വ​നം വ​കു​പ്പ് ഉ​ദ്യോ​ഗ​സ്ഥ​ൻ സ​മൂ​ഹ മാ​ധ്യ​മ​ങ്ങ​ളി​ലൂ​ടെ ആ​ക്ഷേ​പി​ച്ചെന്ന് വാവാ സുരേഷ്

ഗാ​ന്ധി​ന​ഗ​ർ (കോ​ട്ട​യം): മൂ​ർ​ഖ​ൻ പാ​മ്പി​ന്‍റെ ക​ടി​യേ​റ്റ് മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ൽ ക​ഴി​ഞ്ഞി​രു​ന്ന സ​മ​യ​ത്തു​പോ​ലും വ​നം​വ​കു​പ്പി​ലെ ഒ​രു ഉ​ദ്യോ​ഗ​സ്ഥ​ൻ ത​ന്നെ മാ​ന​സി​ക​മാ​യി പീ​ഡി​പ്പി​ച്ചി​രു​ന്നു​വെ​ന്ന് വാ​വ സു​രേ​ഷ്. ഈ ​ഉ​ദ്യോ​ഗ​സ്ഥ​ൻ സ​മൂ​ഹ മാ​ധ്യ​മ​ങ്ങ​ളി​ലൂ​ടെ ത​ന്നെ ആ​ക്ഷേ​പി​ക്കു​ക​യാ​യി​രു​ന്നു.

2006ൽ ​വ​നം​വ​കു​പ്പി​ലെ ഉ​ദ്യോ​ഗ​സ്ഥ​ർ​ക്ക് താ​നാ​ണ് പാ​മ്പു പി​ടി​ക്കാ​ൻ പ​രി​ശീ​ല​നം ന​ൽ​കി​യ​ത്. പാ​മ്പു​പി​ടി​ക്കു​ന്ന​തി​ന്​ സ​ർ​ക്കാ​ർ നി​ര​വ​ധി ഫ​ണ്ട് വി​നി​യോ​ഗി​ക്കു​ന്നു​ണ്ടെ​ങ്കി​ലും അ​ത്​ വേ​ണ്ട​വി​ധം പ്ര​യോ​ജ​ന​പ്പെ​ടു​ന്നി​ല്ല. ജ​ന​ങ്ങ​ളു​ടെ ആ​രാ​ധ​ന​യ​ല്ല, സ്​​നേ​ഹ​മാ​ണ് വീ​ണ്ടും പാ​മ്പി​നെ പി​ടി​ക്കാ​ൻ ത​ന്നെ പ്രേ​രി​പ്പി​ക്കു​ന്ന​ത്. സാ​ധാ​ര​ണ​ക്കാ​രാ​യ ജ​ന​ങ്ങ​ൾ വി​ളി​ക്കു​മ്പോ​ഴാ​ണ് താ​ൻ പാ​മ്പി​നെ പി​ടി​ക്കാ​ൻ എ​ത്തു​ന്ന​തെ​ന്നും സു​രേ​ഷ് പ​റ​ഞ്ഞു. 

മരണം വരെ പാമ്പുപിടിത്തം തുടരും

ഗാ​ന്ധി​ന​ഗ​ർ (കോ​ട്ട​യം): വി​ഷം തീ​ണ്ടി​യ ജീ​വ​നെ മ​ര​ണ​ത്തി​നു​ വി​ട്ടു​​കൊ​ടു​ക്കാ​തെ കാ​വ​ലി​രു​ന്ന​വ​ർ​ക്കും ​​സ്​​നേ​ഹി​ച്ചും പ്രാ​ർ​ഥി​ച്ചും കൂ​ടെ നി​ന്ന​വ​ർ​ക്കും കൈ​കൂ​പ്പി ന​ന്ദി​ചൊ​ല്ലി വാ​വ സു​രേ​ഷ്​ ആ​ശു​പ​ത്രി​യി​ൽ​നി​ന്ന്​ തി​രു​വ​ന​ന്ത​പു​ര​ത്തെ വീ​ട്ടി​ലേ​ക്കു മ​ട​ങ്ങി. ഒ​രാ​ഴ്ച മു​മ്പ്​ അ​ബോ​ധാ​വ​സ്ഥ​യി​ൽ ആ​ശു​പ​ത്രി​യി​ലെ​ത്തി​യ അ​ദ്ദേ​ഹം സ​ന്തോ​ഷ​ത്തോ​ടെ ന​ട​ന്നു യാ​ത്ര​യാ​കു​ന്ന​തു കാ​ണാ​ൻ വ​ൻ​ജ​നാ​വ​ലി​യാ​ണ്​ തി​ങ്ക​ളാ​ഴ്ച ആ​​ശു​പ​ത്രി​മു​റ്റ​ത്തു ത​ടി​ച്ചു​കൂ​ടി​യ​ത്.

