സൈനബയെ കൊന്നത് 14 പവനും 5 ലക്ഷവും കവർന്ന ശേഷം; കാറിൽവെച്ച് കൃത്യം നടത്തി മൃതദേഹം ചുരത്തിൽ തള്ളി

കോ​ഴി​ക്കോ​ട്: സ്ത്രീ​യെ കാ​റി​ൽ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്ന് കൊ​ക്ക​യി​ൽ ത​ള്ളി. കു​റ്റി​ക്കാ​ട്ടൂ​രി​ൽ താ​മ​സി​ക്കു​ന്ന സൈ​ന​ബ​യാ​ണ് (60) കൊ​ല്ല​പ്പെ​ട്ട​ത്. സം​ഭ​വ​ത്തി​ൽ മ​ല​പ്പു​റം താ​നൂ​ർ കു​ന്നും​പു​റം പ​ള്ളി​വീ​ട്ടി​ൽ സ​മ​ദി​നെ (52) ക​സ​ബ പൊ​ലീ​സ് അ​റ​സ്റ്റ് ചെ​യ്തു. ഇ​യാ​ളും സു​ഹൃ​ത്ത് ഗൂ​ഡ​ല്ലൂ​ർ സ്വ​ദേ​ശി സു​ലൈ​മാ​നും ചേ​ർ​ന്നാ​ണ് കൃ​ത്യം ന​ട​ത്തി​യ​തെ​ന്ന് പൊ​ലീ​സ് പ​റ​ഞ്ഞു. സ​മ​ദി​ന്‍റെ ഡ്രൈ​വ​റാ​യി​രു​ന്ന സു​ലൈ​മാ​നു​വേ​ണ്ടി അ​ന്വേ​ഷ​ണം ഊ​ർ​ജി​ത​മാ​ക്കി. കാ​ണാ​താ​യ സൈ​ന​ബ​യു​ടെ ഫോ​ണി​ലേ​ക്ക് അ​വ​സാ​ന​മാ​യി വി​ളി​ച്ച സ​മ​ദ് അ​റ​സ്റ്റി​ലാ​യ​തോ​ടെ​യാ​ണ് കേ​സി​ന്റെ ചു​രു​ള​ഴി​ഞ്ഞ​ത്. പി​ന്നാ​ലെ ഇ​ൻ​സ്​​പെ​ക്ട​ർ എ​സ്.​ബി. കൈ​ലാ​സ് നാ​ഥി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം നാ​ടു​കാ​ണി ചു​ര​ത്തി​ലെ പോ​പ്സ​ൺ എ​സ്റ്റേ​റ്റി​നു മു​ന്നി​ലെ താ​ഴ്ച​യി​ൽ​നി​ന്ന് സൈ​ന​ബ​യു​ടെ അ​ഴു​കി​യ മൃ​ത​ദേ​ഹം ക​ണ്ടെ​ടു​ക്കു​ക​യാ​യി​രു​ന്നു.

പൊ​ലീ​സ് പ​റ​യു​ന്ന​ത്: ന​വം​ബ​ർ ഏ​ഴി​ന് ഉ​ച്ച​ക്ക് ഒ​ന്ന​ര​യോ​ടെ കോ​ഴി​ക്കോ​ട് മൊ​ഫ്യൂ​സി​ൽ ബ​സ് സ്റ്റാ​ൻ​ഡി​ന​ടു​ത്തു​നി​ന്നാ​ണ് സൈ​ന​ബ​യെ പ്ര​ലോ​ഭി​പ്പി​ച്ച് ഇ​രു​വ​രും കാ​റി​ൽ ക​യ​റ്റി കൊ​ണ്ടു​പോ​യ​ത്. സൈ​ന​ബ​യും സ​മ​ദും നേ​ര​ത്തേ പ​രി​ച​യ​മു​ള്ള​വ​രാ​ണ്. പെ​ട്ടെ​ന്ന് പ​ണ​മു​ണ്ടാ​ക്കാ​ൻ വ​ഴി ആ​ലോ​ചി​ച്ച​പ്പോ​ഴാ​ണ് നി​റ​യെ സ്വ​ർ​ണാ​ഭ​ര​ണ​ങ്ങ​ൾ ധ​രി​ക്കു​ന്ന സൈ​ന​ബ​യെ കെ​ണി​യി​ലാ​ക്കി​യ​ത്.

