ജ​കാ​ർ​ത്തയിലെ മ​ല​നി​ര​ക​ളിലെ ആ​ദി​വാ​സി സ​മൂ​ഹം കെനക്കികളോടൊപ്പം രണ്ടുനാൾ കഴിഞ്ഞ അപൂർവാനുഭവം...

വ​ർ​ഷ​ത്തി​ലൊ​രി​ക്ക​ലെ​ങ്കി​ലും അ​പ​രി​ചി​ത​മാ​യ ഏ​തെ​ങ്കി​ലും ഒ​രു ദേ​ശ​ത്തു പോ​വു​ക, അ​പ​രി​ചി​ത​രാ​യ ജ​ന​ങ്ങ​ളോ​ടൊ​പ്പം ഒ​രു മു​ൻ​വി​ധി​യും കൂ​ടാ​തെ അ​വ​രി​ലൊ​രാ​ളാ​യി കു​റ​ച്ചു നാ​ൾ ചെ​ല​വ​ഴി​ക്കു​ക എ​ന്ന​താ​ണ് എ​​െൻറ യാ​ത്ര​ക​ളി​ലെ പ്ര​ധാ​ന ഉ​ദ്ദേ​ശ്യം. ഇ​ത്ത​വ​ണ തി​ര​ഞ്ഞെ​ടു​ത്ത​ത് ഇ​ന്തോ​നേ​ഷ്യ​യി​ലെ ജാ​വ ദ്വീ​പാ​യി​രു​ന്നു.

നാ​ലുവ​ശ​വും സ​മു​ദ്ര​ത്താ​ൽ ചു​റ്റ​പ്പെ​ട്ടു ചി​ത​റി​ക്കി​ട​ക്കു​ന്ന​ പ​തി​നാ​യി​ര​ക്ക​ണ​ക്കി​ന് ദ്വീ​പു​ക​ൾ, അ​വി​ടെ വ​സി​ക്കു​ന്ന ജ​ന​ങ്ങ​ളും അ​വ​രു​ടെ ജീ​വി​ത​വും കു​ട്ടി​ക്കാ​ലം മു​ത​ൽ കൗ​തു​ക​ത്തോ​ടെ ഓ​ർ​ത്തി​രു​ന്ന​വ​യാ​ണ്. കാ​ൽ​ന​ട​യാ​യും പൊ​തു​ഗ​താ​ഗ​ത​മാ​ർ​ഗ​ങ്ങ​ളു​പ​യോ​ഗി​ച്ച് സ​ഞ്ച​രി​ച്ചും ജാ​വ ദ്വീ​പി​ലെ മു​ക്കു​മൂ​ല​ക​ളി​ലും ഹോ​സ്​​റ്റ​ലു​ക​ളി​ൽ ത​ങ്ങി​യും ഒ​രു​മാ​സ​ത്തോ​ളം ചെ​ല​വ​ഴി​ച്ച യാ​ത്ര​യി​ൽ ഏ​റ്റ​വും കൗ​തു​ക​ക​ര​മാ​യി തോ​ന്നി​യ ഒ​രു ആ​ദി​വാ​സി സ​മൂ​ഹ​മാ​യി​രു​ന്നു ബ​ദൂ​യി ഗ്രാ​മ​ങ്ങ​ളി​ൽ വ​സി​ക്കു​ന്ന കെ​ന​ക്കി ആ​ദി​വാ​സി ഗോ​ത്ര​ങ്ങ​ൾ. അ​വ​രോ​ടൊ​ത്ത് താ​മ​സി​ച്ച അ​നു​ഭ​വം മ​റ​ക്കാ​നാ​വാ​ത്ത​താ​ണ്. വ​ള​രെ യാ​ദൃ​ച്ഛി​ക​മാ​യി കെ​ന​ക്കി​ക​ളെ​ക്കു​റി​ച്ച് അ​റി​ഞ്ഞ​ത് ജ​കാ​ർ​ത്ത വി​മാ​ന​ത്താ​വ​ള​ത്തി​ൽ ​െവ​ച്ച് പ​രി​ച​യ​പ്പെ​ട്ട മെ​ല​ൻ എ​ന്ന സു​ഹൃ​ത്തി​ൽ നി​ന്നാ​യി​രു​ന്നു.

ജ​കാ​ർ​ത്ത ന​ഗ​ര​വും മെ​ലൻ എ​ന്ന കൂ​ട്ടു​കാ​രി​യും

മ​ലേ​ഷ്യ​യി​ൽ​നി​ന്ന്​ പു​റ​പ്പെ​ട്ട എ​യ​ർ ഏ​ഷ്യ വി​മാ​നം ക​ണ്ണെ​ത്താ​ദൂ​രം പ​ര​ന്നു​കി​ട​ന്നി​രു​ന്ന നീ​ല​ക്ക​ട​ലി​നു മു​ക​ളി​ലെ കു​ഞ്ഞു ദ്വീ​പു​ക​ളും ജ​ന​വാ​സ കേ​ന്ദ്ര​ങ്ങ​ളും ക​ട​ന്ന് ജ​കാ​ർ​ത്ത എ​യ​ർപോ​ർ​ട്ടി​ലി​റ​ങ്ങി. മ​ന​സ്സി​ൽ എ​ന്തെ​ന്നി​ല്ലാ​ത്ത സ​ന്തോ​ഷം. തീ​ർ​ത്തും അ​പ​രി​ചി​ത​മാ​യ രാ​ജ്യം. മ​നു​ഷ്യ​ർ, ഭാ​ഷ, പ​രി​സ​ര​ത്ത്​ എ​ന്നെ പ​രി​ച​യ​മു​ള്ള​തോ എ​നി​ക്ക് പ​രി​ച​യ​മു​ള്ള​തോ ആ​യ ആ​രും​ത​ന്നെ ഇ​ല്ല. കു​റ​ച്ചു നാ​ൾ ഞാ​നും എ​​െൻറ ചി​ന്ത​ക​ളും മാ​ത്ര​മാ​യി സ്വ​ത​ന്ത്ര​മാ​യി സ​ഞ്ച​രി​ക്കാ​ൻ പോ​കു​ന്ന ദേ​ശം.

ജാ​വയി​ലെ കാ​ലാ​വ​സ്ഥ ഏ​ക​ദേ​ശം ന​മ്മു​ടെ കേ​ര​ള​ത്തെ​പ്പോ​ലെ ത​ന്നെ​യാ​ണെ​ന്നു പ​റ​യാം. എ​യ​ർ​പോ​ർ​ട്ടി​നു മു​ന്നി​ൽ​ത​ന്നെ ജാ​വ ദ്വീ​പി​​െൻറ പ​ല​ഭാ​ഗ​ങ്ങ​ളി​ലേ​ക്ക് പോ​കാ​നു​ള്ള ബ​സു​ക​ൾ നി​ർ​ത്തി​യി​ട്ടി​ട്ടു​ണ്ടാ​യി​രു​ന്നു. കു​റ​ച്ചു​നേ​രം എ​യ​ർ​പോ​ർ​ട്ട് പ​രി​സ​രം ചു​റ്റി​ന​ട​ന്ന് കാ​ഴ്ച​ക​ൾ കാ​ണാ​മെ​ന്നു ക​രു​തി. അ​തോ​ടൊ​പ്പം കൈ​യി​ൽ ക​രു​തി​യി​രു​ന്ന കു​റ​ച്ചു 'ദി​ർ​ഹം' മാ​റ്റി ഇ​ന്തോ​നേ​ഷ്യ​ൻ റൂ​പി​യ ത​ര​പ്പെ​ടു​ത്ത​ണം. എ​യ​ർ​പോ​ർ​ട്ടി​നോ​ട് ചേ​ർ​ന്ന കൗ​ണ്ട​റി​ൽ ചെ​ന്ന് കു​റ​ച്ചു ദി​ർ​ഹം മാ​റ്റി. കൈ​യി​ൽ വ​ന്ന റൂ​പി​യ ക​ണ്ട് ക​ണ്ണ് ത​ള്ളി എ​ന്നു മാ​ത്ര​മ​ല്ല തെ​ല്ലൊ​രു അ​ഹ​ങ്കാ​ര​വും തോ​ന്നി. കാ​ര​ണം ഇ​രു​നൂ​റ് ദി​ർ​ഹം മാ​റ്റി കൈ​യി​ൽ വ​ന്ന​ത് ഏ​ഴു ല​ക്ഷ​ത്തോ​ളം ഇ​ന്തോ​നേ​ഷ്യ​ൻ റൂ​പി​യ ആ​യി​രു​ന്നു. ഒ​റ്റ നി​മി​ഷംകൊ​ണ്ട് ല​ക്ഷ​പ്ര​ഭു​വാ​യ​തി​​െൻറ ഗ​മ! തൊ​ട്ട​ടു​ത്ത ടീസ്​​റ്റാ​ളി​ൽ ക​യ​റി ഒ​രു ചാ​യ​യും ഒ​രു​കു​പ്പി വെ​ള്ള​വും വാ​ങ്ങി പ​തി​നാ​യി​ര​ത്തോ​ളം ഇ​ന്തോ​നേ​ഷ്യ​ൻ റൂ​പി​യ ചാ​യ​ക്ക​ട​ക്കാ​രി​ക്ക് നീ​ട്ടു​ന്ന​തു​വ​രെ​യേ ആ ​ഗ​മ​ക്ക് ആ​യു​സ്സു​ണ്ടാ​യി​രു​ന്നു​ള്ളൂ.

