കുതിരവട്ടത്ത് സുരക്ഷ വീഴ്ചയും ചാടിപ്പോകലും തുടർക്കഥ

കോ​ഴി​ക്കോ​ട്: കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്ര​ത്തി​ൽ സു​ര​ക്ഷ വീ​ഴ്ച​യും അ​ന്തേ​വാ​സി​ക​ളു​​ടെ ചാ​ടി​പ്പോ​ക്കും തു​ട​ർ​ക്ക​ഥ. ക​ഴു​ത്തി​ൽ സാ​രി​ചു​റ്റി ഭ​ർ​ത്താ​വി​നെ ​കൊ​ല​പ്പെ​ടു​ത്തി​യ ബി​ഹാ​ർ സ്വ​ദേ​ശി​നി പൂ​നം​ദേ​വി​യാ​ണ് അ​വ​സാ​ന​മാ​യി ചാ​ടി​പ്പോ​യ​തും പി​ന്നീ​ട് വേ​ങ്ങ​ര​യി​ൽ നി​ന്ന് പി​ടി​യി​ലാ​യ​തും. ശു​ചി​മു​റി​യു​ടെ ചെ​റി​യ ഗ്രി​ൽ ഇ​ള​ക്കി​മാ​റ്റി​യാ​ണ് ഇ​വ​ർ ര​ക്ഷ​പ്പെ​ട്ട​തെ​ങ്കി​ൽ പെ​രി​ന്ത​ൽ​മ​ണ്ണ ദൃ​ശ്യ കൊ​ല​ക്കേ​സ്​ പ്ര​തി വി​നീ​ഷ് നേ​ര​ത്തെ ര​ക്ഷ​പ്പെ​ട്ട​ത് മ​റ്റൊ​രു അ​ന്തേ​വാ​സി​യു​ടെ കൈ​യി​ൽ കു​ടു​ങ്ങി​യ മോ​തി​രം ഊ​രി​യെ​ടു​ക്കാ​ൻ​ അ​ഗ്​​നി ര​ക്ഷ​സേ​ന എ​ത്തി​യ സ​മ​യ​ത്താ​ണ്. ഇ​യാ​ൾ പി​ന്നീ​ട് ക​ർ​ണാ​ട​ക​യി​ലെ ധ​ർ​മ​സ്ഥ​ാലയിൽ നി​ന്നാ​ണ് പി​ടി​യി​ലാ​യ​ത്.

കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ല്‍ നി​ര​വ​ധി ബൈ​ക്ക് മോ​ഷ​ണ​ക്കേ​സു​ക​ളി​ല്‍ പ്ര​തി​യാ​യ ക​ൽ​പ​ക​ഞ്ചേ​രി സ്വ​ദേ​ശി മു​ഹ​മ്മ​ദ് ഇ​ര്‍ഫാ​നും നേ​ര​ത്തെ ഇ​വി​​ടെ നി​ന്ന് ചാ​ടി​പ്പോ​യി. ദി​വ​സ​​ങ്ങ​ളെ​ടു​ത്ത് ശു​ചി​മു​റി​യു​ടെ ഭി​ത്തി സ്റ്റീ​ൽ പാ​ത്രം ഉ​പ​യോ​ഗി​ച്ച് തു​ര​ന്ന് പു​റ​ത്തു​ചാ​ടി​യ ഇ​ദ്ദേ​ഹം പി​ന്നീ​ട് കോ​ട്ട​ക്ക​ലി​ൽ വാ​ഹ​നാ​പ​ക​ട​ത്തി​ൽ മ​രി​ച്ചു. ഇ​തൊ​ന്നും കൂ​ടാ​തെ ഇ​ത​ര സം​സ്ഥാ​ന​ക്കാ​രാ​യ യു​വ​തി​ക​ള​ട​ക്കം പ​ത്തി​ലേ​റെ പേ​ർ വി​വി​ധ ദി​വ​സ​ങ്ങ​ളി​ലാ​യി ചാ​ടി​പ്പോ​വു​ക​യും പി​ന്നീ​ട് പി​ടി​യി​ലാ​വു​ക​യും ചെ​യ്തു. മ​ഹാ​രാ​ഷ്ട്ര സ്വ​ദേ​ശി​നി​യാ​യ യു​വ​തി സ​ഹ​ അ​ന്തേ​വാ​സി​യു​ടെ മ​ർ​ദ​ന​മേ​റ്റ് ഇ​വി​ട​ത്തെ സെ​ല്ലി​ൽ മ​രി​ച്ചിരുന്നു. അ​ന്തേ​വാ​സി​ക​ൾ തു​ട​രെ ചാ​ടി​പ്പോ​കു​ന്ന​തി​ൽ പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ മ​തി​യാ​യ സു​ര​ക്ഷ ജീ​വ​ന​ക്കാ​രി​ല്ലാ​ത്ത​താ​ണ് പ്ര​ധാ​ന​കാ​ര​ണ​മാ​യി ക​​ണ്ടെ​ത്തി​യ​ത്.