ന​വം​ബ​ർ ആ​റി​ന് സ​മ​ദ് സു​ലൈ​മാ​നെ തി​രൂ​രി​ലേ​ക്ക് വി​ളി​ച്ചു​വ​രു​ത്തി ലോ​ഡ്ജി​ൽ മു​റി​യെ​ടു​ത്ത് താ​മ​സി​പ്പി​ച്ചാ​ണ്​ പ​ദ്ധ​തി ആ​സൂ​ത്ര​ണം ചെ​യ്ത​ത്. ഏ​ഴി​ന് രാ​വി​ലെ ഇ​രു​വ​രും സ​മ​ദി​ന്റെ പ​രി​ച​യ​ക്കാ​ര​ന്റെ കാ​ർ വാ​ട​ക​ക്കെ​ടു​ത്ത് കോ​ഴി​ക്കോ​ട്ടെ​ത്തി. യാ​ത്ര​ക്കി​ടെ സ​മ​ദ് സൈ​ന​ബ​യെ ​ഫോ​ണി​ൽ വി​ളി​ച്ച് താ​നൂ​രി​ൽ ഒ​രാ​ളെ കാ​ണാ​ൻ പോ​കാ​ൻ കൂ​ടെ വ​ര​ണ​മെ​ന്നാ​വ​ശ്യ​പ്പെ​ട്ടു. മു​ൻ​പ​രി​ച​യ​മു​ള്ള​തി​നാ​ൽ സൈ​ന​ബ സ​മ്മ​തി​ക്കു​ക​യും വീ​ട്ടി​ൽ​നി​ന്ന് കോ​ഴി​ക്കോ​ട്ടെ​ത്തി ഇ​വ​ർ​ക്കൊ​പ്പം കാ​റി​ൽ ക​യ​റു​ക​യും ചെ​യ്തു. ഈ ​സ​മ​യം സൈ​ന​ബ 15 പ​വ​ന്റെ സ്വ​ർ​ണാ​ഭ​ര​ണ​ങ്ങ​ൾ ധ​രി​ക്കു​ക​യും കൈ​യി​ലു​ള്ള ബാ​ഗി​ൽ മൂ​ന്നു ല​ക്ഷ​ത്തോ​ളം രൂ​പ സൂ​ക്ഷി​ക്കു​ക​യും ചെ​യ്തി​രു​ന്നു. മൂ​വ​രും കാ​റി​ൽ കു​ന്നും​പു​റ​ത്തെ​ത്തു​ക​യും സ​മ​ദ് വീ​ട്ടി​ൽ പോ​യി തി​രി​ച്ചു​വ​രു​ക​യും ചെ​യ്തു. താ​നൂ​രി​ലു​ള്ള ആ​ളെ ഇ​പ്പോ​ൾ കാ​ണാ​ൻ പോ​കേ​ണ്ടെ​ന്നും സൈ​ന​ബ​യെ തി​രി​ച്ച് കോ​ഴി​ക്കോ​ട്ടാ​ക്കാ​മെ​ന്നും പ​റ​ഞ്ഞ് മ​ട​ങ്ങി. കാ​ർ അ​രീ​ക്കോ​ട് വ​ഴി വ​രു​ന്ന​തി​നി​ടെ അ​ഞ്ച​ര​യോ​ടെ മു​ക്ക​ത്തി​ന​ടു​ത്തെ​ത്തി​യ​പ്പോ​ൾ സൈ​ന​ബ ധ​രി​ച്ച ഷാ​ൾ സ​മ​ദ് അ​വ​രു​​ടെ ക​ഴു​ത്തി​ൽ മു​റു​ക്കി. ഷാ​ളി​ന്റെ ഒ​രു​ത​ല കാ​റോ​ടി​ച്ചി​രു​ന്ന