അധ്യാപകന്റെ സസ്പെൻഷൻ പിൻവലിച്ച നടപടിയിൽ പ്രതിഷേധിച്ച് എസ്.എഫ്.ഐ കാമ്പസിൽ നടത്തിയ സമരം
പെരിയ: കേരള കേന്ദ്ര സര്‍വകലാശാലയില്‍ വിദ്യാര്‍ഥികള്‍ക്കെതിരെ ലൈംഗികാതിക്രമം നടത്തിയ അധ്യാപകന്റെ സസ്പെൻഷൻ പിൻവലിച്ച നടപടിയിൽ പ്രതിഷേധിച്ച് എസ്.എഫ്.ഐ സമരം തുടരുന്നു. മണിക്കൂറുകളോളം വൈസ് ചാൻസലർ ഓഫിസ് ഉപരോധിച്ചു. ഒന്നാം വട്ട ചർച്ച നടന്നുവെങ്കിലും എസ്.എഫ്.ഐ പ്രതിനിധികൾ ചർച്ചയിൽ നിന്ന് ഇറങ്ങിപ്പോയി.
ഇഫ്തിക്കറിനെ കാമ്പസിലും ക്ലാസിലും പ്രവേശിക്കാൻ അനുവദിക്കില്ലെന്നും വിഷയത്തിന്റെ ഗൗരവം തിരിച്ചറിഞ്ഞ് ഇഫ്തിക്കറിന്റെ സസ്പെൻഷൻ പിൻവലിച്ച സർവകലാശാല നടപടി റദ്ദ് ചെയ്യണമെന്നും ആവശ്യപ്പെട്ടു.തുടർന്ന് ഇഫ്തിക്കറിന്റെ കാബിനിൽ എസ്.എഫ്.ഐ കൊടിനാട്ടി. ഉപരോധ സമരം ജില്ല കമ്മിറ്റി അംഗം അഭിരാം ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.