തിരുവനന്തപുരം: കോവളം കൊട്ടാരം സ്വകാര്യ ഹോട്ടൽ ഗ്രൂപ്പുകൾക്ക് കൈമാറാനുള്ള മന്ത്രിസഭാ തീരുമാനത്തിനെതിരെ വി.എസ് അച്യുതാനന്ദൻ. കൊട്ടാരം സ്വകാര്യ മുതലാളിക്ക് കൈമാറാനുള്ള സർക്കാർ തീരുമാനം നിർഭാഗ്യകരമാണെന്ന് വി.എസ് പ്രസ്താവനയിൽ അറിയിച്ചു.
ഉടമസ്ഥാവകാശം സർക്കാറിൽ തന്നെ നിലനിർത്തികൊണ്ടാണ് കൊട്ടാരം കൈമാറുന്നതെങ്കിലും ഭാവിയിൽ ഇത് സ്വകാര്യ മുതലാളിയുടെ കൈയിൽ അകപ്പെടുന്ന സ്ഥിതിയുണ്ടാകും. കൊട്ടാരം സ്വകാര്യ വ്യക്തിക്ക് കൈമാറുന്നതിനെതിരെ സർക്കാറിന് സിവിൽ കേസ് നൽകാമായിരുന്നു. അഡ്വക്കേറ്റ് ജനറലും ഇൗ ഉപദേശം നൽകിയിട്ടുണ്ട്. എന്നാൽ അത്തരമൊരു സാധ്യത പരിശോധിക്കാതെയാണ് ഇപ്പോഴത്തെ തീരുമാനമെന്നും വി.എസ് കുറ്റപ്പെടുത്തി. ഇനിയും സിവിൽ കേസ് കൊടുക്കാൻ കഴിയുമോ എന്ന കാര്യം പരിശോധിക്കണമെന്നും വി.എസ് ആവശ്യപ്പെട്ടു.
കൊട്ടാരം രവി പിള്ള ഗ്രൂപ്പിന് കൈമാറാനാണ് മന്ത്രി സഭായോഗം തീരുമാനിച്ചിരുന്നത്. ടൂറിസം വകുപ്പിെൻറ നിർദേശ പ്രകാരമാണ് കൊട്ടാരം കൈമാറാനുള്ള നിർദേശം മന്ത്രിസഭ അംഗീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.