എ​യ​ർ​പോ​ർ​ട്ട്​ പ​രി​സ​രം കു​റ​ച്ചു​സ​മ​യം അ​ല​സ​മാ​യി ചു​റ്റിന​ട​ന്ന​പ്പോ​ൾ​ത​ന്നെ ഇ​ന്തോ​നേ​ഷ്യ​ൻ ജ​ന​ങ്ങ​ളു​ടെ ആ​തി​ഥേ​യ​ത്വം രു​ചി​ക്കാ​ൻ ക​ഴി​ഞ്ഞു. അ​പ​രി​ചി​ത​രാ​യ ആ​ളു​ക​ളി​ൽ​നി​ന്നും ഊ​ഷ്മ​ള​മാ​യ പു​ഞ്ചി​രി​ക​ളും കു​ശ​ലാ​ന്വേ​ഷ​ണ​ങ്ങ​ളും കി​ട്ടി​ത്തു​ട​ങ്ങി. ഒ​ട്ടു​മി​ക്ക ആ​ളു​ക​ൾ​ക്കും ചോ​ദി​ക്കാ​നു​ള്ള​ത് ബോ​ളി​വു​ഡ് ന​ട​ന്മാ​രെ കു​റി​ച്ചാ​യി​രു​ന്നു, പ്ര​ത്യേ​കി​ച്ച്​ ഷാ​റൂ​ഖ് ഖാ​നെ കു​റി​ച്ച്. ബാ​ഗും ഭാ​ണ്ഡ​ക്കെ​ട്ടു​ക​ളും അ​രി​കി​ൽ​െ​വ​ച്ച് സിം ​കാ​ർ​ഡ് ശ​രി​പ്പെ​ടു​ത്തു​ന്ന​തി​നാ​യി അ​ടു​ത്തു​ള്ള ഫു​ഡ് കോ​ർ​ട്ടി​​െൻറ ആ​ളൊ​ഴി​ഞ്ഞൊ​രു മേ​ശ​യി​ൽ ചെ​ന്നി​രു​ന്നു. തൊ​ട്ട​ടു​ത്ത ടേ​ബി​ളി​ൽ ഇ​രു​ന്ന്​ ചാ​യ കു​ടി​ച്ചി​രു​ന്ന മ​ധ്യ​വ​യ​സ്ക​യാ​യ സ്ത്രീ ​ഹൃ​ദ്യ​മാ​യ പു​ഞ്ചി​രി​യോ​ടെ 'ഹാ​യ്' പ​റ​ഞ്ഞു.

  'ആ​ർ യു ​ഫ്രം ഇ​ന്ത്യ'? എ​ന്ന് ഇം​ഗ്ലീ​ഷി​ൽ ചോ​ദി​ച്ചു.

  'യെ​സ്' എ​ന്നുപ​റ​ഞ്ഞ്​ ഞാ​ൻ ക​സേ​ര അ​വ​രു​ടെ അ​ടു​ത്തേ​ക്ക് നീ​ക്കി ഞ​ങ്ങ​ൾ പ​രി​ച​യ​പ്പെ​ട്ടു. മെ​ലൻ, സു​മാ​ത്ര ദ്വീ​പു​കാ​രി​യാ​ണ്. വ​ർ​ഷ​ങ്ങ​ളാ​യി ജ​കാ​ർ​ത്ത​യി​ൽ ജോ​ലി ചെ​യ്യു​ക​യാ​ണ്. ജോ​ലി സം​ബ​ന്ധ​മാ​യി ബാ​ലിദ്വീ​പി​ലെ യാ​ത്ര ക​ഴി​ഞ്ഞു​വ​ന്നി​രി​ക്കു​ക​യാ​ണ്.

യാ​ത്ര​ക​ളെ ഇ​ഷ്​​ട​പ്പെ​ടു​ന്ന മെ​ല​ൻ ഒ​രു​പാ​ട് നേ​രം ഇ​ന്തോ​നേ​ഷ്യ​യെ​ക്കു​റി​ച്ചും അ​ടു​ത്തി​ടെ ന​ട​ത്തി​യ ഇ​ന്ത്യ​ൻ യാ​ത്ര​യും താ​ജ്മ​ഹ​ൽ നേ​രി​ൽ​ക്ക​ണ്ട അ​നു​ഭ​വ​ത്തെ​ക്കു​റി​ച്ചും സം​സാ​രി​ച്ചി​രു​ന്നു. യാ​ത്രാ​വി​ശേ​ഷ​ങ്ങ​ൾ നീ​ണ്ട് ഞ​ങ്ങ​ൾ മു​െ​മ്പ​ന്നോ പ​രി​ച​യ​മു​ള്ള സു​ഹൃ​ത്തു​ക്ക​ളെ​പ്പോ​ലെ​യാ​യി. ഈ ​സം​സാ​ര​ത്തി​നി​ട​യി​ലാ​ണ് മെ​ല​ൻ ബെ​ൻ​റ​ണി​ലെ കെ​ന​ക്കി ഗോ​ത്ര​ത്തെ​ക്കു​റി​ച്ച് പ​റ​ഞ്ഞത്. തി​ര​ക്കു​പി​ടി​ച്ച ജ​കാ​ർ​ത്ത ന​ഗ​ര​ത്തി​ൽ​നി​ന്ന്​ വെ​റും 100 കി.​മീ​റ്റ​ർ അ​ക​ലെ ബെ​ൻ​റ​ൺ മ​ല​നി​ര​ക​ളി​ൽ ആ​ധു​നി​ക ലോ​ക​ത്തോ​ടും ജീ​വി​ത​രീ​തി​ക​ളോ​ടും അ​ക​ന്ന് ഒ​റ്റ​പ്പെ​ട്ട് ജീ​വി​ക്കു​ന്ന ആ​ദി​വാ​സി സ​മൂ​ഹം. യ​ന്ത്ര​ങ്ങ​ളു​ടെ പു​ക​യും വാ​ഹ​ന​ങ്ങ​ളു​ടെ കാ​ത​ട​പ്പി​ക്കു​ന്ന ശ​ബ്​​ദ​ങ്ങ​ളൊ​ന്നും ഇ​ല്ലാ​ത്ത തീ​ർ​ത്തും സ്വ​പ്ന​തു​ല്യ​മാ​യ ഗ്രാ​മ​ത്തെ​ക്കു​റി​ച്ച് കേ​ട്ട​പ്പോ​ൾ കൗ​തു​കം തോ​ന്നി. നാ​ട്ടി​ൽ​നി​ന്ന്​ പു​റ​പ്പെ​ടു​ന്ന​തു​വ​രെ എ​​െൻറ യാ​ത്ര പ്ലാ​നു​ക​ളി​ൽ ഇ​ല്ലാ​ത്ത ഒ​ന്നാ​ണ് ഇ​തെ​ങ്കി​ലും അ​വി​ടെ പോ​കാ​തെ ഇ​നി ഈ ​യാ​ത്ര പൂ​ർ​ണ​മാ​കി​ല്ലെ​ന്നു തോ​ന്നി.

