കോട്ടയം: ജലന്ധര്‍ ബിഷപ് ഫ്രാങ്കോ മുളക്കലിനെതിരെ രേഖാമൂലം പരാതി ലഭിച്ചില്ലെന്ന് കർദിനാൾ ആവർത്തിക്കുന്നതിനിടെ, കന്യാസ്ത്രീ നൽകിയ കത്തിെൻറ പകര്‍പ്പ് പുറത്ത്. കന്യാസ്ത്രീ 2017 ജൂലൈ 11ന് കര്‍ദിനാള്‍ ജോർജ് ആലഞ്ചേരിക്ക് നൽകിയ കത്താണ് പുറത്തുവന്നത്.
ജലന്ധര്‍ ബിഷപ് ഫ്രാങ്കോ മുളക്കല്‍ നേരിട്ടും ഫോണിലൂടെയും അപമാനിക്കുെന്നന്നും ബിഷപ്പിെൻറ ദുരുദ്ദേശ്യത്തോടെയുള്ള സമീപനം സഹിക്കാവുന്നതിനും അപ്പുറമാണെന്നും കത്തിൽ പറയുന്നുണ്ട്.
ബിഷപ്പിെൻറ ചെയ്തികള്‍ എഴുതി നല്‍കാന്‍ കഴിയാത്തത്രയും മോശമാണ്. താന്‍ സഭ വിടുന്നതിനെക്കുറിച്ച് ആലോചിക്കുകയാണ്. കന്യാസ്ത്രീകള്‍ നേരിടുന്ന ഗുരുതരപ്രശ്നങ്ങള്‍ പരിഹരിക്കാന്‍ കര്‍ദിനാള്‍ ഇടപെടണം. കര്‍ദിനാളിനെ നേരിട്ട് കണ്ട് പരാതി പറയാന്‍ ആഗ്രഹിക്കുന്നു. പാലാ ബിഷപ്പിനോട് പറഞ്ഞപ്പോള്‍ കര്‍ദിനാളിനെ സമീപിക്കാന്‍ നിര്‍ദേശിച്ചതായി കത്തിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.