പാലക്കാട്: വീട്ടിൽ അതിക്രമിച്ചുകയറി 10 വയസ്സുകാരിയെ ലൈംഗിക അതിക്രമത്തിന് ഇരയാക്കിയ കേസിൽ പ്രതിക്ക് ആറുവർഷം കഠിനതടവും 26,000 രൂപ പിഴയും ശിക്ഷ. കോങ്ങാട് ചെറായ സുരേഷിനെയാണ് (34) വിവിധ വകുപ്പുകളിലായി പാലക്കാട് ഫാസ്റ്റ് ട്രാക്ക് സ്പെഷൽ പോക്സോ കോടതി ശിക്ഷിച്ചത്.
2018 മാർച്ചിലാണ് കേസിനാസ്പദ സംഭവം. കോങ്ങാട് പൊലീസ് രജിസ്റ്റർ ചെയ്ത കേസ് അന്നത്തെ സി.ഐ പ്രേമാനന്ദകൃഷ്ണൻ, എസ്.ഐമാരായ ഹരീഷ് , അനീഷ് എന്നിവരാണ് അന്വേഷണം പൂർത്തിയാക്കിയത്.
പിഴ അടച്ചില്ലെങ്കിൽ ആറര മാസം അധിക തടവ് അനുഭവിക്കണം. പിഴത്തുക ഇരക്ക് നൽകണം. ശിക്ഷ ഒന്നിച്ച് അനുഭവിച്ചാൽ മതി.പ്രോസിക്യൂഷന് വേണ്ടി അഡ്വ. ടി. ശോഭന ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.