ജ​കാ​ർ​ത്ത​യി​ലേ​ക്ക്

മെ​ല​നോ​ട് യാ​ത്ര​പ​റ​യാ​ൻ നേ​രം എ​ന്നോ​ട് പ​റ​ഞ്ഞു, 'ജ​കാ​ർ​ത്ത​യി​ലേ​ക്കാ​ണെ​ങ്കി​ൽ കൂ​ടെ വ​ന്നോ​ളൂ', റൂ​മെ​ടു​ത്തി​ട്ടി​ല്ലെ​ങ്കി​ൽ അ​വ​രു​ടെ താ​മ​സ​സ്ഥ​ല​ത്തോ​ട് ചേ​ർ​ന്നു​ള്ള ഹോ​സ്​​റ്റ​ലി​ൽ താ​മ​സം ത​ര​പ്പെ​ടു​ത്താ​മെ​ന്നും വൈ​കു​ന്നേ​രം കൂ​ട്ടു​കാ​രോ​ടൊ​പ്പം ജ​കാ​ർ​ത്ത ന​ഗ​രം കാ​ണാ​നി​റ​ങ്ങാ​മെ​ന്നും പ​റ​ഞ്ഞു. ആ​രോ എ​ഴു​തി​െ​വ​ച്ച തി​ര​ക്ക​ഥ​പോ​ലെ യാ​ത്ര​ക​ളി​ൽ സം​ഭ​വി​ക്കു​ന്ന ഇ​ത്ത​രം അ​നു​ഭ​വ​ങ്ങ​ളാ​ണ് എ​പ്പോ​ഴും ഏ​കാ​ന്ത​യാ​ത്ര മ​നോ​ഹ​ര​മാ​ക്കു​ന്ന​ത്. ഞാ​ൻ ക്ഷ​ണം സ​ന്തോ​ഷ​പൂ​ർ​വം സ്വീ​ക​രി​ച്ചു. ഞ​ങ്ങ​ളൊ​രു​മി​ച്ച് തൊ​ട്ട​ടു​ത്ത ബ​സ് കൗ​ണ്ട​റി​ൽനി​ന്ന്​ ജ​കാ​ർ​ത്ത​യി​ലെ 'പ​ഞ്ചോ​റാ​ൻ' എ​ന്ന സ്ഥ​ലം ല​ക്ഷ്യ​മാ​ക്കി യാ​ത്ര തു​ട​ങ്ങി. ബ​സി​റ​ങ്ങി അ​ത്യാ​വ​ശ്യം സൗ​ക​ര്യ​മു​ള്ളൊ​രു ഹോ​സ്​​റ്റ​ലി​ൽ മെ​ല​നോ​ടൊ​പ്പം പോ​യി മു​റി​യെ​ടു​ത്തു. എ​ന്നെ മു​റി​യി​ലാ​ക്കി മെ​ല​ൻ വീ​ട്ടി​ലേ​ക്ക് പോ​യി.​ വൈ​കു​ന്നേ​ര​ത്തോ​ടെ മെ​ല​ൻ വി​ളി​ച്ചു റെ​ഡി​യാ​കാ​ൻ പ​റ​ഞ്ഞു. അ​വ​ളു​ടെ സു​ഹൃ​ത്തു​ക്ക​ളുടെ കൂ​ടെ ഞ​ങ്ങ​ൾ ജ​കാ​ർ​ത്ത ന​ഗ​രം കാ​ണാ​നി​റ​ങ്ങി.

ജ​കാ​ർ​ത്ത ന​ഗ​ര​ത്തി​നും രാ​ത്രി​യി​ൽ പ്ര​ത്യേ​ക ഭം​ഗി​യാ​ണ്. മു​ക്കി​ലും മൂ​ല​യി​ലു​മാ​യി നി​ര​വ​ധി സ്ട്രീ​റ്റ് ഫു​ഡു​ക​ളും വ​ഴി​യോ​ര ക​ച്ച​വ​ട​ങ്ങ​ളും. പ​ല​യി​നം വാ​ദ്യോ​പ​ക​ര​ണ​ങ്ങ​ൾ വാ​യി​ക്കു​ന്ന ക​ലാ​കാ​ര​ന്മാ​ർ തു​ട​ങ്ങി ന​ഗ​രം രാ​ത്രി​യെ ആ​ഘോ​ഷ​മാ​ക്കു​ക​യാ​ണ്. പ​ല മു​ഖ​ച്ഛാ​യ​യോ​ടു​കൂ​ടി​യ മ​നു​ഷ്യ​ർ, ദ​ക്ഷി​ണ ചൈ​ന​യി​ൽനി​ന്ന്​ കു​ടി​യേ​റി​പ്പാ​ർ​ത്ത​വ​രാ​ണ​ത്രെ ഇ​ന്തോ​നേ​ഷ്യ​ക്കാ​രു​ടെ പൂ​ർ​വി​ക​ർ. ചെ​റി​യ ന​ഗ​ര​പ്ര​ദ​ക്ഷി​ണം​ ക​ഴി​ഞ്ഞ്​ മെ​ല​നും കൂ​ട്ടു​കാ​രും എ​ന്നെ ഹോ​സ്​​റ്റ​ലി​ലാ​ക്കി. അ​തി​നി​ട​യി​ൽ ബ​ദൂ​യി ഗ്രാ​മ​ത്തി​ലേ​ക്കു​ള്ള യാ​ത്ര​ക്കു​വേ​ണ്ടി അ​വി​ടേ​ക്കു പോ​കു​ന്ന​തി​നു തൊ​ട്ടു​മു​മ്പു​ള്ള സെ​റാ​ങ് എ​ന്ന ചെ​റു​പ​ട്ട​ണ​ത്തി​ൽ താ​മ​സി​ക്കു​ന്ന അ​വ​രു​ടെ കൂ​ട്ടു​കാ​ര​ൻ 'ദി​ദി റോ​ഷി​ദി'​യെ ഫോ​ണി​ൽ പ​രി​ച​യ​പ്പെ​ടു​ത്തി. ബ​ദൂ​യി ഗ്രാ​മ​ത്തി​ലേ​ക്കു പോ​കാ​നു​ള്ള എ​ല്ലാ ഏ​ർ​പ്പാ​ടു​ക​ളും ദി​ദി ചെ​യ്തു​ത​രു​മെ​ന്നും ഉ​റ​പ്പു​ത​ന്നാണ് മെ​ലനും കൂ​ട്ടു​കാ​രും യാ​ത്ര പ​റ​ഞ്ഞത്.

ബ​ന്യു ഗ്രാ​മം 

ജ​കാ​ർ​ത്ത​യി​ൽ​നി​ന്ന്​ ​െബ​ൻ​റ​ൺ പ്രോ​വി​ൻ​സി​ലെ സെ​റാ​ങ്ങിലേക്ക്​ ബ​സ് ക​യ​റി. കു​റ​ച്ചു​സ​മ​യം കൊ​ണ്ടു​ത​ന്നെ പെ​ട്ടി​യും ബാ​ഗും പി​ടി​ച്ച്​ പ​ല ഗ്രാ​മ​ങ്ങ​ളി​ലേ​ക്കു പോ​കാ​നു​ള്ള വേ​റെ​യും ഒ​രു​പാ​ട് യാ​ത്ര​ക്കാ​ർ ബ​സി​ൽ ക​യ​റി. ക​യ​റു​ന്ന​വ​രെ​ല്ലാം കൗ​തു​ക​ത്തോ​ടെ എ​ന്നെ നോ​ക്കു​ന്നു​ണ്ട്. ഞാ​ൻ മാ​ത്ര​മാ​യി​രു​ന്നു ബ​സി​ലെ ഏ​ക വി​ദേ​ശി. ചി​ല​ർ 'ഇ​ൻ​ഡി​യ' എ​ന്ന് ചോ​ദി​ക്കു​ന്നു​ണ്ട്. ഇം​ഗ്ലീ​ഷ് സം​സാ​രി​ക്കു​ന്ന ആ​രെ​യും പ​രി​ച​യ​പ്പെ​ടാ​ൻ സാ​ധി​ച്ചി​ല്ല. ബ​സ് പ​തു​ക്കെ നീ​ങ്ങി​ത്തു​ട​ങ്ങി. ജ​കാ​ർ​ത്ത​യു​ടെ തി​ര​ക്കു​പി​ടി​ച്ച ഭാ​ഗ​ങ്ങ​ൾ അ​വ​സാ​നി​ച്ചാ​ൽ സെ​ര​ങ്ങി​ലേ​ക്കു​ള്ള പാ​തയിൽ പി​ന്നെ കു​ഞ്ഞു ഗ്രാ​മ​ങ്ങ​ളാ​ണ്. ക​ണ്ണെ​ത്താദൂ​രം പ​ച്ച നി​റ​ത്തി​ലു​ള്ള നെ​ൽ​പാ​ട​ങ്ങ​ളും കൃ​ഷി​യി​ട​ങ്ങ​ളും താ​ണ്ടി ഏ​ക​ദേ​ശം ര​ണ്ടു മ​ണി​ക്കൂ​ർ യാ​ത്ര​ചെ​യ്ത് സെ​റാ​ങ്ങി​ലെ 'പ​കു​പ​ത്താ​ൻ' ബ​സ് ടെ​ർ​മി​ന​ലി​ൽ ഇ​റ​ങ്ങി.

