തിരുവനന്തപുരം: ജലന്തർ ബിഷപ്പിനെതിരെ നിയമനടപടി സ്വീകരിക്കണമെന്ന് ആവശ്യപ്പെട്ട് കന്യാസ്ത്രീകൾ നടത്തിവരുന്ന സമരത്തിന് കേരളീയ സമൂഹത്തിൻറെ സമ്പൂർണ്ണ പിന്തുണ ആർജ്ജിക്കാനായെന്ന് കോൺഗ്രസ് നേതാവ് വി.എം സുധീരൻ. ഈ ധർമസമരം ആരംഭിക്കാൻ നിർബന്ധിതരായ കന്യാസ്ത്രീകളോടൊപ്പമാണ് ജനമനസാക്ഷി.
കന്യാസ്ത്രീകൾക്ക് നീതി നിഷേധിക്കുന്ന ഡി.ജി.പിയുടെയും കൂട്ടരുടെയും കള്ളക്കളികളെല്ലാം മറനീക്കി പുറത്തു വന്നിരിക്കുകയാണ്. രാഷ്ട്രീയ യജമാനന്മാരുടെ താളത്തിനൊപ്പിച്ച് തുള്ളി സ്വയം പരിഹാസ്യരായ ഡി.ജി.പി. ഉൾപ്പെടെയുള്ള പൊലീസിലെ ഉന്നതർ ജനമനസ്സിൽ പ്രതിക്കൂട്ടിലാണുള്ളത്.
ഇനിയെങ്കിലും ഇപ്പോൾ സ്വീകരിച്ചിട്ടുള്ള തെറ്റായ നിലപാട് തിരുത്താനും കന്യാസ്ത്രീകൾക്ക് നീതി ഉറപ്പ് വരുത്താനും പൊലീസ് തയ്യാറാകണം. അല്ലെങ്കിൽ അതെല്ലാം കേരള പൊലീസിന് തീരാ കളങ്കമായിരിക്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.