കൽപറ്റ: ശക്തമായ മഴ തുടരുന്നതിനാൽ എറണാകുളം, വയനാട്, പാലക്കാട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് അതത് ജില്ല കലക്ടർമാർ ചൊവ്വാഴ്ച അവധി പ്രഖ്യാപിച്ചു. എറണാകുളത്തും വയനാട്ടിലും പ്രഫഷനൽ കോളജ്‌ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് അവധിയുണ്ട്.
എറണാകുളത്ത് സി.ബി.എസ്.ഇ, െഎ.സി.എസ്.ഇ സ്കൂളുകൾക്കും കേന്ദ്രീയ വിദ്യാലയങ്ങൾക്കും അവധി ബാധകമാണ്. പകരം മറ്റൊരു ശനിയാഴ്ച പ്രവൃത്തി ദിവസം ആയിരിക്കുമെന്നും കലക്ടർ അറിയിച്ചു.
പാലക്കാട് അങ്കണവാടി മുതൽ ഹയർ സെക്കൻഡറി സ്കൂളുകൾക്ക് വരെയാണ് അവധി. ഉന്നത വിദ്യാഭ്യാസ സ്ഥാപനങ്ങൾ പ്രവർത്തിക്കുമെന്ന് കലക്ടർ അറിയിച്ചു.
വയനാട്ടിൽ അതിശക്തമായ മഴയെ തുടർന്ന് പുഴകളിലും തോടുകളിലും അണക്കെട്ടുകളിലും ജലനിരപ്പ് ഉയർന്നു. ശക്തമായ മലവെള്ളപ്പാച്ചിലിനും സാധ്യതയുണ്ട്‌. മഴ കുറയുന്നതുവരെ ഡാമുകളിലും പുഴകളിലും ഇറങ്ങാതെ സൂക്ഷിക്കണമെന്നും മുന്നറിയിപ്പുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.