ഇ​ക്കാ​ര്യം റി​പ്പോ​ർ​ട്ടാ​ക്കി അ​ന്ന​ത്തെ സി​റ്റി പൊ​ലീ​സ് മേ​ധാ​വി എ. ​അ​ക്ബ​ർ ഹൈ​കോ​ട​തി​യി​ൽ സ​മ​ർ​പ്പി​ക്കു​ക​യും ചെ​യ്തി​രു​ന്നു. തു​ട​ർ​ന്ന് സ​ർ​ക്കാ​ർ വി​ഷ​യ​ത്തി​ലി​ട​പെ​ട്ട് കൂ​ടു​ത​ൽ താ​ൽ​ക്കാ​ലി​ക സു​ര​ക്ഷ ജീ​വ​ന​ക്കാ​രെ​യ​ട​ക്കം നി​യോ​ഗി​ച്ചു. മാ​ത്ര​മ​ല്ല മാ​സ്റ്റ​ർ​പ്ലാ​ൻ അ​നു​സ​രി​ച്ചു​ള്ള വി​ക​സ​ന പ്ര​വ​ർ​ത്ത​ന​ങ്ങ​ൾ ഉ​ട​ൻ ന​ട​പ്പാ​ക്കു​മെ​ന്നും പ്ര​ഖ്യാ​പി​ച്ചു.

ഇ​തി​നി​ടെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, ആ​രോ​ഗ്യ മ​ന്ത്രി വീ​ണ ജോ​ർ​ജ്, ചീ​ഫ് സെ​ക്ര​ട്ട​റി ഡോ. ​വി.​പി. ജോ​യ് എ​ന്നി​വ​ർ വി​വി​ധ സ​മ​യ​ങ്ങ​ളി​ൽ മാ​ന​സി​കാ​രോ​ഗ്യ കേ​ന്ദ്രം സ​ന്ദ​ർ​ശി​ച്ച് പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തു​ക​യും ​ചെ​യ്തു. എ​ന്നി​ട്ടും സു​ര​ക്ഷ പ്ര​ശ്ന​ങ്ങ​ൾ പൂ​ർ​ണ​മാ​യും പി​രി​ഹ​രി​ക്കാ​നാ​യി​ല്ലെ​ന്ന​ത് വി​മ​ർ​ശ​ന​ങ്ങ​ൾ​ക്കി​ട​യാ​യി​ട്ടു​ണ്ട്.

ഓ​രോ മ​ണി​ക്കൂ​ർ ഇ​ട​വി​ട്ടും പ​രി​ശോ​ധ​ന ന​ട​ക്കു​ന്ന ​സെ​ല്ലി​ൽ നി​ന്നാ​ണ് ക​ഴി​ഞ്ഞ ദി​വ​സം യു​വ​തി ചാ​ടി​പ്പോ​യ​ത് എ​ന്ന​ത​ട​ക്കം വ​ലി​യ സു​ര​ക്ഷ വീ​ഴ്ച​യാ​യാ​ണ് വി​ല​യി​രു​ത്തു​ന്ന​ത്.