ഉപചാരം ചൊല്ലാൻ ഭഗവതിമാരെത്തിയില്ല; തൃശൂർ പൂരം കൊടിയിറങ്ങി

തൃ​ശൂ​ർ: വ​ട​ക്കു​ന്നാ​ഥ​ന് മു​ന്നി​ൽ മു​ഖ​ത്തോ​ട് മു​ഖം നി​ന്ന് ‘അ​ടു​ത്ത​വ​ർ​ഷം കാ​ണാ’​മെ​ന്ന ഭ​ഗ​വ​തി​മാ​രു​ടെ വി​ട​ചൊ​ല്ല​ലു​ണ്ടാ​യി​ല്ല. ആ ​കാ​ഴ്ച കാ​ണാ​ൻ ആ​രും വ​ന്നി​രു​ന്നു​മി​ല്ല. ഭ​ഗ​വ​തി​മാ​ർ ഉ​പ​ചാ​രം പ​റ​യാ​തെ തൃ​ശൂ​ർ പൂ​ര​ത്തി​ന് കൊ​ടി​യി​റ​ങ്ങി. തി​രു​വ​മ്പാ​ടി-​പാ​റ​മേ​ക്കാ​വ് ഭ​ഗ​വ​തി​മാ​ർ വ​ട​ക്കു​ന്നാ​ഥ​നെ സാ​ക്ഷി​യാ​ക്കി ഉ​പ​ചാ​രം ചൊ​ല്ലു​ന്ന​തോ​ടെ​യാ​ണ് പൂ​രം സ​മാ​പി​ക്കു​ക. 

കോ​വി​ഡ് നി​യ​ന്ത്ര​ണ​ങ്ങ​ൾ കൊ​ടി​യേ​റ്റം മു​ത​ൽ ഉ​പ​ചാ​രം വ​രെ​യു​ള്ള​തി​ലെ​ല്ലാം മാ​റ്റം വ​രു​ത്തി. ഉ​പ​ചാ​രം ചൊ​ല്ലു​മ്പോ​ഴാ​ണ് വ​രും വ​ർ​ഷ​ത്തെ പൂ​ര​നാ​ൾ പ്ര​ഖ്യാ​പി​ക്കു​ക. ഇ​ത്ത​വ​ണ ഇ​തു​മു​ണ്ടാ​യി​ല്ല. എ​ന്നാ​ൽ, 2021 ഏ​പ്രി​ൽ 23നാ​ണ് അ​ടു​ത്ത​പൂ​ര​മെ​ന്ന് തി​രു​വ​മ്പാ​ടി-​പാ​റ​മേ​ക്കാ​വ് ദേ​വ​സ്വ​ങ്ങ​ൾ അ​റി​യി​ച്ചു. പ്ര​ധാ​ന വെ​ടി​ക്കെ​ട്ട് ന​ട​ക്കാ​റു​ള്ള പു​ല​ർ​ച്ച ത​ട്ട​ക​ക്കാ​ർ പോ​ലും ഉ​ണ​ർ​ന്നി​ല്ല. പൂ​ര​ദി​വ​സ​വും ക്ഷേ​ത്ര​ക്കു​ള​ത്തി​ൽ ആ​റാ​ട്ടും ശ്രീ​ഭൂ​ത​ബ​ലി​യും ക​ഴി​ഞ്ഞ് രാ​വി​ലെ ഒ​മ്പ​തോ​ടെ ഇ​രു​ക്ഷേ​ത്ര​ങ്ങ​ളു​ടെ​യും ന​ട അ​ട​ച്ചു. ര​ണ്ടി​ട​ത്തും അ​ഞ്ചു​പേ​ർ മാ​ത്ര​മാ​യി​രു​ന്നു ച​ട​ങ്ങ് ന​ട​ത്തി​യ​ത്. ഇ​ല​ഞ്ഞി​ത്ത​റ മേ​ള​ത്തി​​െൻറ അ​മ​ര​ക്കാ​ര​ൻ പെ​രു​വ​നം കു​ട്ട​ൻ മാ​രാ​ർ ഒ​രു ചെ​ണ്ട​യു​മേ​ന്തി പാ​റ​മേ​ക്കാ​വി​​െൻറ ആ​റാ​ട്ടി​ന് അ​ക​മ്പ​ടി കൊ​ട്ടി​നെ​ത്തി. തേ​ക്കി​ൻ​കാ​ട് മൈ​താ​നം വി​ജ​ന​മാ​യി​രു​ന്നു. 

