ഇവിടെ ഉയരുന്നത് വി​ലാ​പ​ത്തി​ൻ മാ​റ്റൊ​ലി

ക​ൽ​പ​റ്റ പ​ഴ​യ ബ​സ്‍സ്റ്റാ​ൻ​ഡി​ൽ​നി​ന്നാ​ൽ എ​പ്പോ​ഴും കാ​ണു​ന്ന കാ​ഴ്ച​യാ​ണ് ‘ക​ൽ​പ​റ്റ-​മു​ണ്ട​ക്കൈ’ ബോ​ർ​ഡു​വെ​ച്ച കെ.​എ​സ്.​ആ​ർ.​ടി.​സി ബ​സു​ക​ൾ. മേ​പ്പാ​ടി​യും ക​ട​ന്ന് ചൂ​ര​ൽ​മ​ല​യി​ലെ ചാ​യ​ത്തോ​ട്ട​ങ്ങ​ൾ പ​ച്ച​വി​രി​ച്ച പാ​ത​ക​ളി​ലൂ​ടെ മു​ണ്ട​ക്കൈ അ​ങ്ങാ​ടി​യി​ൽ നി​ർ​ത്തി ആ ​ബ​സ് ഒ​ന്ന് ശ്വാ​സം വി​ടും. നേ​രം​പു​ല​രും മു​മ്പേ​ത​ന്നെ പ​ല​വി​ധ സ്വ​പ്ന​ങ്ങ​ളു​മാ​യി അ​ന്ന​ത്തെ അ​ന്ന​വും തേ​ടി പ​ല​യി​ട​ങ്ങ​ളി​ലേ​ക്കു​പോ​യി തി​രി​ച്ചെ​ത്തു​ന്ന ഒ​രു​പാ​ട് മ​നു​ഷ്യ​ർ ആ ​വാ​ഹ​ന​ത്തി​ൽ നി​ന്നി​റ​ങ്ങും. അ​വി​ടെ​യു​ള്ള ചെ​റി​യ ക​ട​യി​ൽ ക​യ​റി മ​ക്ക​ൾ​ക്ക് മ​ധു​രം വാ​ങ്ങും. അ​വ​രെ കാ​ത്തി​രു​ന്ന വീ​ട​ക​ങ്ങ​ളി​​ലെ കു​രു​ന്നു​ക​ൾ... കൊ​ച്ചു​കൊ​ച്ചു സ​ന്തോ​ഷ​ങ്ങ​ൾ മാ​ത്ര​മു​ണ്ടാ​യി​രു​ന്ന നൂ​റു​ക​ണ​ക്കി​ന് സാ​ധാ​ര​ണ​ക്കാ​ർ, അ​വ​രു​ടെ വീ​ടു​ക​ൾ, പ​ള്ളി​ക്കൂ​ട​ങ്ങ​ൾ, ആ​രാ​ധ​നാ​ല​യ​ങ്ങ​ൾ, ക​ളി​സ്ഥ​ല​ങ്ങ​ൾ, ല​യ​ങ്ങ​ൾ... ഇ​പ്പോ​ൾ ഒ​ന്നു​മി​ല്ല ഇ​വി​ടെ. ബ​സു​ക​ളും വാ​ഹ​ന​ങ്ങ​ളും നി​ർ​ത്തി​യി​രു​ന്ന മു​ണ്ട​ക്കൈ അ​ങ്ങാ​ടി​യി​ലെ ആ ​ചെ​റി​യ ക​ട​യു​ടെ ത​ക​ർ​ന്ന ഷ​ട്ട​റു​ക​ൾ​ക്കി​ട​യി​ലൂ​ടെ നോ​ക്കി​യാ​ൽ കു​ഞ്ഞു​ങ്ങ​ളു​ടെ ക​ളി​പ്പാ​ട്ട​മ​ട​ക്ക​മു​ള്ള​വ കാ​ണാം, ഇ​നി​യ​ത് വാ​ങ്ങാ​നോ വാ​ശി​പി​ടി​ക്കാ​നോ ഈ ​നാ​ട്ടി​ൽ ഇ​നി കു​രു​ന്നു​ക​ളി​ല്ല​ല്ലോ.

