ആലപ്പുഴ: മാവേലിക്കര അച്ചൻകോവിലാറ്റിൽ ഓട്ടോ മറിഞ്ഞ് കാണാതായ മൂന്ന് വയസുകാരന്‍റെ മൃതദേഹം കണ്ടെത്തി. വെൺമണി സ്വദേശി ശൈലേഷിന്‍റെ മകൻ കാശിനാഥിന്‍റെ മൃതദേഹമാണ് കണ്ടെത്തിയത്. കുട്ടിയുടെ അമ്മ ആതിരയുടെ മൃതദേഹം ഇന്നലെ കണ്ടെത്തിയിരുന്നു.
മാവേലിക്കരയിൽ നിന്നും ക്ഷേത്രത്തിൽ പോയി മടങ്ങുംവഴി കൊല്ലക്കടവിൽ വെച്ചായിരുന്നു അപകടം. അഞ്ച് പേരടങ്ങുന്ന ഓട്ടോ നിയന്ത്രണം വിട്ട് അച്ചൻകോവിലാറ്റിലേക്ക് മറിയുകയായിരുന്നു. ഓട്ടോ മറിഞ്ഞത് ശ്രദ്ധയിൽപ്പെട്ട പ്രദേശവാസികൾ മൂന്ന് പേരെ രക്ഷപ്പെടുത്തിയിരുന്നു. ആതിര ഓട്ടോയ്ക്കുള്ളിൽ അകപ്പെട്ട നിലയിലായിരുന്നു. ഫയർഫോഴ്സ് എത്തിയാണ് ആതിരയെ രക്ഷപ്പെടുത്തിയത്. പിന്നാലെ യുവതിയെ പ്രദേശത്തെ സ്വകാര്യ ആശുപത്രിയിലേക്ക് മാറ്റിയെങ്കിലും മരണപ്പെടുകയായിരുന്നു. ഇന്നലെ രാത്രി വരെ കുഞ്ഞിനായുള്ള തെരച്ചിൽ നടത്തിയെങ്കിലും കണ്ടെത്താനായിരുന്നില്ല. സ്കൂബ ഡൈവർമാരുടെ സഹായത്തോടെ ഇന്ന് പുലർച്ചെ നടത്തിയ തെരച്ചിലിലാണ് കുഞ്ഞിന്‍റെ മൃതദേഹം കണ്ടെത്തിയത്. ഓട്ടോയിലുണ്ടായിരുന്ന കുട്ടിയുടെ അച്ഛൻ കിരൺ, സഹോദരി കീർത്തന, ഓട്ടോ ഡ്രൈവർ തുടങ്ങിയവരാണ് രക്ഷപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.