തിരുവനന്തപുരം: ഡി.വൈ.എഫ്.ഐ തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ തിരുവനന്തപുരം മെഡിക്കൽ കോളജിലെ രോഗികൾക്കും കൂട്ടിരിപ്പുകാർക്കും ഉച്ചഭക്ഷണം നൽകുന്ന 'ഹൃദപൂർവ്വം പദ്ധതി'ക്ക് ആറ് വയസ്. ഞായറാഴ്ച ഉച്ചക്ക് 12.30 ന് മെഡിക്കൽ കോളജിൽ സി.പി.എം സംസ്ഥാന സെക്രട്ടറി എം.വി ഗോവിന്ദൻ മാസ്റ്റർ ആറാം വാർഷികം ഉദ്ഘാടനം ചെയ്തു.
പൊതിച്ചോർ വാങ്ങാനെത്തിയവർക്കൊപ്പം കേക്ക് മുറിച്ചും പായസം വിളമ്പിയുമാണ് വാർഷികാഘോഷം സംഘടിപ്പിച്ചത്. സി.പി.എം ജില്ലാ സെക്രട്ടറി ആനാവൂർ നാഗപ്പൻ, കേരള കർഷക സംഘം സംസ്ഥാന പ്രസിഡന്റ് എം. വിജയകുമാർ, ഡി.വൈ.എഫ്.ഐ ജില്ലാ സെക്രട്ടറി ഡോ.ഷിജുഖാൻ, പ്രസിഡന്റ് വി.അനൂപ്,ട്രഷറർ വി.എസ് ശ്യാമ, സംസ്ഥാന കമ്മിറ്റി അംഗങ്ങളും പങ്കെടുത്തു. പാളയം ബ്ലോക് കമ്മിറ്റിക്കു കീഴിലെ ജനറൽ ഹോസ്പിറ്റിൽ മേഖലാ കമ്മിറ്റിയായിരുന്നു പൊതിച്ചോർ വിതരണം ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.