ബ​സി​റ​ങ്ങി​യ​തോ​ടെ തെ​രു​വ് ക​ച്ച​വ​ട​ക്കാ​ർ പ​ല​യി​നം ഉ​ൽ​പ​ന്ന​ങ്ങ​ളു​മാ​യി ഓ​ടി​ക്കൂ​ടു​ന്നു​ണ്ട്. അ​റി​യാ​ത്ത ഭാ​ഷ​യി​ൽ എ​ന്തൊ​ക്കെ​യോ വി​ളി​ച്ചുപ​റ​ഞ്ഞു വി​ൽ​ക്കു​ന്നു. ഗി​ത്താ​ർ വാ​യി​ച്ച്​ പ​ണം പി​രി​ക്കു​ന്ന വ​യ​സ്സാ​യ ഒ​ര​പ്പൂ​പ്പ​ൻ എ​​െൻറ മു​ന്നി​ൽ വ​ന്ന് കു​റ​ച്ചു​നേ​രം ഏ​തോ ഭാ​ഷ​യി​ൽ പാ​ട്ടു​പാ​ടി. ഒ​ന്നും മ​ന​സ്സി​ലാ​യി​ല്ലെ​ങ്കി​ലും ആ​ളു​ടെ ഉ​ദ്ദേ​ശ്യം ചി​ല്ല​റ ആ​യി​രി​ക്കു​മെ​ന്ന് എ​നി​ക്കു​റ​പ്പാ​യി. പോ​ക്ക​റ്റി​ൽ ഉ​ണ്ടാ​യി​രു​ന്ന ചി​ല്ല​റ പൈ​സ അ​പ്പൂ​പ്പ​ന് നീ​ട്ടി​യ​പ്പോ​ൾ ന​ന്ദി​പൂ​ർ​വം നി​ര​സി​ച്ച്​ ചി​രി​ച്ചു​കൊ​ണ്ട് വീ​ണ്ടും ര​ണ്ടുവ​രി പാ​ടി അ​യാ​ൾ മ​റ്റൊ​രു ബ​സ് ല​ക്ഷ്യ​മാ​ക്കി പോ​യി. ചി​ല സ​മ​യ​ങ്ങ​ളി​ൽ ന​മ്മു​ടെ മു​ൻ​വി​ധി​ക​ൾ തീ​ർ​ത്തും അ​ബ​ദ്ധ​മാ​കാ​റു​ണ്ട്. ഒ​രു​പ​േ​ക്ഷ അ​വ​രു​ടെ നാ​ട്ടി​ൽ വ​ന്ന വി​ദേ​ശി​യെ ത​​െൻറ ​പ​ാട്ടു കേ​ൾ​പ്പി​ക്ക​ണം എ​ന്ന ചി​ന്ത മാ​ത്ര​മേ അ​യാ​ൾ​ക്കു​ണ്ടാ​യി​രി​ക്കാ​ൻ വ​ഴി​യു​ള്ളൂ.

അൽപസമയത്തിനകം ദിദി സ്കൂ​ട്ട​റു​മാ​യി വ​ന്ന്​ എ​ന്നെ​യും കൂ​ട്ടി അ​വ​​െൻറ 'അ​നാ​മി​ക' എ​ന്നു​പേ​രു​ള്ള കോ​ഫി ഷോ​പ്പി​ൽ ചെ​ന്നി​റ​ങ്ങി. ദി​ദി​യും ന​ല്ലൊ​രു ഇ​ന്ത്യ​ൻ ആ​രാ​ധ​ക​നാ​ണ്. ദി​ദി ഉ​ണ്ടാ​ക്കി​യ കാ​പ്പി​യും മൊ​ത്തി​ക്കൊ​ണ്ട് ഞ​ങ്ങ​ൾ ഒ​രു​പാ​ട് നേ​രം സം​സാ​രി​ച്ചു. അ​ന്ന് ദി​ദി​യു​ടെ വീ​ട്ടി​ൽ താ​മ​സി​ച്ച്​ രാ​വി​ലെ ബ​ദൂ​യി ഗ്രാ​മ​ത്തി​ലേ​ക്കു പോ​കാ​മെ​ന്നും പ​റ​ഞ്ഞു. വൈ​കു​ന്നേ​ര​ത്തോ​ടെ ദിദി എ​ന്നെ​യും കൂ​ട്ടി വീ​ട്ടി​ലേ​ക്ക് പു​റ​പ്പെ​ട്ടു.

തി​ര​ക്ക് കു​റ​ഞ്ഞ ത​നി ഗ്രാ​മ​പ്ര​ദേ​ശം. എ​ൺ​പ​തു​ക​ളി​ലെ മ​ല​യാ​ള സി​നി​മ​ക​ളി​ൽ ക​ണ്ടി​രു​ന്ന നാ​ട്ടി​ൻ​പു​റ​ങ്ങ​ളെ അ​നു​സ്മ​രി​പ്പി​ക്കു​ന്ന സ്ഥ​ല​ങ്ങ​ൾ. ഓ​ടു​മേ​ഞ്ഞ കു​ഞ്ഞു വീ​ടു​ക​ളും ചെ​റി​യ പ​ള്ളി​ക​ളും തോ​ടു​ക​ളും വീ​ടു​ക​ളു​ടെ മു​ന്നി​ൽ വീ​ട്ട​മ്മ​മാ​ർ ന​ട​ത്തു​ന്ന ഭ​ക്ഷ​ണ​ശാ​ല​ക​ളും പ​ല​ച​ര​ക്ക് ക​ച്ച​വ​ട​ങ്ങ​ളും പി​ന്നി​ട്ടു ഞ​ങ്ങ​ൾ 'ബ​ൻ​യു' ഗ്രാ​മ​ത്തി​ലെ ദി​ദി​യു​ടെ വീ​ടി​നു മു​ന്നി​ലെ​ത്തി.

മു​ളകൊ​ണ്ട് പ​ട്ടി​ക മേ​ഞ്ഞ്​ ഓ​ടി​ട്ട പ​ഴ​യ ഒ​രു കു​ഞ്ഞു വീ​ട്. മു​റ്റ​ത്തു കാ​യ്ച്ചു​നി​ൽ​ക്കു​ന്ന റം​ബൂ​ട്ടാ​ൻ മ​ര​വും ഒ​രു​പാ​ട് മ​റ്റു ചെ​ടി​ക​ളും. ഗൃ​ഹാ​തു​ര​ത്വം തോ​ന്നി​ക്കു​ന്ന ഓ​ർ​മ​ക​ൾ മ​ന​സ്സി​ലൂ​ടെ പാ​ഞ്ഞു. അ​പ്പു​റ​ത്തെ വീ​ട്ടി​ലെ ആ​ളു​ക​ൾ വാ​തി​ലി​നു മ​റ​വി​ലൂ​ടെ എ​ത്തി​നോ​ക്കുന്നു​ണ്ട്. വ​യ​സ്സാ​യ, ദി​ദി​യു​ടെ അ​ച്ഛ​നും അ​മ്മ​യും വീ​ടി​​െൻറ ഉ​മ്മ​റ​ത്തു വ​ന്നു. അ​വ​രു​ടെ ഭാ​ഷ​യി​ൽ എ​ന്നെ പ​രി​ച​യ​പ്പെ​ടു​ത്തി. അ​വ​രു​ടെ നാ​ടുകാ​ണാ​ൻ​ വ​ന്ന​താ​ണെ​ന്ന്​ പ​റ​ഞ്ഞു​കൊ​ടു​ത്ത​ത്രെ. ഹൃ​ദ്യ​മാ​യ പു​ഞ്ചി​രി​യോ​ടെ അ​ക​ത്തു​ക​യ​റാ​ൻ ആം​ഗ്യം കാ​ണി​ച്ചു. ബാ​ഗും സാ​ധ​ന​ങ്ങ​ളും വീ​ട്ടി​ൽ​െ​വ​ച്ച് ഞ​ങ്ങ​ൾ ക​റ​ങ്ങാ​നി​റ​ങ്ങി. വ​ഴി​യി​ലെ​ല്ലാം ക​ള്ളിമു​ണ്ടു​ടു​ത്ത ആ​ളു​ക​ളെ കാ​ണാ​മാ​യി​രു​ന്നു. എ​നി​ക്കും മു​ണ്ടു​ടു​ത്ത് ഗ്രാ​മം കാ​ണാ​ൻ ഇ​റ​ങ്ങ​ണ​മെ​ന്ന ആ​ഗ്ര​ഹം ദി​ദി​യെ അ​റി​യി​ച്ച​പ്പോ​ൾ 'സ​റോ​ങ്' എ​ന്ന് അ​വ​ർ വി​ളി​ക്കു​ന്ന ന​മ്മു​ടെ നാ​ട്ടി​ൻ​പു​റ​ങ്ങ​ളി​ലെ അ​സ്സ​ൽ ക​ള്ളി​മു​ണ്ടെ​ടു​ത്തു ത​ന്നു. മു​ണ്ടും മ​ട​ക്കി​ക്കു​ത്തി ​ഞ​ങ്ങ​ൾ അ​ടു​ത്തു​ള്ള വ​ഴി​ക​ളി​ലൂ​ടെ കാ​ഴ്ച​ക​ൾ ക​ണ്ടു ന​ട​ന്നു. വ​ഴി​യി​ൽ വി​ൽ​ക്കാ​ൻ െവ​ച്ച പ​ല​യി​നം വി​ഭ​വ​ങ്ങ​ൾ എ​ന്നെ പ​രി​ച​യ​പ്പെ​ടു​ത്തി. അ​തി​ൽ 'മ​ർ​ത്ത​ബ​ക്' പേ​രു​ള്ള ഒ​രു പ​ല​ഹാ​രം വാ​ങ്ങി​ക്ക​ഴി​ച്ചു. വ​ഴി​യി​ൽ കാ​ണു​ന്ന പ​രി​ച​യ​ക്കാ​രോ​ടെ​ല്ലാം ഇ​ന്ത്യ​യി​ൽ​നി​ന്നു വ​ന്ന സു​ഹൃ​ത്താ​ണെ​ന്ന് പ​റ​ഞ്ഞ് ഗ​മ​യോ​ടെ എ​ന്നെ പ​രി​ച​യ​പ്പെ​ടു​ത്തി​ക്കൊ​ടു​ക്കു​ന്നു​ണ്ടാ​യി​രു​ന്നു.

