സോളാർ കേസ് സി.ബി.ഐക്ക് വിടാനുള്ള സർക്കാർ തീരുമാനത്തിൽ മുഖ്യമന്ത്രിയോട് നന്ദി പറഞ്ഞ് പരാതിക്കാരി. കേസിൽ ഇനിയെങ്കിലും നീതി ലഭിക്കുമെന്നാണ് കരുതുന്നതെന്നും അവർ പറഞ്ഞു. നിലവിലെ സംസ്ഥാന ഏജൻസികളുടെ അന്വേഷണത്തിൽ പോരായ്മ ഉള്ളതുകൊണ്ടല്ല കേസിൽ സി.ബി.ഐയെ ആവശ്യപ്പെട്ടത്. സോളാർ കേസ് കേരളത്തിൽ മാത്രം ഒതുങ്ങി നിൽക്കുന്നതല്ലെന്ന് മനസിലായതുകൊണ്ടാണ് സി.ബി.ഐ അന്വേഷണം ആവശ്യപ്പെട്ടത്.
ഇരയായ തനിക്കുണ്ടായ സാമ്പത്തിക നഷ്ടങ്ങളെകുറിച്ചും സി.ബി.ഐ അന്വേഷിക്കണം. നിലവിൽ എഫ്.ഐ.ആർ ഇട്ട കേസുകളിലാണ് അന്വേഷണം നടക്കുക. എന്നാൽ വിശദമായ മൊഴികൾ അനുസരിച്ച് അന്വേഷണം മറ്റുള്ളവരിലേക്കും നീളും. ഈ മാസം12നാണ് സി.ബി.ഐ അന്വേഷണം ആവശ്യപ്പെട്ട് മുഖ്യമന്ത്രിക്ക് അപേക്ഷ നൽകിയതെന്നും പരാതിക്കാരി പറഞ്ഞു. സോളാർ സംബന്ധിച്ച ആറ് പീഡന കേസുകളാണ് സി.ബി.ഐക്ക് വിടാൻ സർക്കാർ തീരുമാനിച്ചത്. ഇതുസംബന്ധിച്ച വിജഞാപനം ശനിയാഴ്ച പുറത്തിറങ്ങിയിരുന്നു.
ഇരയാക്കപ്പെട്ട യുവതി മുഖ്യമന്ത്രി പിണറായി വിജയന് നൽകിയ പരാതിയെതുടർന്നാണ് നടപടി. ഉമ്മൻചാണ്ടി, കെ.സി.വേണുഗോപാൽ, എ.പി. അനിൽകുമാർ, അബ്ദുല്ലക്കുട്ടി, ഹൈബി ഈഡൻ തുടങ്ങിവർക്കെതിരായ കേസുകളാണ് സി.ബി.െഎക്ക് വിടുന്നത്. ഡൽഹി പൊലീസ് എക്സ്റ്റാബ്ലിഷ്മെന്‍റ് ആക്ട് അനുസരിച്ച് കേസുകൾ സി.ബി.ഐ ഏറ്റെടുക്കണമെന്ന് കാട്ടിയുള്ള ശിപാർശ ഉടൻ സർക്കാർ കേന്ദ്രത്തിനയക്കും. നിയമസഭാ തെരഞ്ഞെടുപ്പിന് ആഴ്ച്ചകൾ ബാക്കിനിൽക്കെയാണ് എൽ.ഡി.എഫ് സർക്കാർ ഇത്തരമൊരു തീരുമാനം എടുത്തിരിക്കുന്നത്. 2006ൽ സമാനമായ രീതിയിൽ ലാവലിൻ കേസ് അന്നത്തെ സർക്കാർ സി.ബി.ഐക്ക് വിട്ടിരുന്നു. സോളാർ കേസ് ഏറ്റെടുക്കണമോ എന്നുള്ളത് സി.ബി.ഐ സ്വന്തം വിേവചനാധികാരംകൂടി പരിഗണിച്ചാവും തീരുമാനിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.