന്നത്​, യോഗ്യതയിൽ മാറ്റം വരുത്താൻ കാബിനറ്റിൽ വെക്കേണ്ടതില്ലെന്ന കെ.ടി ജലീലി​​​​​െൻറ കുറിപ്പാണെന്നും ഫിറോസ്​ വ്യക്​തമാക്കി. കാബിനറ്റിൽ വെക്കേണ്ടതില്ലെന്ന മുഖ്യമന്ത്രിയുടെ തീരുമാന പ്രകാരം ഉത്തരവിറക്കുന്നവെന്നല്ല സർക്കാർ സെക്രട്ടറി നോട്ട്​ എഴുതിയത്​. കാബിനറ്റിൽ വെക്കാതെ ഉത്തരവിറക്കുന്നത്​ ശരിയല്ലെന്ന്​ സെക്രട്ടറിക്കറിയാമെന്നും ഫിറോസ്​ പറഞ്ഞു.

ജലീലി​​​​​െൻറ ബന്ധു നിയമനം മുഖ്യമന്ത്രി അറിഞ്ഞു കൊണ്ടാണോ എന്ന്​ അദ്ദേഹം വ്യക്​തമാക്കണം. കാബിനറ്റിൽ വെക്കേണ്ടതില്ലെന്ന മന്ത്രിയുടെ വാദത്തെ ശരിവെക്കുന്നതരത്തിൽ കുറിപ്പിൽ മുഖ്യമന്ത്രി ഒപ്പുവെക്കാൻ ഇടയായാത്​ എങ്ങനെയാണ്​. ഇൗ കളിയിൽ മുഖ്യമന്ത്രിക്കും പങ്കുള്ളതുകൊണ്ടാണോ അദ്ദേഹം മൗനം തുടരുന്നത്​. അതോ മുഖ്യമന്ത്രിയെ കബളിപ്പിച്ചാ​േണാ അംഗീകാരം നേടിയതെന്നും മുഖ്യമന്ത്രി വ്യക്​തമാക്കണന്നെും ഫിറോസ്​ പറഞ്ഞു.