രമേശ്
എടക്കര: യുവാവിനെ വെട്ടിക്കൊലപ്പെടുത്താന്‍ ശ്രമിച്ചയാള്‍ പൊലീസ് പിടിയില്‍. മുണ്ടേരി ഏട്ടപ്പാറ കോളനിയിലെ രമേശിനെയാണ് (25) പോത്തുകല്ല് പൊലീസ് അറസ്റ്റ് ചെയ്തത്. ഉപ്പട മലച്ചി കോളനിയില്‍ ബുധനാഴ്ച രാത്രി ഏഴിനാണ് സംഭവം. മലച്ചി കോളനിയിലെ അനീഷിനെയാണ് (23) ഇയാള്‍ ആക്രമിച്ചത്.
മരംവെട്ടുകാരനായ രമേശ് തന്റെ കൈയിലുള്ള മൂർച്ചയുള്ള ആയുധം ഉപയോഗിച്ച് അനീഷിന്റെ കഴുത്തില്‍ വെട്ടുകയായിരുന്നുവെന്ന് പൊലീസ് പറഞ്ഞു. ഗുരുതര പരിക്കുകളോടെ അനീഷിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
നിലമ്പൂര്‍ ഡിവൈ.എസ്.പി സാജു കെ. എബ്രഹാമിന്റെ നിര്‍ദേശപ്രകാരം പോത്തുകല്ല് പൊലീസ് ഇന്‍സ്‌പെക്ടര്‍ വി.എം. ശ്രീകുമാര്‍, എസ്.ഐ കെ. സോമന്‍, സി.പി.ഒ ദിനേശ്, ഹോംഗാര്‍ഡ് സോമരാജ് എന്നിവരാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.