പ്രജിത് കെ. ബാബു, ആഷിഷ് എസ്. ആനന്ദ്
കൊച്ചി: എറണാകുളം മഹാരാജാസ് കോളജിലെ വിദ്യാർഥി സംഘർഷത്തിൽ എസ്.എഫ്.ഐ ജില്ല പ്രസിഡന്‍റും വൈസ് പ്രസിഡന്‍റും അറസ്റ്റിൽ. ജില്ല പ്രസിഡൻറ് പ്രജിത് കെ. ബാബു (27), വൈസ് പ്രസിഡൻറ് ആഷിഷ് എസ്. ആനന്ദ് (26) എന്നിവരെയാണ് എറണാകുളം സെൻട്രൽ പൊലീസ് അറസ്റ്റ് ചെയ്തത്.
കോളജിലെ കെ.എസ്.യു പ്രവർത്തകൻ അമൽ ടോമി, ഫ്രറ്റേണിറ്റി പ്രവർത്തകൻ ബിലാൽ എന്നിവരെ മർദിച്ചതിനും എറണാകുളം ജനറൽ ആശുപത്രിയിൽ ഭീകരാന്തരീക്ഷം സൃഷ്ടിച്ച് ജീവനക്കാരുടെ കൃത്യനിർവഹണം തടസ്സപ്പെടുത്തി ആശുപത്രി ഉപകരണങ്ങൾ നശിപ്പിച്ചതിനുമാണ് ഇവരെ അറസ്റ്റ് ചെയ്തത്.
ഇതോടെ മഹാരാജാസിലെ സംഘർഷവുമായി ബന്ധപ്പെട്ട് അറസ്റ്റിലായവരുടെ എണ്ണം മൂന്നായി. നേരത്തേ കെ.എസ്.യു പ്രവർത്തകനെ അറസ്റ്റ് ചെയ്തിരുന്നു.
കോളജിൽ ബുധനാഴ്ച രാത്രിയുണ്ടായ സംഘർഷത്തിൽ എസ്.എഫ്.ഐ യൂനിറ്റ് സെക്രട്ടറി നാസിർ അബ്ദുറഹ്മാൻ, ഏരിയ കമ്മിറ്റി അംഗം ഇ.വി. അശ്വതി എന്നിവർക്ക് പരിക്കേറ്റിരുന്നു. തുടർന്ന് നടന്ന സംഘർഷത്തിലാണ് ബിലാലിനും അമൽ ടോമിക്കും ക്രൂര മർദനമേറ്റത്. ഈ സംഭവത്തിലാണ് എസ്.എഫ്.ഐയുടെ ജില്ല നേതാക്കൾ പിടിയിലായിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.