രാ​വി​ലെ 11ന് ​മ​ന്ത്രി വി.​എ​ൻ. വാ​സ​വ​ൻ, തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ എ​ന്നി​വ​ർ ഐ.​സി.​യു​വി​ൽ എ​ത്തി വാ​വ സു​രേ​ഷി​നെ ക​ണ്ടു. തു​ട​ർ​ന്ന് ആ​ശു​പ​ത്രി സൂ​പ്ര​ണ്ട് ഡോ. ​ടി.​കെ. ജ​യ​കു​മാ​ർ, ആ​ർ.​എം.​ഒ ഡോ. ​ആ​ർ.​പി. ര​ഞ്ചി​ൻ, മെ​ഡി​സി​ൻ വി​ഭാ​ഗം മേ​ധാ​വി ഡോ. ​സം​ഘ​മി​ത്ര, ന്യൂ​റോ മെ​ഡി​സി​ൻ മേ​ധാ​വി ഡോ. ​ജേ​ക്ക​ബ് ജോ​ർ​ജ്, ഡെ​പ്യൂ​ട്ടി സൂ​പ്ര​ണ്ടു​മാ​രാ​യ ഡോ. ​ര​തീ​ഷ് കു​മാ​ർ, ഡോ. ​രാ​ജേ​ഷ്, ഡെ​പ്യൂ​ട്ടി ആ​ർ.​എം.​ഒ ഡോ. ​ലി​ജോ മാ​ത്യു, ക്രി​ട്ടി​ക്ക​ൽ കെ​യ​ർ യൂ​നി​റ്റ് നോ​ഡ​ൽ ഓ​ഫി​സ​ർ ഡോ. ​അ​നു​രാ​ജ് എ​ന്നി​വ​രു​ടെ നേ​തൃ​ത്വ​ത്തി​ൽ വി​വി​ധ പ​രി​ശോ​ധ​ന​ക​ൾ​ക്കു​ശേ​ഷം സു​രേ​ഷി​നെ പു​റ​ത്തേ​ക്ക്​ കൊ​ണ്ടു​വ​ന്നു. ഈ ​സ​മ​യം ക്രി​ട്ടി​ക്ക​ൽ ഐ.​സി.​യു മു​ത​ൽ നൂ​റു​ക​ണ​ക്കി​ന് ആ​ളു​ക​ൾ സു​രേ​ഷി​നെ കാ​ണാ​നും വി​ഡി​യോ പ​ക​ർ​ത്താ​നും തി​ക്കി​ത്തി​ര​ക്കി. പു​റ​ത്തെ​ത്തി​യ സു​രേ​ഷ്, ആ​ദ്യം ന​ന്ദി പ​റ​ഞ്ഞ​ത് മ​ന്ത്രി വി.​എ​ൻ. വാ​സ​വ​നാ​യി​രു​ന്നു. ഒ​രു സാ​ധാ​ര​ണ​ക്കാ​ര​നെ ആ​ശു​പ​ത്രി​യി​ലെ​ത്തി​ക്കാ​ൻ മ​ന്ത്രി​യു​ടെ വാ​ഹ​നം പൈ​ല​റ്റ് ആ​യി​പ്പോ​കു​ന്ന​ത് ആ​ദ്യ​സം​ഭ​വ​മാ​ണെ​ന്ന്​ സു​രേ​ഷ് പ​റ​ഞ്ഞു.

മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ മി​ക​ച്ച ചി​കി​ത്സ ല​ഭ്യ​മായതിനാലാണ് പെട്ടെന്ന് ആ​രോ​ഗ്യ​വാ​നാ​യി വീ​ട്ടി​ലേ​ക്കു പോ​കാ​ൻ സാ​ധി​ച്ച​ത്. ഇ​ത് ത​ന്‍റെ ര​ണ്ടാം ജ​ന്മ​മാ​ണ്. പാ​മ്പു പി​ടി​ത്തം നി​ർ​ത്താ​നാ​വി​ല്ല. മ​ര​ണം വ​രെ തു​ട​രും. 10 ദി​വ​സ​ത്തെ പൂ​ർ​ണ വി​ശ്ര​മ​മാ​ണ്​ നി​ർ​ദേ​ശി​ച്ചി​രി​ക്കു​ന്ന​ത്. ആ​ശു​പ​ത്രി സൂ​പ്ര​ണ്ട് അ​ട​ക്ക​മു​ള്ള ഡോ​ക്ട​ർ​മാ​ർ, ന​ഴ്സു​മാ​ർ, മ​റ്റ് പാ​രാ മെ​ഡി​ക്ക​ൽ ജീ​വ​ന​ക്കാ​ർ, ക്ലീ​നി​ങ്​ ജീ​വ​ന​ക്കാ​ർ, ആ​​ശു​പ​ത്രി​യി​ൽ ത​ന്നെ കാ​ണാ​നെ​ത്തി​യ തോ​മ​സ്​ ചാ​ഴി​കാ​ട​ൻ എം.​പി, മോ​ൻ​സ്​ ജോ​സ​ഫ്​ എം.​എ​ൽ.​എ, വി​വി​ധ സ​ഭ മെ​ത്രാ​ൻ​മാ​ർ, അ​തി​രൂ​പ​ത വി​കാ​രി ജ​ന​റ​ൽ​മാ​ർ, അ​പ​ക​ടം ഉ​ണ്ടാ​യ സ​മ​യം മു​ത​ൽ കൂ​ടെ ഉ​ണ്ടാ​യി​രു​ന്ന കു​റി​ച്ചി​യി​ലെ വീ​ട്ടു​ട​മ നി​ഖി​ൽ, കു​റി​ച്ചി പ​ഞ്ചാ​യ​ത്ത് ഒ​മ്പ​താം വാ​ർ​ഡ് അം​ഗം മ​ഞ്ജീ​ഷ്, മെ​ഡി​ക്ക​ൽ കോ​ള​ജി​ൽ എ​ത്തി​യ​പ്പോ​ൾ മു​ത​ൽ ശീ​ത​ള​പാ​നീ​യ​ങ്ങ​ളും ഭ​ക്ഷ​ണ​വും ന​ൽ​കി​യി​രു​ന്ന ന​വ​ജീ​വ​ൻ ട്ര​സ്റ്റി പി.​യു. തോ​മ​സ്, അ​സു​ഖ​മാ​യി​രു​ന്നി​ട്ടും ത​ന്നെ നേ​രി​ൽ കാ​ണാ​ൻ എ​ത്തി​യ പാ​ല​ക്കാ​ട് കു​ഴ​ൽ​മ​ന്ദം പ​ഞ്ചാ​യ​ത്ത് അ​സി. സെ​ക്ര​ട്ട​റി മി​നി, ലോ​ക​ത്തി​ന്‍റെ വി​വി​ധ കോ​ണു​ക​ളി​ലി​രു​ന്ന്​ ത‍ന്‍റെ ജീ​വ​നു​വേ​ണ്ടി പ്രാ​ർ​ഥി​ച്ച​വ​ർ തു​ട​ങ്ങി​യ​വ​ർ​ക്കെ​ല്ലാം സു​രേ​ഷ് ന​ന്ദി പ​റ​ഞ്ഞു. 

വാവ സുരേഷിന് നൽകിയത്​ 65 കുപ്പി ആന്‍റിവെനം

ഗാ​ന്ധി​ന​ഗ​ർ: മൂ​ർ​ഖ​ൻ പാ​മ്പി​ന്‍റെ ക​ടി​യേ​റ്റ് മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞി​രു​ന്ന വാ​വ സു​രേ​ഷി​ന്‍റെ ശ​രീ​ര​ത്തി​ലെ വി​ഷാം​ശം പൂ​ർ​ണ​മാ​യി നീ​ങ്ങി. തു​ട​ർ ചി​കി​ത്സ​ക്ക്​ ഇ​നി എ​ത്തേ​ണ്ട​തി​ല്ലെ​ന്നും മെ​ഡി​ക്ക​ൽ കോ​ള​ജ് അ​ധി​കൃ​ത​ർ അ​റി​യി​ച്ചു. സു​രേ​ഷി​ന് 65 കു​പ്പി ആ​ന്‍റി​വെ​നം ന​ൽ​കി​യ​തി​നാ​ലാ​ണ്​ ശ​രീ​ര​ത്തി​ലു​ണ്ടാ​യി​രു​ന്ന മു​ഴു​വ​ൻ വി​ഷാം​ശ​വും ഇ​ല്ലാ​താ​യ​ത്. സാ​ധാ​ര​ണ മൂ​ർ​ഖ​ൻ പാ​മ്പി​ന്‍റെ ക​ടി​യേ​റ്റാ​ൽ 25 കു​പ്പി ആ​ന്‍റി​വെ​ന​മാ​ണ് ന​ൽ​കു​ന്ന​ത്. എ​ന്നാ​ൽ, സു​രേ​ഷി​ന് ഇ​ത്​ ന​ൽ​കി​യി​ട്ടും ആ​രോ​ഗ്യ​നി​ല​യി​ൽ പു​രോ​ഗ​തി​യു​ണ്ടാ​കാ​തി​രു​ന്ന​തി​നെ തു​ട​ർ​ന്നാ​ണ് കൂ​ടു​ത​ൽ ന​ൽ​കി​യ​ത്. പാ​മ്പി​ന്‍റെ വി​ഷാം​ശം വ​ലി​യ തോ​തി​ൽ ശ​രീ​ര​ത്തി​ൽ പ്ര​വേ​ശി​ച്ചി​രു​ന്നു. ഇ​നി അ​വ​ശേ​ഷി​ക്കു​ന്ന​ത് ക​ടി​യേ​റ്റ​തി​ന്‍റെ മു​റി​വു​മാ​ത്ര​മാ​ണ്. അ​ത് ഉ​ണ​ങ്ങു​ന്ന​തി​ന്​ നാ​ട്ടി​ലെ ഏ​തെ​ങ്കി​ലും ആ​ശു​പ​ത്രി​യി​ൽ കാ​ണി​ച്ചാ​ൽ മ​തി​യെ​ന്നും ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.