സംസ്ഥാന സർക്കാറിന്റെ ജില്ലാ ടൂറിസം പ്രമോഷൻ കൗൺസിലിന്റെയും ആഭിമുഖ്യത്തിൽ നടക്കുന്ന പരിപാടിയിൽ ഉദ്ഘാടകനായി എസ്.എൻ.ഡി.പി ജനറൽ സെക്രട്ടറി വെള്ളാപ്പള്ളി നടേശനും ഭദ്രദീപം തെളിയിക്കാൻ ഭാര്യ പ്രീതി നടേശനും. ഫോർട്ട് കൊച്ചിയിൽ നടക്കുന്ന ഒാണാഘോഷ പരിപാടിയാണ് ഇപ്പോൾ വിവാദത്തിലായിരിക്കുന്നത്.
എം.എൽ.എ അധ്യക്ഷനും മേയർ മുഖ്യപ്രഭാഷകനുമായ പരിപാടിയാണ് വെള്ളാപ്പള്ളി നടേശൻ ഉദ്ഘാടനം ചെയ്യുന്നത്. എസ്.എൻ.ഡി.പി ഡയറക്ടർ ബോർഡംഗവും വെള്ളാപ്പള്ളി നടേശന്റെ ഭാര്യയുമായ പ്രീതി നടേശനാണ് ഭദ്രദീപം തെളിയിക്കുന്നത്. ഇരുവരെയും തുറന്നവാഹനത്തിൽ സ്വീകരിച്ചാനയിച്ചാണ് വേദിയിലെത്തിക്കുക എന്നും പ്രോഗ്രാം നോട്ടീസിൽ പറയുന്നു. വേദിയിൽ ഡെപ്യൂട്ടി മേയർ ഇരുവരെയും ആദരിക്കുകയും ചെയ്യുന്നുണ്ട്.
ഭരണഘടനാ പദവികളിലൊന്നുമില്ലാത്ത സമുദായ നേതാവ് വെള്ളാപ്പള്ളിയെയും ഭാര്യയെയും സംസ്ഥാന സർക്കാറിന്റെ ആഭിമുഖ്യത്തിൽ നടക്കുന്ന പരിപാടിയിൽ ആദരിക്കുന്നതിനെതിരെ വിമർശനം ഉയർന്നിട്ടുണ്ട്. അതേസമയം, 'പൂവിളി' എന്ന പേരിൽ നടക്കുന്ന പരിപാടിയുമായി മുന്നോട്ട് പോകുമെന്നാണ് സംഘാടകർ പറയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.