സു​ലൈ​മാ​ൻ വ​ലി​ച്ചു​പി​ടി​ക്കു​ക​യും ചെ​യ്തു. മി​നി​റ്റു​ക​ൾ​ക്ക​കം സൈ​ന​ബ ശ്വാ​സം​മു​ട്ടി മ​രി​ച്ചു. ഇ​തോ​ടെ കാ​ർ വ​ഴി​ക്ക​ട​വ് ഭാ​ഗ​ത്തേ​ക്ക് തി​രി​ച്ചു​വി​ട്ടു. യാ​ത്ര​ക്കി​ടെ സൈ​ന​ബ​യു​ടെ മൊ​ബൈ​ൽ ഫോ​ൺ സ്വി​ച്ച്ഓ​ഫാ​ക്കു​ക​യും ശ​രീ​ര​ത്തി​ലെ ആ​ഭ​ര​ണ​വും ബാ​ഗി​ലെ പ​ണ​വും കൈ​ക്ക​ലാ​ക്കു​ക​യും ചെ​യ്തു. രാ​ത്രി എ​ട്ടോ​ടെ കാ​ർ നാ​ടു​കാ​ണി ചു​ര​ത്തി​ലെ​ത്തി​ക്കു​ക​യും ഇ​രു​വ​രും ചേ​ർ​ന്ന് സൈ​ന​ബ​യു​ടെ മൃ​ത​ദേ​ഹം താ​ഴ്ച​യി​ലേ​ക്ക് എ​ടു​ത്തെ​റി​യു​ക​യു​മാ​യി​രു​ന്നു. തു​ട​ർ​ന്ന് സം​ഘം സു​ലൈ​മാ​ന്റെ ഗൂ​ഡ​ല്ലൂ​രി​ലെ താ​മ​സ​സ്ഥ​ല​ത്തെ​ത്തി. വ​സ്ത്ര​ത്തി​ലെ ര​ക്തം ക​ഴു​കി വൃ​ത്തി​യാ​ക്കു​ക​യും പു​തി​യ വ​സ്ത്രം വാ​ങ്ങി ധ​രി​ച്ച് അ​വി​ടെ താ​മ​സി​ക്കു​ക​യും ​ചെ​യ്തു. അ​ടു​ത്ത ദി​വ​സം സൈ​ന​ബ​യു​ടെ പ​ണം ഇ​രു​വ​രും വീ​തം​​വെ​ക്കു​ക​യും ആ​ഭ​ര​ണം മു​ഴു​വ​ൻ സ​മ​ദ് സൂ​ക്ഷി​ക്കു​ക​യും ചെ​യ്തു. തെ​ളി​വ് ന​ശി​പ്പി​ക്കാ​നാ​യി സൈ​ന​ബ​യു​ടെ മൊ​ബൈ​ൽ ഫോ​ണും ബാ​ഗും ര​ക്തം​പു​ര​ണ്ട സ​മ​ദി​ന്റെ വ​സ്ത്ര​വും ക​ത്തി​ക്കാ​ൻ സു​ലൈ​മാ​ൻ പു​റ​ത്തു​പോ​യി. പി​ന്നീ​ട് സു​ലൈ​മാ​നും കൂ​ട്ടാ​ളി​ക​ളും തി​രി​ച്ചു​വ​ന്ന് പ​ണ​വും സ്വ​ർ​ണാ​ഭ​ര​ണ​വും കൈ​ക്ക​ലാ​ക്കി ക​ട​ന്നു​ക​ള​ഞ്ഞെ​ന്നാ​ണ് അ​റ​സ്റ്റി​ലാ​യ സ​മ​ദി​ന്റെ മൊ​ഴി.