പൂ​ര​മു​ണ്ടാ​യി​ല്ലെ​ങ്കി​ലും ശു​ചീ​ക​ര​ണ തൊ​ഴി​ലാ​ളി​ക​ളി​ൽ ചി​ല​ർ പ​തി​വ്​ തെ​റ്റി​ക്കാ​തെ​യെ​ത്തി. ക്ഷേ​ത്ര​ന​ട​ക​ൾ വൃ​ത്തി​യാ​ക്കി അ​വ​ർ മ​ട​ങ്ങി. തൃ​ശൂ​ർ​ക്കാ​രു​ടെ പൂ​ര​മാ​യ പ​ക​ൽ​പ്പൂ​ര​വും വെ​ടി​ക്കെ​ട്ടും ക​ഴി​ഞ്ഞാ​ണ് ഭ​ഗ​വ​തി​മാ​രു​ടെ ഉ​പ​ചാ​രം ചൊ​ല്ല​ൽ ന​ട​ക്കാ​റു​ള്ള​ത്. ത​ലേ​ദി​വ​സ​ത്തെ മേ​ള​ല​ഹ​രി വി​ടാ​ത്ത​വ​ർ​ക്കാ​യി വീ​ണ്ടും പെ​രു​വ​ന​വും കി​ഴ​ക്കൂ​ട്ടും ശ്രീ​മൂ​ല​സ്ഥാ​ന​ത്ത് അ​റി​ഞ്ഞ് തി​മി​ർ​ക്കും. ആ​സ്വ​ദി​ച്ച് ആ​ൾ​ക്ക​ട​ൽ ഇ​ര​മ്പി​യാ​ർ​ക്കും. കു​ട​മാ​റ്റ​ക്കാ​ഴ്ച​ക​ളു​ടെ ചെ​റു​പ​തി​പ്പ് വി​സ്മ​യം പ​ക​രും. ഉ​പ​ചാ​രം ചൊ​ല്ലി ഭ​ഗ​വ​തി​മാ​ർ ക്ഷേ​ത്ര​ങ്ങ​ളി​ലേ​ക്ക് മ​ട​ങ്ങു​മ്പോ​ൾ പൂ​ര​ക്കാ​ർ ക​ഞ്ഞി​ക്കു​ടി​ക്കാ​നു​ള്ള തി​ര​ക്കി​ലേ​ക്ക് മാ​റും. പാ​ള​ക്കി​ണ്ണ​ത്തി​ൽ ത​വി​ട് ക​ള​യാ​തെ കു​ത്തി​യെ​ടു​ത്ത അ​രി​യു​ടെ ക​ഞ്ഞി​യും മു​തി​ര​പ്പു​ഴു​ക്കും പ​പ്പ​ട​വും മാ​ങ്ങ അ​ച്ചാ​റും ചേ​ർ​ത്ത പൂ​ര​ക്ക​ഞ്ഞി​യു​ടെ ര​സം പൂ​ര​ത്തി​ലെ കാ​ഴ്ച​ക​ൾ​ക്ക​പ്പു​റ​മു​ള്ള അ​നു​ഭ​വ​മാ​ണ്. 
ഭ​ഗ​വ​തി​മാ​രു​ടെ പ​റ​യെ​ടു​പ്പും കൂ​ടി​യാ​റാ​ട്ടും ഇ​ത്ത​വ​ണ ഉ​ണ്ടാ​യി​ല്ല. പ​തി​വി​ന് വി​പ​രീ​ത​മാ​യി വൈ​കീ​ട്ട് ന​ട തു​റ​ന്ന ശേ​ഷ​മാ​യി​രു​ന്നു ഭ​ഗ​വ​തി​മാ​ർ ആ​റാ​ട്ടി​ന് പു​റ​പ്പെ​ട്ട​ത്. ക്ഷേ​ത്ര​ത്തി​ൽ ഉ​യ​ർ​ത്തി​യ കൊ​ടി​മ​രം ഇ​റ​ക്കി​യ​തോ​ടെ പൂ​ര​ത്തി​ന് സ​മാ​പ​ന​മാ​യി. ച​രി​ത്ര​ത്തി​ലാ​ദ്യ​മാ​യി പു​റ​ത്തേ​ക്ക് എ​ഴു​ന്ന​ള്ളി​ക്കാ​തെ നാ​ല​മ്പ​ല​ത്തി​നു​ള്ളി​ൽ പൂ​ര​ത്തി​ന് സ​മാ​പ​നം കു​റി​ച്ചു.