തിരുവനന്തപുരം: കോടതിയുടെ വാക്കാലുള്ള പരാമർശത്തിെൻറ പേരിൽ രാജിവെക്കില്ലെന്ന് ഗതാഗത മന്ത്രി തോമസ് ചാണ്ടി. കോടതി വിധി എതിരെങ്കിൽ മാത്രം രാജിവെക്കുമെന്നും തോമസ് ചാണ്ടി പറഞ്ഞു. കോടതിയുടെ ഉത്തരവ് കിട്ടിയ ശേഷം വീണ്ടും മാധ്യമങ്ങളെ കാണാമെന്നും അദ്ദേഹം വ്യക്തമാക്കി.
അതേ സമയം, ഭൂമി കൈയേറ്റക്കേസിൽ ഹൈകോടതി ഉത്തരവ് റദ്ദാക്കണമെന്ന് ആവശ്യപ്പെട്ട് തോമസ് ചാണ്ടി സുപ്രീംകോടതിയെ സമീപിച്ചേക്കുമെന്നും വാർത്തകളുണ്ട്. അതിനിടെ കേന്ദ്രനേതൃത്വവുമായുള്ള കൂടിക്കാഴ്ചകൾക്ക് ഡൽഹിക്കു പോകാനിരുന്ന തോമസ് ചാണ്ടി യാത്ര റദ്ദാക്കിയിരുന്നു.
കായല്‍ കയ്യേറ്റ ആരോപണത്തില്‍ ആലപ്പുഴ കലക്ടറുടെ റിപ്പോർട്ട് ചോദ്യം ചെയ്തുള്ള മന്ത്രി തോമസ് ചാണ്ടിയുടെ ഹരജി അതിരൂക്ഷമായ വിമര്‍ശനങ്ങളോടെ ഹൈകോടതി തള്ളിയിരുന്നു. സര്‍ക്കാറിനെ ചോദ്യംചെയ്ത് മന്ത്രി കോടതിയെ സമീപിക്കുന്നത് ഭരണഘടനാവിരുദ്ധമെന്നും റിപ്പോര്‍ട്ടില്‍ പിശകുണ്ടെങ്കില്‍ കലക്ടറെ തന്നെ സമീപിക്കണമെന്നും കോടതി പറഞ്ഞു. തോമസ് ചാണ്ടിയുടെ അപേക്ഷയില്‍ കലക്ടര്‍ 15 ദിവസത്തിനകം തീരുമാനമെടുക്കണമെന്നും കോടതി വിധിച്ചു. ഹൈകോടതി വിധി പുറത്തുവന്നതിന് പിന്നാലെ മുഖ്യമന്ത്രി പിണറായി വിജയനും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും തമ്മിൽ കൂടിക്കാഴ്ച നടത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.