മലപ്പുറം: വെറുപ്പും വിദ്വേഷവും പടർത്തി ആളുകളെ ഭിന്നിപ്പിക്കാനാണ് പോപുലർ ഫ്രണ്ടും ആർ.എസ്.എസും ശ്രമിക്കുന്നതെന്ന് പ്രതിപക്ഷ നേതാവ് വി.ഡി. സതീശൻ. ഇത്തരം നീക്കങ്ങളെ കോൺഗ്രസ് രാഷ്ട്രീയമായി ചെറുക്കുമെന്നും സതീശൻ വ്യക്തമാക്കി.
ഭൂരിപക്ഷ-ന്യൂനപക്ഷ വർഗീയതയെ കോൺഗ്രസ് ഒരു പോലെ എതിർക്കുകയാണ്. ഇത്തരം ശക്തികളുമായി സമരസപ്പെടില്ലെന്നാണ് കോൺഗ്രസ് തീരുമാനം.
ഇവർ പരസ്പരം സഹായിക്കുന്ന ആളുകളാണ്. പരസ്പര സഹായം കൊണ്ടുള്ള നിലനിൽപ്പാണ് രണ്ട് സംഘടനകൾക്കും ഉള്ളത്. ഇത്തരം ശക്തികളെ പ്രോത്സാഹിക്കപ്പെടാൻ പാടില്ലെന്നും നിലക്ക് നിർത്തണമെന്നും സതീശൻ ആവശ്യപ്പെട്ടു.
വിഭജിക്കുന്നതിനെ ഒന്നിപ്പിക്കാനാണ് ഭാരത് ജോഡോ യാത്ര കൊണ്ട് ലക്ഷ്യമിടുന്നതെന്നും സതീശൻ ചൂണ്ടിക്കാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.