എ​ല്ലാ സ്വ​പ്ന​ങ്ങ​ൾ​ക്കും മേ​ൽ ഉ​രു​ൾ​പൊ​ട്ടി​യ​പ്പോ​ൾ ഒ​ലി​ച്ചു​പോ​യ​ത് തോ​ട്ടം​തൊ​ഴി​ലാ​ളി​ക​ള​ട​ക്ക​മു​ള്ള പാ​വ​പ്പെ​ട്ട മ​നു​ഷ്യ​രു​ടെ ഒ​രു​ദേ​ശം ത​ന്നെ​യാ​ണ്. വ്യാ​ഴാ​ഴ്ച പു​ല​ർ​ച്ച 5.30ഓ​ടെ ചൂ​ര​ൽ​മ​ല​യി​ൽ​നി​ന്ന് ചെ​ങ്കു​ത്താ​യ പ​രു​ക്ക​ൻ​പാ​ത​ക​ൾ പി​ന്നി​ട്ട് മു​ണ്ട​ക്കൈ​യി​ലെ ഉ​രു​ൾ ന​ക്കി​ത്തു​ട​ച്ച നാ​ട്ടി​ലെ​ത്തു​മ്പോ​ൾ മ​നു​ഷ്യ​രു​ടെ നെ​ഞ്ച​കം പി​ള​ർ​ന്ന് ജീ​വ​നെ​ടു​ത്ത ഭീ​മ​ൻ​പാ​റ​​ക്കെ​ട്ടു​ക​ളും കൂ​റ്റ​ൻ മ​ര​ത്ത​ടി​ക​ളു​മാ​ണ് വ​ര​വേ​റ്റ​ത്. വി​വി​ധ സ​ന്ന​ദ്ധ​സം​ഘ​ട​ന​ക​ളു​ടെ ര​ക്ഷാ​പ്ര​വ​ർ​ത്ത​ക​രു​മു​ണ്ട്. അ​ൽ​പം മാ​ത്രം ത​ക​രാ​തെ ബാ​ക്കി​യു​ള്ള മു​ണ്ട​ക്കൈ മ​സ്ജി​ദു​ണ്ട് കു​ന്നി​ൻ​മു​ക​ളി​ൽ. ഏ​റെ പ്രാ​ർ​ഥ​ന​ക​ളാ​ൽ മു​ഖ​രി​ത​മാ​യി​രു​ന്ന പ​ള്ളി​യു​ടെ മി​നാ​ര​ങ്ങ​ൾ സ്വ​യം പ്രാ​ർ​ഥി​ക്കു​ന്ന പോ​ലെ...

ഇ​വി​ട​വും ക​ട​ന്ന് മു​ക​ളി​ലെ​ത്തു​മ്പോ​ൾ പ​രി​ക്കേ​ൽ​ക്കാ​തെ സി.​എ​സ്.​ഐ ച​ർ​ച്ച്. ച​ർ​ച്ചി​ന്റെ മു​റ്റ​ത്തു​നി​ന്ന് നോ​ക്കി​യാ​ൽ അ​ങ്ങ​ക​ലെ മ​ല​യു​ടെ അ​ങ്ങേ​യ​റ്റ​ത്ത് പു​ഞ്ചി​രി​മ​ട്ടം പ്ര​ദേ​ശം കാ​ണാം. അ​വി​ടെ നി​ന്നാ​ണ് മ​ല​യൊ​ന്ന​ട​ങ്കം പൊ​ട്ടി​യൊ​ലി​ക്കാ​ൻ തു​ട​ങ്ങി​യ​ത്, പി​ന്നെ നാ​ടൊ​ന്നാ​കെ ത​ച്ചു​ത​ക​ർ​ത്ത​ത്. തി​ങ്ക​ളാ​ഴ്ച​വ​രെ മ​നു​ഷ്യ​രെ​ക്കൊ​ണ്ട് സ​ജീ​വ​മാ​യ ഒ​ര​ങ്ങാ​ടി​യാ​യി​രു​ന്നു മു​ണ്ട​ക്കൈ. ചൊ​വ്വാ​ഴ്ച പു​ല​ർ​ച്ച​യോ​ടെ എ​ല്ലാം ന​ശി​ച്ചു. ദു​ര​ന്ത​ത്താ​ൽ പ്ര​കൃ​തി വ​ര​ച്ച ഭീ​മ​ൻ നീ​ർ​ച്ചാ​ൽ ഒ​ന്നു​മ​റി​യാ​ത്ത​പോ​ലെ ഒ​ഴു​കു​ന്നു. ച​വി​ട്ടു​ന്നി​ട​ത്തെ​ല്ലാം ചേ​ത​ന​യ​റ്റ ശ​രീ​ര​ങ്ങ​ൾ ഉ​​ണ്ടാ​കു​മോ എ​ന്ന ചി​ന്ത​യി​ലേ ചു​വ​ടു​ക​ൾ വെ​ക്കാ​ൻ ക​ഴി​യൂ.