ബ​ദൂ​യി ഗ്രാ​മ​ത്തി​ലേക്ക്

ബാ​ന്യു​വി​ൽനി​ന്നും ചി​ബോ​ലേ​ഗ​ർ എ​ന്ന സ്ഥ​ലം വ​രെ മാ​ത്ര​മേ വാ​ഹ​ന​ത്തി​ൽ സ​ഞ്ച​രി​ക്കാ​നാ​വൂ. പി​ന്നീ​ട് കി​ലോ​മീ​റ്റ​റു​ക​ളോ​ളം വ​ന​പാ​ത​യാ​ണ്. മൂ​ന്നു മ​ണി​ക്കൂ​റോ​ളം കാ​ൽ​ന​ട​യാ​യി യാ​ത്ര ചെ​യ്തു​വേ​ണം ബ​ദൂ​യി ഗ്രാ​മ​ത്തി​ലെ​ത്താ​ൻ. ചി​ബോ​ലേ​ഗ​ർ ക​ഴി​ഞ്ഞാ​ൽ പി​ന്നീ​ട​ങ്ങോ​ട്ട് ക​ട​ക​ളോ ഹോ​ട്ട​ലു​ക​ളോ പോലുള്ള ഒ​രു സൗ​ക​ര്യ​വും പ്ര​തീ​ക്ഷി​ക്കേ​ണ്ട​തി​ല്ലെ​ന്നും ഗേ​റ്റു ക​ഴി​ഞ്ഞാ​ൽ ന​മ്മ​ൾ തീ​ർ​ത്തും പ്രാ​കൃ​തമ​നു​ഷ്യ​രാ​വാ​ൻ പോ​വു​ക​യാ​ണെ​ന്നും ദി​ദി ചി​രി​ച്ചു​കൊ​ണ്ട് പ​റ​ഞ്ഞു. ചി​ബോ​ലേ​ഗ​റി​​െൻറ ഗേ​റ്റു ക​ഴി​ഞ്ഞാ​ൽ നൂ​റ്റാ​ണ്ടു​ക​ൾ പി​ന്നി​ലേ​ക്കു​ള്ള ടൈം ​മെ​ഷീൻ ക​ട​ക്കു​ക​യാ​യി​രി​ക്കു​മെ​ന്നു ദി​ദി പ​റ​ഞ്ഞ​പ്പോ​ൾ, മു​െ​മ്പാ​രി​ക്ക​ലും എ​​െൻറ സ​ങ്ക​ൽ​പ​ത്തി​ൽ പോ​ലും അ​ങ്ങ​നെ​യൊ​രു ജ​ന​ത​യും ഗ്രാ​മ​വും കാ​ണാ​ൻ ക​ഴി​യു​മെ​ന്ന് ക​രു​തി​യി​ട്ടി​ല്ലാ​യി​രു​ന്നു. യാ​ത്ര​ക്കു മു​മ്പാ​യി ര​ണ്ടു ദി​വ​സ​ത്തേ​ക്കു​വേ​ണ്ട അ​വ​ശ്യ​സാ​ധ​ന​ങ്ങ​ൾ മു​ൻ​കൂ​ട്ടി ക​രു​ത​ണം. കാ​ട്ടി​നു​ള്ളി​ൽ ഏ​തെ​ങ്കി​ലും ബ​ദൂ​യി കു​ടും​ബ​ത്തി​​െൻറ വീ​ടി​നു പ​രി​സ​ര​ത്ത് ടെ​ൻ​റ്​ കെ​ട്ടി താ​മ​സി​ക്കാ​നും പ​ക​രം പാ​രി​തോ​ഷി​ക​മാ​യി അ​വ​ർ​ക്ക് നാ​ട്ടി​ലെ ഭ​ക്ഷ​ണ സാ​ധ​ന​ങ്ങ​ൾ വാങ്ങി നൽകാനും തീ​രു​മാ​നി​ച്ചു. ബ​ദൂ​യി​ക​ളു​ടെ സു​ണ്ട​നീ​സ് (sundanese) ഭാ​ഷ സം​സാ​രി​ക്കാ​ന​റി​യാ​വു​ന്ന ദി​ദി​ക്ക് അ​വ​രു​മാ​യു​ള്ള ആ​ശ​യവി​നി​മ​യം പ്ര​യാ​സ​മാ​വി​ല്ല.

കു​ടി​വെ​ള്ളം ശേ​ഖ​രി​ക്കാ​നു​ള്ള പാ​ത്ര​ങ്ങ​ളും താ​മ​സി​ക്കു​ന്ന​തി​നാ​യി ടെ​ൻറും സ്ലീ​പ്പി​ങ് ബാ​ഗും കു​റ​ച്ച്​ ഇ​ൻ​സ്​​റ്റ​ൻ​റ്​ ഭ​ക്ഷ​ണ​ങ്ങ​ളും, ബ​ദൂ​യി കു​ടും​ബ​ത്തി​ന് കൊ​ടു​ക്കാ​നാ​യി അ​രി​യും ഇ​ല​ച്ചെ​ടി​ക​ളും പ​ല​വി​ധ ഉ​ണ​ക്കമ​ത്സ്യ​ങ്ങ​ളും പ​ല​ഹാ​ര​ങ്ങ​ളും പ​ച്ച​ക്ക​റി​ക​ളും വാ​ങ്ങി കൈ​യി​ൽ ക​രു​തി.

സെ​റ​ങ്ങി​ൽനി​ന്ന്​ ചി​ബോ​ൾ​ഗാ​റി​ലേ​ക്കു​ള്ള യാത്രയിൽ ചി​ന്തി​ച്ചി​രു​ന്ന​ത് മൊ​ബൈ​ലോ ഇ​ൻറർ​നെ​റ്റോ എ​ന്തി​നു ക​റ​ൻ​റു​പോ​ലും ഇ​ല്ലാ​ത്ത ഗ്രാ​മ​ത്തി​ലെ ജീ​വി​തം എ​ങ്ങ​നെ ആ​യി​രി​ക്കു​മെ​ന്ന​താ​യി​രു​ന്നു. ഈ ​കാ​ല​ത്തും ആ​ളു​ക​ൾ​ക്ക് അ​ങ്ങ​നെ ജീ​വി​ക്കാ​നാ​കു​മോ എ​ന്നോ​ർ​ത്ത​പ്പോ​ൾ അ​ത്ഭു​തം തോ​ന്നി. ഒ​ന്ന​ര മ​ണി​ക്കൂ​റോ​ള​മു​ള്ള യാ​ത്ര അ​വ​സാ​നി​ക്കു​ന്ന​ത് ചി​ബോ​ലേ​ഗ​റി​ലെ ബ​ദൂ​യി ഗ്രാ​മ​ത്തി​ലേ​ക്കു​ള്ള ചെ​റി​യ ക​വ​ല​യു​ടെ മു​ന്നി​ലാ​ണ്. ഇ​താ​ണ് ബ​ദൂ​യി ഗ്രാ​മ​ത്തി​നു മു​മ്പു​ള്ള അ​വ​സാ​ന​ത്തെ 'ആ​ധു​നി​ക പ്ര​ദേ​ശം' എ​ന്നു പ​റ​യാം. ബ​ദൂ​യി ഗ്രാ​മ​ങ്ങ​ളി​ലേ​ക്ക് ആ​ളു​ക​ൾ ക​യ​റു​ന്ന​ത് ഇ​വി​ടെ​നി​ന്നാ​യ​തി​നാ​ലാ​വ​ണം കെ​ന​ക്കി ഗോ​ത്ര​ങ്ങ​ളു​ടെ പ​ര​മ്പ​രാ​ഗ​ത ചി​ത്ര​ങ്ങ​ൾ കൊ​ത്തി​െ​വ​ച്ച വ​ലി​യൊ​രു ക​വാ​ടം സ​ർ​ക്കാ​ർ പ​ണി​തി​ട്ടു​ണ്ട്. ചെ​റി​യ ക​ട​ക​ളി​ൽ മ​ല ക​യ​റു​മ്പോ​ൾ സ​ഹാ​യ​ത്തി​നു കു​ത്തി​പ്പി​ടി​ക്കാ​നാ​യി ചെ​ത്തി കൂ​ർ​പ്പി​ച്ച വ​ടി​ക​ളും മ​ഴ​ക്കോ​ട്ടു​ക​ളും കാ​ട്ടിനു​ള്ളി​ൽനി​ന്ന്​ ശേ​ഖ​രി​ച്ച കാ​ട്ടു​തേ​നു​ം മ​റ്റും വി​ൽ​ക്കാ​ൻ ​െവ​ച്ചി​ട്ടു​ണ്ട്. ഞ​ങ്ങ​ൾ അ​ടു​ത്തു​ള്ള ക​ട​യി​ൽ ക​യ​റി ചെ​റു​താ​യൊ​ന്നു ഭ​ക്ഷ​ണം ക​ഴി​ച്ചു. കി​ലോ​മീ​റ്റ​റു​ക​ൾ മ​ല ക​യ​റാ​നു​ള്ള​താ​ണ്.

