തിരുവനന്തപുരം: കഴിഞ്ഞ സർക്കാരിന്റെ കാലം നാളിതുവരെ എസ്.സി- എസ്.ടി വകുപ്പുമായി ബന്ധപ്പെട്ട് വിജിലൻസ് സമർപ്പിച്ചത് 128 റിപ്പോർട്ടുകൾ. ഇതിൽ പട്ടികജാതി പട്ടികവർഗ വിദ്യാർഥികൾക്കായുളള പ്രീമെട്രിക് ഹോസ്റ്റലുകളിലെ മിന്നൽ പരിശോധന നടത്തി സമർപ്പിച്ച 50 റിപ്പോർട്ടുകളുണ്ടെന്നും മുഖ്യമന്ത്രി പിണറായി വിജയൻ നിയമസഭയിൽ തിരുവഞ്ചൂർ രാധാകൃഷ്ണന് രേഖാമൂലം മറുപടി നൽകി.
ഓഫീസുകളിലെ മിന്നൽ പരിശോധന നടത്തി 24 റിപ്പോർട്ടുകൾ സമർപ്പിച്ചിരുന്നു. പട്ടികവർഗ ഓഫീസുകളിൽ "ഓപ്പറേഷൻ വനജ്"എന്ന പേരിൽ മിന്നൽ പരിശോധന നടത്തി 28 റിപ്പോർട്ടുകളും സമർപ്പിച്ചു.
പട്ടികജാതി വികസന ഓഫീസുകളിൽ നടത്തിയ " ഓപ്പറേഷൻ പ്രൊട്ടക്ടർ " എന്ന പേരിലുളള മിന്നൽ പരിശോധനയിൽ 26 റിപ്പോർട്ടുകളും സമർപ്പിച്ചുവെന്ന മുഖ്യമന്ത്രി നിയമസഭയെ രേഖാമൂലം അറിയിച്ചു. പരിശോധനയിൽ കണ്ടെത്തിയ കാര്യങ്ങളിൽ അന്വേഷണം വിവിധ ഘട്ടങ്ങളിലായി നടക്കുന്നതിനാൽ വിശദാംശം വെളിപ്പെടുത്തുവാൻ സാധിക്കുകയില്ലെന്നും അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.