കോഴിക്കോട്: റീൽസ് ചിത്രീകരിക്കുന്നതിനിെട സുഹൃത്തിന്‍റെ കാറിടിച്ച് യുവാവിന് ദാരുണാന്ത്യം. വടകര കടമേരി സ്വദേശി ടി.കെ ആൽവിൻ (21) ആണ് മരിച്ചത്. ബീച്ച് റോഡിൽ വെള്ളയിൽ ഭാഗത്തായിരുന്നു അപകടം.
കോഴിക്കോട്ടെ വാഹന സ്ഥാപനത്തിന് വേണ്ടിയുള്ള വീഡിയോ ആയിരുന്നു റീൽസ് ആയി ചിത്രീകരിച്ചുകൊണ്ടിരുന്നത്. വാഹനങ്ങളുടെ ചേസിങ് വീഡിയോ ആൽവിൻ മൊബൈലിൽ ചിത്രീകരിക്കുന്നതിനിടയിൽ കൂട്ടത്തിലെ ഒരു വാഹനം ഇടിച്ച് തെറിപ്പിക്കുകയായിരുന്നു. ഇന്ന് രാവിലെ 7.30ഓടെയായിരുന്നു സംഭവം.
ഇടിച്ച വാഹനത്തിൽ തന്നെ കൂടെയുണ്ടായിരുന്ന യുവാക്കൾ ആൽവിനെ സ്വകാര്യ ആശുപത്രിയിലെത്തിച്ചു. ഉച്ചയോടെ മരണം സംഭവിച്ചു.
വാഹനങ്ങൾ പൊലീസ് കസ്റ്റഡിയിലെടുത്തിട്ടുണ്ട്. ആൽവിന്‍റെ മൃതദേഹം നാളെ പോസ്റ്റുമോർട്ടത്തിനുശേഷം ബന്ധുക്കൾക്ക് വിട്ടുകൊടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.