മു​ന്നി​ലെ ചെ​റി​യ പ​ടി​ക​ൾ താ​ണ്ടി മു​ന്നോ​ട്ടുപോ​കുംതോ​റും ക​ട​ക​ളും നി​ർ​ത്തി​യി​ട്ട മോ​ട്ടോ​ർ​വാ​ഹ​ന​ങ്ങ​ളും നാ​ടി​െ​ൻ​റ മ​റ്റു ശ​ബ്​​ദ​ങ്ങ​ളും പി​റ​കോ​ട്ട് പാ​ഞ്ഞു മ​റ​ഞ്ഞു. പ​ക​രം കാ​ടി​െ​ൻ​റ മ​നോ​ഹ​ര ശ​ബ്​​ദ​ങ്ങ​ൾ വ​ര​വേ​റ്റു​തു​ട​ങ്ങി. പാ​തിവ​ഴി പി​ന്നി​ട്ട​പ്പോ​ഴേ​ക്കും മു​ന്നി​ൽ പ​ല​യി​ട​ത്തും കെ​ന​ക്കി മ​നു​ഷ്യ​ർ പ​ല സ്ഥ​ല​ങ്ങ​ളി​ലേ​ക്ക് സ​ഞ്ച​രി​ക്കു​ന്ന​ത് ക​ണ്ടു. ഒ​രേ നി​റ​ത്തി​ലു​ള്ള വ​സ്ത്ര​ങ്ങ​ൾ ധ​രി​ച്ച ആ​ളു​ക​ൾ, ഈ ​വ​സ്ത്ര​ങ്ങ​ളെ​ല്ലാം വീ​ടു​ക​ളി​ൽ സ്വ​യം നി​ർ​മി​ക്കു​ന്ന​താ​ണ​ത്രേ. വി​റ​കെ​ടു​ക്കാ​നും കൃ​ഷി​സ്ഥ​ല​ങ്ങ​ളി​ലേ​ക്കും മ​റ്റും യാ​ത്ര ചെ​യ്യു​ന്ന​വ​രാ​ണ് ഞ​ങ്ങ​ളു​ടെ മു​ന്നി​ലൂ​ടെ ന​ട​ന്നു​പോ​കു​ന്ന​ത്.

കു​ന്നും മ​ല​യും ക​യ​റി​യും ഏ​ക​ദേ​ശം ര​ണ്ട​ര മ​ണി​ക്കൂ​റോ​ടെ ആ​ദ്യ​ത്തെ ബ​ദൂ​യി ഗ്രാ​മ​ത്തി​ൽ എ​ത്തി. ഈ ​ഒ​രു കാ​ഴ്ച മ​തി​യാ​യി​രു​ന്നു അ​തു​വ​രെ ന​ട​ന്ന ക്ഷീ​ണം മാ​റാ​ൻ. കു​ട്ടി​ക്കാ​ല​ത്തു നാ​ടോ​ടി​ക്ക​ഥ​ക​ളി​ൽ വാ​യി​ച്ചു മ​റ​ന്ന മ​നോ​ഹ​ര​മാ​യ ഏ​തോ ഗ്രാ​മ​ം. മു​ള​കൊ​ണ്ട് നി​ർ​മി​ച്ച മ​നോ​ഹ​ര​മാ​യ ചെ​റി​യ വീ​ടു​ക​ൾ, പു​ഴ​യി​ലെ ഉ​രു​ള​ൻ ക​ല്ലു​ക​ൾ പാ​കി​യ മു​റ്റം, എ​ല്ലാ വീ​ടു​ക​ളും ഒ​രേ​പോ​ലെ​യാ​ണ് നി​ർ​മി​ച്ചി​ട്ടു​ള്ള​ത്. എ​ന്താ​യാ​ലും അ​യ​ൽ​പ​ക്ക​ത്തു​കാ​ര​​െൻറ വീ​ടി​നേ​ക്കാ​ൾ വ​ലി​യ വീ​ട് വെ​ക്കാ​നോ മ​റ്റു​ള്ള​വ​​െൻറ വ​സ്ത്ര​ത്തേ​ക്കാ​ൾ ന​ല്ല വ​സ്ത്രം ധ​രി​ക്ക​ണ​മെ​ന്ന മ​ത്സ​ര ചി​ന്ത​ക​ളോ ഒ​ന്നും അ​ടു​ത്ത കാ​ല​ത്തൊ​ന്നും അ​വ​രു​ടെ ഇ​ട​യി​ൽ വ​രി​ല്ലെ​ന്ന് ഉ​റ​പ്പാ​ണ്. ഗ്രാ​മ​വ​ഴി​ക​ളും ഉ​രു​ണ്ട ക​ല്ലു​ക​ൾ പാ​കി ഭം​ഗി​യാ​ക്കി​യി​ട്ടു​ണ്ട്.

ബ​ദൂ​യി ലു​ആ​ർ

ബ​ദൂ​യി നി​വാ​സി​ക​ളെ ര​ണ്ടാ​യി ത​രംതി​രി​ച്ചി​ട്ടു​ണ്ട്. ബ​ദൂ​യി ദ​ലം (ഉ​ള്ളി​ൽ താ​മ​സി​ക്കു​ന്ന​വ​ർ) എ​ന്നും ബ​ദൂ​യി ലു​ആ​ർ (പു​റ​ത്തു താ​മ​സി​ക്കു​ന്ന​വ​ർ) എ​ന്നും. ഇ​രു​പ​ത്തിര​ണ്ടോ​ളം ഗ്രാ​മ​ങ്ങ​ളി​ൽ നാ​ൽ​പ​തോ​ളം കു​ടും​ബ​ങ്ങ​ൾ ബ​ദൂ​യി ലു​ആ​ർ എ​ന്ന പ്ര​ദേ​ശ​ത്ത് താ​മ​സി​ക്കു​ന്നു​ണ്ട്. ഇ​വ​രു​ടെ ഗോ​ത്ര​ത്ത​ല​വ​ൻ 'ജ​റോ' (jaaro) എ​ന്നാ​ണ് അ​റി​യ​പ്പെ​ടു​ന്ന​ത്.

കെ​ന​ക്കി​ക​ൾ പ്ര​കൃ​തി​യെ ആ​രാ​ധി​ക്കു​ന്ന​വ​രാ​ണ്. സു​ണ്ട വി​വി​ത​ൻ (sunda wieitan) എ​ന്ന മ​ത​മാ​ണ​ത്രെ അ​വ​രു​ടേ​ത്. ബ​ദൂ​യി ലു​വാ​രി​ൽ ഉ​ള്ള​വ​രാ​ണ് കൂ​ട്ട​ത്തി​ൽ കു​റ​ച്ചെ​ങ്കി​ലും പു​റംലോ​ക​വു​മാ​യി ബ​ന്ധ​മു​ള്ള​വ​ർ. ആ​ദ്യ​ ഗ്രാ​മം ക​ഴി​ഞ്ഞാ​ൽ പു​ഴ​ക്കു കു​റു​കെ​യു​ള്ള മു​ള​കൊ​ണ്ടു​ള്ള മ​നോ​ഹ​ര​മാ​യ പാ​ലം ക​ട​ക്ക​ണം മ​റ്റു ഗ്രാ​മ​ങ്ങ​ളി​ലേ​ക്ക് പ്ര​വേ​ശി​ക്കാ​ൻ. ഇ​രു​മ്പാ​ണി​യോ ക​യ​റു​ക​ളോ ഇ​ല്ലാ​തെ മു​ള​ക​ൾ ത​മ്മി​ൽ കു​ടു​ക്കി​യും കാ​ട്ടു​വ​ള്ളി​കൊ​ണ്ട് ബ​ന്ധി​പ്പി​ച്ചും നി​ർ​മി​ച്ചി​ട്ടു​ള്ള പാ​ല​ം. നേ​രം വൈ​കു​ന്ന​തി​നു മു​മ്പ്​ അ​ടു​ത്ത ഗ്രാ​മ​ത്തി​ലെ ഏ​തെ​ങ്കി​ലും വീ​ട്ടു​വ​ള​പ്പി​ൽ താ​മ​സം ശ​രി​യാ​ക്കാ​ൻ തീ​രു​മാ​നി​ച്ചു.

പാ​ലം ക​ഴി​ഞ്ഞാ​ൽ പി​ന്നെ മെ​രാ​ങ്കോ (merango), ചി​ക്കാ​ടു(cikadu), ബെ​ലി​മ്പി​ങ് (belimbing ), ഗെ​സ​ബോ (gezabo) തു​ട​ങ്ങി​യ ഗ്രാ​മ​ങ്ങ​ളാ​ണ്. വ​ഴി​യി​ൽ കാ​ണു​ന്ന ബ​ദൂ​യി​ക​ളോ​ട് ചി​രി​ച്ചു​കൊ​ണ്ട് ദി​ദി കു​ശ​ലാ​ന്വേ​ഷ​ണ​ങ്ങ​ൾ ന​ട​ത്തു​ന്നു​ണ്ട്. പൊ​തു​വെ ശാ​ന്ത​രും സൗ​മ്യ​രു​മാ​ണ് ബ​ദൂ​യി​ക​ൾ. കു​റ​ച്ചു ദൂ​രം ന​ട​ന്നു ഏ​റെ വൈ​കു​ന്ന​തി​നു മു​മ്പ്​ മെ​രാ​ങ്കോ ഗ്രാ​മ​ത്തി​ൽ പു​ഴ​യോ​ട് ചേ​ർ​ന്നു​നി​ൽ​ക്കു​ന്ന ഒ​രു വീ​ടി​​െൻറ പ​രി​സ​ര​ത്ത് താ​മ​സം ശ​രി​പ്പെ​ടു​ത്താ​നു​ള്ള ശ്ര​മ​ങ്ങ​ൾ ന​ട​ത്തി. അ​ടു​ത്തു​ള്ള മു​ളവീ​ടി​​െൻറ അ​രി​കി​ൽ ചെ​ന്ന് ദി​ദി കാ​ര്യ​ങ്ങ​ൾ അ​വ​ത​രി​പ്പി​ച്ചു. കു​ടും​ബ​നാ​ഥ​ൻ എ​ന്തൊ​ക്കെ​യോ ചോ​ദി​ക്കു​ന്നു​ണ്ട്. അ​വ​രെ​യും അ​വ​രു​ടെ ഗ്രാ​മ​വും കാ​ണാ​ൻ ഒ​രു​പാ​ട് ദൂ​രെ ഇ​ന്ത്യ എ​ന്ന രാ​ജ്യ​ത്ത​ു​നി​ന്ന്​ വ​ന്ന​താ​ണെ​ന്ന് പ​റ​ഞ്ഞ​പ്പോ​ൾ അ​യാ​ളു​ടെ​യും കു​ടും​ബ​ത്തി​​െൻറ​യും ക​ണ്ണി​ൽ കൗ​തു​ക​ത്തി​​െൻറ പ്ര​കാ​ശം കാ​ണാ​മാ​യി​രു​ന്നു.

ക​റു​ത്ത വ​സ്ത്രം ധ​രി​ച്ച്​ ത​ല​യി​ൽ ഒ​രു​ത​രം നാ​ടകൊ​ണ്ട്​ കെ​ട്ടി (തെ​ലു​കു​ങ് എ​ന്നാ​ണ​ത്രെ ആ ​നാ​ട​യെ വി​ളി​ക്കു​ന്ന​ത്) മ​ഞ്ഞ നി​റ​ത്തി​ലു​ള്ള ദൃ​ഢ​മാ​യ ശ​രീ​ര​ത്തോ​ട് കൂ​ടി​യ കു​റി​യ മ​നു​ഷ്യ​ൻ കു​ടും​ബ​ത്തെ​യും കൂ​ട്ടി വീ​ടി​നു പു​റ​ത്തേ​ക്ക് വ​ന്നു. വെ​റ്റി​ല പോ​ലെ എ​ന്തോ മു​റു​ക്കി ക​റപി​ടി​ച്ച പ​ല്ലു​ക​ളോ​ടെ എ​ന്നോ​ട് ചി​രി​ച്ചു ത​ല​യാ​ട്ടി. ദി​ദി എ​നി​ക്ക് അ​വ​രെ പ​രി​ച​യ​പ്പെ​ടു​ത്തി. കു​ടും​ബ​നാ​ഥ​ൻ 'കെ​ങ് ന​ർ​സാ​ൻ', ക​ടുംനീ​ല വ​സ്ത്രം ധ​രി​ച്ച സു​ന്ദ​രി​യാ​യ അ​ദ്ദേ​ഹ​ത്തി​​െൻറ ഭാ​ര്യ 'തെ​ഹ് സ​റീ​ന', മ​ക്ക​ളാ​യ സാ​മി​നും ച​ഹാ​യു​വും. ഭാ​ര്യ മ​ക്ക​ളോ​ട് എ​ന്തോ പ​റ​യു​ന്ന​ത് കേ​ട്ട്  ഉ​ട​നെ ച​ഹാ​യു​വും സാ​മി​നും എ​​െൻറ അ​രി​കി​ൽ വ​ന്നു ത​ലകു​നി​ച്ച്​ എ​​െൻറ വ​ല​തുകൈ ​അ​വ​രു​ടെ നെ​റു​ക​യി​ൽ ​െവ​ച്ചു. സ​ന്തോ​ഷംകൊ​ണ്ട് ഞാ​ന​വ​രെ ചേ​ർ​ത്തു​പി​ടി​ച്ചു. വി​രു​ന്നു​കാ​രെ സ്വീ​ക​രി​ക്കു​ന്ന അ​വ​രു​ടെ രീ​തി​യാ​ണ​ത്രെ അ​ത്. അ​വ​രു​ടെ ഭാ​ഷ​യി​ൽ കെ​ങ് എ​ന്നാ​ൽ സ​ഹോ​ദ​ര​നും തെ​ഹ് എ​ന്നാ​ൽ സ​ഹോ​ദ​രി​യു​മാ​ണ്.

അ​വ​ർ​ക്കു കൊ​ടു​ക്കാ​നാ​യി വാ​ങ്ങി​യ സ​മ്മാ​ന​ങ്ങ​ൾ ഞാ​ൻ കു​ട്ടി​ക​ളു​ടെ കൈ​യി​ലേ​ക്ക് നീ​ട്ടി. ര​ണ്ടു​പേ​രും അ​തു​മാ​യി വീ​ടി​നു​ള്ളി​ലേ​ക്ക് ഓ​ടി. ദി​ദി​യും ന​ർ​സ​നും അ​വ​രു​ടെ ഭാ​ഷ​യി​ൽ ഒ​രു​പാ​ട് നേ​രം സം​സാ​രി​ച്ചു. എ​ന്നെ​ക്കു​റി​ച്ച്​ പ​ല​തും ചോ​ദി​ച്ച​റി​യു​ന്ന​തി​നി​ട​യി​ൽ ഇ​ട​ക്കി​ട​ക്ക് എന്നെ നോ​ക്കി പു​ഞ്ചി​രി​ച്ചു. ഭാ​ഷ അ​റി​യാ​മാ​യി​രു​ന്നെ​ങ്കി​ൽ എ​നി​ക്കും ഒ​രു​പാ​ടു ചോ​ദി​ച്ച​റി​യാ​നു​ണ്ടാ​യി​രു​ന്നു. ഞ​ങ്ങ​ൾ​ക്ക് ര​ണ്ടു​പേ​ർ​ക്കും രാ​ത്രി​ഭ​ക്ഷ​ണം വീ​ട്ടി​ൽ ഉ​ണ്ടാ​ക്കാ​മെ​ന്ന് 'കെ​ങ് ന​ർ​സാ​ൻ' പ​റ​ഞ്ഞ​ു.

അ​ടു​ത്തു​ള്ള അ​രു​വി​യാ​ണ് ഗ്രാ​മ​വാ​സി​ക​ളു​ടെ കു​ളി​സ്ഥ​ലം. ഞ​ങ്ങ​ളും അ​വി​ടെ ചെ​ന്ന് ന​ന്നാ​യൊ​ന്നു നീ​ന്തി​ക്കു​ളി​ച്ചു. അ​തി​നി​ട​യി​ലാ​ണ് ഞാ​നോ​ർ​ത്ത​ത് എ​​െൻറ കാ​മ​റ​യും ബാ​ഗു​മെ​ല്ലാം പു​റ​ത്താ​യി​രു​ന്നു എ​ന്ന​ത്. അ​പ​രി​ചി​ത​മാ​യ സ്ഥ​ല​ത്ത്​ അ​ശ്ര​ദ്ധ​മാ​യി അ​ങ്ങ​നെ ​െവ​ച്ച​തി​ൽ എ​നി​ക്ക് നേ​രി​യ ഭ​യം തോ​ന്നി. ഞാ​ൻ ദി​ദി​യോ​ട് കാ​ര്യം അ​വ​ത​രി​പ്പി​ച്ചു. ദിദി പു​ഞ്ചി​രി​യോ​ടെ എ​ന്നോ​ട് പ​റ​ഞ്ഞു; ഇ​വി​ടെ വ​ഴി​യി​ലു​പേ​ക്ഷി​ച്ചു പോ​യാ​ലും ആ​രും എ​ടു​ക്കി​ല്ല എ​ന്ന്. ശ​രി​യാ​ണ്, അ​പ്പോ​ഴാ​ണ് ഞാ​നും ചി​ന്തി​ച്ച​ത്; ഇ​വ​ർ​ക്കെ​ന്തി​നാ​ണ് കാ​മ​റ​യും മൊ​ബൈ​ലും. ഞ​ങ്ങ​ൾ തി​രി​ച്ചു ടെ​ൻ​റി​ന​ടു​ത്തേ​ക്ക് ന​ട​ന്നു.

ന​ർ​സ​നും കു​ടും​ബ​വും ഗം​ഭീ​ര അ​ത്താ​ഴംത​ന്നെ ഒ​രു​ക്കി​യി​രു​ന്നു. മു​ള വി​രി​ച്ച വീ​ടി​​െൻറ ഹാ​ളി​ൽ ഞ​ങ്ങ​ൾ നി​ല​ത്തി​രു​ന്നു. ദി​ദി ഓ​രോ വി​ഭ​വ​വും പ​രി​ച​യ​പ്പെ​ടു​ത്തി. ജോ​ജോ​റൊ​ങ് (jojorong) വാ​ഴ​യി​ല​യി​ൽ ബൗ​ൾപോ​ലെ ഉ​ണ്ടാ​ക്കി അ​തി​ൽ സോ​ഫ്റ്റാ​യ വെ​ള്ളനി​റ​ത്തി​ലു​ള്ള മ​ധു​ര​പ​ല​ഹാ​രം. അ​പെം​പു​തി​ഹ് (apemputih) അ​രി​പ്പൊ​ടി പു​ളി​പ്പി​ച്ച മ​റ്റൊ​രു മ​ധു​രപ​ല​ഹാ​രം, കൂ​ടെ ചോ​റും സം​ബാ​ൽ എ​ന്ന പേ​രു​ള്ള എ​രി​വു​ള്ള മു​ള​ക​ര​ച്ച ച​മ്മ​ന്തി​യോ​ട്​ സാ​മ്യ​മു​ള്ള വി​ഭ​വം. പു​ളി​പ്പി​ച്ച സോ​യാ​ബീ​നി​​െൻറ കേ​ക്ക്, ഉ​ണ​ക്കമ​ത്സ്യം, പ​ച്ച​ക്ക​റി​കൊ​ണ്ടു​ള്ള സൂ​പ് തു​ട​ങ്ങി ഒ​രു​പാ​ടു വി​ഭ​വ​ങ്ങ​ളു​ണ്ടാ​യി​രു​ന്നു. ഏ​തെ​ങ്കി​ലും ഇ​ൻ​സ്​​റ്റ​ൻ​റ്​ ഭ​ക്ഷ​ണ​വു​മാ​യി അ​ന്ന​ത്തെ അ​ത്താ​ഴം ഒ​പ്പി​ക്കാ​മെ​ന്നു ക​രു​തി​യ ഞ​ങ്ങ​ൾ​ക്ക് ഇ​തു​വ​രെ കാ​ണാ​ത്ത ഒ​ട്ടേ​റെ വി​ഭ​വ​ങ്ങ​ളു​മാ​യി സ​മൃ​ദ്ധ​മാ​യി ഭ​ക്ഷ​ണം കി​ട്ടി. ന​ർ​സ​ങ്ങി​നോ​ട് ന​ന്ദി പ​റ​ഞ്ഞു ഞ​ങ്ങ​ൾ ടെ​ൻറിലേ​ക്ക് പോ​യി. ഇ​ത്ര​യും മ​നോ​ഹ​ര​മാ​യ ഒ​രു രാ​ത്രി മു​​െമ്പാരി​ക്ക​ലും ക​ണ്ടി​ട്ടി​ല്ലാ​യി​രു​ന്നു.

ന​മ്മു​ടെ വ​ട​ക്കുകി​ഴ​ക്ക​ൻ സം​സ്ഥാ​ന​ങ്ങ​ളി​ലെ വ്യ​ത്യ​സ്ത​രാ​യ നി​ര​വ​ധി ആ​ദി​വാ​സി ഗോ​ത്ര​ങ്ങ​ളാ​യ റി​യാ​ങ്, കു​ക്കി, ത്രി​പു​രി, ജ​മാ​ത്തി​യ, ച​ക്മ, ഒ​റാ​ങ്, അം​ഗാ​മി തു​ട​ങ്ങി​യ ആ​ദി​വാ​സി ഗ്രാ​മ​ങ്ങ​ളി​ലൂ​ടെ സ​ഞ്ച​രി​ച്ച​പ്പോ​ഴെ​ല്ലാം ശ്ര​ദ്ധി​ച്ചി​ട്ടു​ള്ള​ത്, ഇ​വ​രെ​ല്ലാം ആ​ധു​നി​ക ജീ​വി​തരീ​തി​ക​ളോ​ട് പൊ​രു​ത്ത​പ്പെ​ട്ട്​ പു​തി​യ ജീ​വി​ത​മാ​രം​ഭി​ച്ചി​ട്ടു​െ​ണ്ട​ന്ന​താ​ണ്. എ​ന്നാ​ൽ, കെ​ന​ക്കി​ക​ൾ ആ​ധു​നി​ക ലോ​ക​ത്തോ​ടും ജീ​വി​ത​രീ​തി​ക​ളോ​ടും ഒ​ട്ടും താ​ൽ​പ​ര്യ​മി​ല്ലാ​തെ അ​വ​രു​ടേ​താ​യ രീ​തി​യി​ൽ ജീ​വി​ക്കു​ന്ന ഒ​രു സ​മൂ​ഹ​മാ​ണ്.

മൂ​ന്ന് ഗ്രാ​മ​ങ്ങ​ളാ​യ ചി​ബി​യോ (cibeo), ചി​ക​ർ​ത്ത​വ​ർ​ണ (cikartawarna), ചി​ക്ക​യു​സി​ക (Cikeusik) അ​ട​ങ്ങി​യ തൊ​ട്ട​പ്പു​റ​ത്തു​ള്ള ബ​ദൂ​യി ദ​ലം ഇ​വ​ർ​ക്കി​ട​യി​ലെ പ​വി​ത്ര​മാ​യ പ്ര​ദേ​ശ​മാ​ണ​ത്രെ. ഒ​രു​ത​രം കാ​സ്​​റ്റി​ങ്​ സ​​മ്പ്ര​ദാ​യ​മാ​ണെ​ന്ന്​ പി​ന്നീ​ടാ​ണ് അ​റി​ഞ്ഞ​ത്. വെ​ളു​ത്ത വ​സ്ത്രം ധ​രി​ച്ച ദ​ലം നി​വാ​സി​ക​ൾ ഇ​വ​ർ​ക്കി​ട​യി​ലെ ഉ​യ​ർ​ന്ന ജാ​തി​ക്കാ​രാ​ണ്. ഇ​വി​ടേ​ക്ക് പൊ​തു​വെ വി​ദേ​ശി​ക​ൾ​ക്ക് പ്ര​വേ​ശ​ന​മി​ല്ല. എ​ങ്കി​ലും  ഗോ​ത്ര​ത്ത​ല​വ​​െൻറ പ്ര​ത്യേ​ക അ​നു​മ​തി​യോ​ടെ വേ​ണ​മെ​ങ്കി​ൽ പോ​യി കാ​ണാ​ം. അ​ങ്ങോ​ട്ട്​ ആ​ധു​നി​ക സാ​മ​ഗ്രി​ക​ൾ, സോ​പ്പ്, ഷാം​പു മു​ത​ലാ​യ വ​സ്തു​ക്ക​ൾ കൊ​ണ്ടു​പോ​കാ​നാ​വി​ല്ല.

മൊ​ബൈ​ലി​​െൻറ ശ​ബ്​​ദ​മോ വാ​ഹ​ന​ങ്ങ​ളു​ടെ ഇ​ര​മ്പ​ലു​ക​ളോ മ​റ്റു​യ​ന്ത്ര​ങ്ങ​ളു​ടെ ശ​ബ്​​ദ​ങ്ങ​ളോ ഇ​ല്ലാ​തെ പു​ഴ​യി​ലി​റ​ങ്ങി കു​ളി​ച്ചും രാ​ത്രി​യി​ൽ മു​ള​വീ​ടി​​െൻറ മു​റ്റ​ത്ത് ഉ​റ​ങ്ങി​യും ര​ണ്ടു ദി​വ​സം ക​ഴി​ഞ്ഞു പു​റ​ത്തു​വ​രു​മ്പോ​ൾ ഒ​രു മാ​യാ​ലോ​ക​ത്തുനി​ന്ന്​ പു​റ​ത്തി​റ​ങ്ങി​യ പ്ര​തീ​തി​യാ​യി​രു​ന്നു. ദി​ദി പ​റ​ഞ്ഞപോ​ലെ ശ​രി​ക്കും ഒ​രു ടൈം ​മെ​ഷീ​നി​ൽ നൂ​റ്റാ​ണ്ടു​ക​ൾ​ക്ക​പ്പു​റം സ​ഞ്ച​രി​ച്ചു പു​റ​ത്തി​റ​ങ്ങി​യ പ്ര​തീ​തി. ഒ​രു​പ​േ​ക്ഷ ഇ​നി​യൊ​രി​ക്ക​ലും കാ​ണാ​ൻ സാ​ധ്യ​ത​യി​ല്ലാ​ത്ത ഗ്രാ​മ​ത്തോ​ടും ഗ്രാ​മ​വാ​സി​ക​ളോ​ടും കൂ​ടെ ര​ണ്ടു​ദി​വ​സം ക​ഴി​ഞ്ഞ ന​ർ​സാ​ങ്ങി​നോ​ടും കു​ടും​ബ​ത്തോ​ടും യാ​ത്ര പ​റ​ഞ്ഞ്​ ഞ​ങ്ങ​ൾ തി​രി​ച്ചു മ​ല​യി​റ​ങ്ങി​ത്തു​ട​ങ്ങി.