മൃതദേഹം തള്ളിയത് നാടുകാണി ചുരത്തിൽ

നി​ല​മ്പൂ​ർ: കോ​ഴി​​ക്കോ​ട് കു​റ്റി​ക്കാ​ട്ടൂ​ർ സ്വ​ദേ​ശി വ​ട​ക്കേ​രി​പൊ​യി​ൽ സൈ​ന​ബ​യു​ടെ മൃ​ത​ദേ​ഹം ത​ള്ളി​യ​ത് നാ​ടു​കാ​ണി ചു​ര​ത്തി​ൽ 40 മീ​റ്റ​റോ​ളം താ​ഴ്ച​യി​ലേ​ക്ക്. കേ​ര​ള-​ത​മി​ഴ്നാ​ട് അ​തി​ർ​ത്തി​യു​ടെ അ​ര കി​ലോ​മീ​റ്റ​റ​ക​ലെ പോ​പ്സ​ൺ എ​സ്റ്റേ​റ്റി​ന് എ​തി​ർ​വ​ശം ത​മി​ഴ്നാ​ടി​ന്‍റെ ഗ​ണ​പ​തി​ക്ക​ല്ല് വ​ന​മേ​ഖ​ല​യി​ൽ​നി​ന്നാ​ണ് മൃ​ത​ദേ​ഹം ക​ണ്ടെ​ത്തി​യ​ത്. കാ​റി​ൽ​നി​ന്ന് പു​റ​ത്തെ​ടു​ത്ത് മൃ​ത​ദേ​ഹം ഉ​ടു​വ​സ്ത്ര​ത്തോ​ടെ കൊ​ക്ക​യി​ലേ​ക്ക് ത​ള്ളു​ക​യാ​യി​രു​ന്നു. താ​നും ഒ​ളി​വി​ൽ ക​ഴി​യു​ന്ന കൂ​ട്ടു​പ്ര​തി ത​മി​ഴ്നാ​ട് സ്വ​ദേ​ശി സു​ലൈ​മാ​നും ചേ​ർ​ന്ന് റോ​ഡി​ൽ​നി​ന്ന് ത​ന്നെ മൃ​ത​ദേ​ഹം വ​ലി​ച്ചെ​റി​യു​ക​യാ​യി​രു​ന്നെ​ന്നാ​ണ് പ്ര​തി​യു​ടെ മൊ​ഴി.

മൃ​ത​ദേ​ഹം കി​ട​ന്ന ഭാ​ഗ​ത്ത് കു​റ്റി​ക്കാ​ട് കു​റ​വാ​ണെ​ങ്കി​ലും ചെ​ങ്കു​ത്താ​യ വ​ന​പ്ര​ദേ​ശ​മാ​യ​തി​നാ​ൽ റോ​ഡി​ൽ​നി​ന്ന് നോ​ക്കി​യാ​ൽ എ​ളു​പ്പം കാ​ണാ​ൻ ക​ഴി​യി​ല്ല. ചൊ​വ്വാ​ഴ്ച രാ​ത്രി ഏ​ഴോ​ടെ​യാ​ണ് മൃ​ത​ദേ​ഹം ത​ള്ളി​യ​ത്. കോ​ഴി​ക്കോ​ട് ടൗ​ൺ അ​സി. ക​മീ​ഷ​ണ​ർ ബി​ജു​രാ​ജ്, ക​സ​ബ ഇ​ൻ​സ്പെ​ക്ട​ർ കൈ​ലാ​സ് നാ​ഥ് എ​ന്നി​വ​രു​ടെ നേ​തൃ​ത്വ​ത്തി​ൽ തി​ങ്ക​ളാ​ഴ്ച രാ​വി​ലെ പ​ത്തോ​ടെ​യാ​ണ് പ്ര​തി​യു​മാ​യി സം​ഭ​വ​സ്ഥ​ല​ത്ത് എ​ത്തി​യ​ത്. വി​വ​ര​മ​റി​ഞ്ഞ് ത​മി​ഴ്നാ​ട് പൊ​ലീ​സും സ്ഥ​ല​ത്തെ​ത്തി. ഒ​രാ​ഴ്ച​ത്തെ പ​ഴ​ക്കം തോ​ന്നി​ക്കു​ന്ന മൃ​ത​ദേ​ഹ​ത്തി​ൽ​നി​ന്ന് ദു​ർ​ഗ​ന്ധം വ​മി​ച്ചി​രു​ന്നു. അ​ഗ്നി​ര​ക്ഷ സേ​ന​യു​ടെ​യും നാ​ട്ടു​കാ​രു​ടെ​യും സ​ഹാ​യ​ത്തോ​ടെ​യാ​ണ് മൃ​ത​ദേ​ഹം പു​റ​ത്തെ​ടു​ത്ത​ത്. ചു​ര​ത്തി​ലെ​ത്തി​യ സൈ​ന​ബ​യു​ടെ മ​ക​ൻ മു​സ്ത​ഫ​യും ബ​ന്ധു​ക്ക​ളും മൃ​ത​ദേ​ഹം തി​രി​ച്ച​റി​ഞ്ഞു. ഇ​ൻ​ക്വ​സ്റ്റ് ന​ട​പ​ടി​ക​ൾ​ക്കു​ശേ​ഷം ഉ​ച്ച​ക്ക് ഒ​ന്ന​ര​യോ​ടെ പോ​സ്റ്റ്മോ​ർ​ട്ട​ത്തി​നാ​യി കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി.