കെസ്ബഗ്ഗി, ശൈ​ത്യ​പ്ര​ദേ​ശ​ത്ത് സാ​ഹ​സി​ക യാ​ത്ര ന​ട​ത്താ​ൻ ഇ​ഷ്​ട​പ്പെ​ടു​ന്ന​വ​രു​ടെ പ​റു​ദീ​സ​

റ​ഷ്യ​യു​ടെ പ​ടി​ഞ്ഞാ​റെ അ​തി​ർ​ത്തി​യി​ലെ കാ​ക്ക​സ​സ് പ​ർ​വ​തനി​ര​ക​ൾ​ക്കും അ​ർമീ​നി​യ​ക്കും അ​സ​ർബൈ​ജാനും ഇ​ട​യി​ലെ ചെ​റു​രാ​ജ്യ​മാ​ണ് ജോ​ർജി​യ. റ​ഷ്യ​യി​ലെ വ്ലാ​ദി​ക​വാ​സ് പ​ട്ട​ണ​ത്തെയും ജോ​ർ​ജി​യ​ൻ ത​ല​സ്ഥാ​ന​മാ​യ തി​ബി​ലി​സി​നെയും ത​മ്മി​ൽ ബ​ന്ധി​പ്പി​ക്കു​ന്ന റോഡാണ് ജോ​ർ​ജി​യ​ൻ മി​ലി​ട്ട​റി ഹൈ​വേ. ചെ​ങ്കു​ത്താ​യ കാ​ക്ക​സ​സ് പ​ർ​വ​ത​നി​ര​ക​ളു​ടെ ച​രി​വി​ലൂടെ​യു​ള്ള ഈ ​മി​ലി​ട്ട​റി ഹൈ​വേ ലോ​ക​ത്തി​ലെത​ന്നെ ​ഏ​റ്റ​വും ദു​ർ​ഘ​ട​മാ​യ റോ​ഡു​ക​ളി​ൽ ഒ​ന്നാ​ണ്. മി​ലി​ട്ട​റി ഹൈ​വേ​യി​ൽ റ​ഷ്യ അ​തി​ർ​ത്തി​യി​ലെ ജോ​ർജി​യ​ൻ പ​ർവ​ത​ഗ്രാ​മ​മാ​ണ് കെ​സ്ബ​ഗ്ഗി.

ത​ല​സ്ഥാ​ന​മാ​യ തി​ബി​ലി​സ് പ​ട്ട​ണ​ത്തി​ൽനി​ന്നു മൂ​ന്നു മ​ണി​ക്കൂ​ർ മി​ലി​ട്ട​റി ഹൈ​വേ​യി​ലൂ​ടെ സ​ഞ്ച​രി​ച്ചാ​ൽ കെ​സ്ബെ​ഗ്ഗി​യി​ൽ എ​ത്തി​ച്ചേ​രാം. ശൈ​ത്യ​പ്ര​ദേ​ശ​ത്ത് സാ​ഹ​സി​ക യാ​ത്ര ന​ട​ത്താ​ൻ ഇ​ഷ്​ട​പ്പെ​ടു​ന്ന​വ​രു​ടെ പ​റു​ദീ​സ​യാ​ണി​ത്. തി​ബി​ലി​സി​ൽനി​ന്നു കെ​സ്ബ​ഗ്ഗി പ​ട്ട​ണ​ത്തി​ൽ എ​ത്തു​ന്ന​തി​ന് ബ​സ് സ​ർ​വിസ് ല​ഭ്യ​മാ​ണ്. പ​ക്ഷേ, കെ​സ്ബ​ഗ്ഗി മ​ല​മു​ക​ളി​ലേ​ക്ക് മ​റ്റു വാ​ഹ​ന​ങ്ങ​ൾ​ക്ക് പ്ര​വേ​ശ​നം അ​നു​വ​ദി​ച്ചി​ട്ടി​ല്ല.

വ​ണ്ടി​യി​റ​ങ്ങി​യാ​ൽ പ​രി​ശീ​ല​നം സി​ദ്ധി​ച്ച ഡ്രൈ​വ​ർ​മാ​ർ ഫോ​ർ​വീ​ൽ ഡ്രൈ​വ് വാ​ഹ​ന​ങ്ങ​ളു​മാ​യി നി​ര​നി​ര​യാ​യി യാ​ത്ര​ക്കാ​രെ കാ​ത്തുനി​ൽ​ക്കു​ന്ന​ത് കാ​ണാം. ചെ​ങ്കു​ത്താ​യ മ​ല​ഞ്ച​രി​വി​ലൂ​ടെ ഒ​രു​വ​ണ്ടി​ക്ക് മാ​ത്രം സ​ഞ്ച​രി​ക്കാ​ൻ വീ​തി​യു​ള്ള മ​ൺ​വ​ഴി​യി​ലൂ​ടെ​യാ​ണ് യാ​ത്ര. ഫെ​ബ്രു​വ​രി മാ​സ​ത്തി​ലാ​ണ് കു​ടും​ബ​സ​മേ​തം കെ​സ്ബ​ഗ്ഗി സ​ന്ദ​ർ​ശി​ച്ച​ത്.

എ​പ്പോ​ഴും പു​ക​വ​ലി​ക്കു​ന്ന ഒ​രു ജോ​ർ​ജി​യ​ൻ ചെ​റു​പ്പ​ക്കാ​ര​നാ​യി​രു​ന്നു മ​ല​മു​ക​ളി​ലേ​ക്കു​ള്ള യാ​ത്ര​ക്ക് ല​ഭി​ച്ച ഡ്രൈ​വ​ർ. കെ​സ്ബെ​ഗ്ഗി ഗ്രാ​മ​ത്തി​ലൂ​ടെ​യാ​ണ് യാ​ത്ര തു​ട​ങ്ങു​ന്ന​ത്. ചെ​റി​യ വീ​ടു​ക​ളും വൃ​ത്തി​യു​ള്ള ഇ​ടു​ങ്ങി​യ ഗ​ലി​ക​ളും. എ​വി​ടെ നോ​ക്കി​യാ​ലും മ​ഞ്ഞ നി​റ​ത്തി​ൽ പാ​ച​ക​വാ​ത​ക ഗ്യാ​സ് പൈ​പ്പു​ക​ൾ. റ​ഷ്യ​യി​ലെ ഗ്യാ​സ്പ്രോം ക​മ്പ​നി​യു​ടെ കേ​ന്ദ്രീ​കൃ​ത വി​ത​ര​ണ ശൃം​ഖല​യു​ടെ ഗാ​ർ​ഹി​ക ക​ണ​ക്​ഷ​നു​ക​ളാ​ണ്.

ആ​ൾ​പ്പാ​ർ​പ്പു​ള്ള പ്ര​ദേ​ശം ക​ഴി​ഞ്ഞാ​ൽ മ​ൺ​വ​ഴി തു​ട​ങ്ങു​ക​യാ​യി. വീ​തി കു​റ​ഞ്ഞ റോ​ഡിലാ​കെ മ​ഞ്ഞും ച​ളി​യും കൂ​ടി​ക്കുഴ​ഞ്ഞ് കി​ട​ക്കു​ന്നു. ഒ​രു വ​ശം അ​ഗാ​ധ​മാ​യ കൊ​ക്ക, മ​റു​വ​ശ​ത്ത് മ​ലക്ക്​ ച​രി​വ് കൂ​ടു​ത​ലാ​യ​തി​നാ​ൽ തൊ​ട്ടു മു​ക​ളി​ലു​ള്ള ഭാ​ഗ​ങ്ങ​ൾ മാ​ത്ര​മേ കാ​ണാ​ൻ ക​ഴി​യൂ. ക​ട​ന്നുപോ​കു​ന്ന വ​ണ്ടി​ക്കാ​ർ പ​ര​സ്പ​രം അ​ഭി​വാ​ദ്യ​ങ്ങ​ൾ കൈ​മാ​റു​ന്നു- വ​ള​രെ സൗ​മ്യ​പ്ര​കൃ​ത​രാ​ണ് ജോ​ർജി​യ​ക്കാ​ർ. അ​തി​ഥി​ക​ളോ​ട് മാ​ന്യ​മാ​യി പെ​രു​മാ​റു​ന്ന പ​രി​ഷ്കൃ​ത​ർ. സ്വ​കാ​ര്യ​തയെ മാ​നി​ക്കു​ക​യും ഔ​പ​ചാ​രി​ക​മാ​യി ഇ​ട​പെ​ടു​ക​യും ചെ​യ്യു​ന്ന സാ​ധാ​ര​ണ​ക്കാ​ർ.

വ​ള​രെ പ​തു​ക്കെ വ​ണ്ടി മു​ക​ളി​ലേ​ക്ക് ക​യ​റി​ക്കൊ​ണ്ടി​രു​ന്നു. വ​ണ്ടി​യി​ൽ റ​ഷ്യ​ൻ സം​ഗീ​ത​ത്തിെൻറ നേ​ർ​ത്ത ശബ്​ദം മാ​ത്രം- ആ​രും ഒ​ന്നും സം​സാ​രി​ക്കു​ന്നി​ല്ല. ഈ ​യാ​ത്ര വേ​ണ്ടാ​യി​രു​ന്നു എ​ന്ന് പ​റ​യ​ണമെന്ന് പ​ല​വ​ട്ടം തോ​ന്നി. അ​ത് മ​റ്റു​ള്ള​വ​രു​ടെ ഭ​യം വ​ർ​ധി​പ്പി​ക്കും എ​ന്ന് തോ​ന്നി​യ​തുകൊ​ണ്ട് പ​റ​ഞ്ഞി​ല്ല. ഇ​നി എ​ത്ര ദൂ​രം ബാ​ക്കി​യു​ണ്ട് എ​ന്ന് ചോ​ദി​ക്കാ​നോ ഭാ​ഷ വ​ശ​വുമി​ല്ല.

ഏ​താ​ണ്ട് ഒ​രു മ​ണി​ക്കൂ​ർ ക​ഴി​ഞ്ഞുകാ​ണും, മ​ല​യു​ടെ മ​റു ച​രി​വി​ലേ​ക്ക് വാ​ഹ​നം ക​ട​ന്നു. തൊ​ട്ട​ടു​ത്ത് മ​റ്റൊ​രു മ​ല​മു​ക​ളി​ൽ ഒ​രു പു​രാ​ത​ന ക്രി​സ്ത്യ​ൻ പ​ള്ളി. അ​വി​ടേ​ക്ക്​ വാ​ഹ​ന​ങ്ങ​ൾ പോ​കി​ല്ല. വ​ണ്ടി​ പാ​ർ​ക്ക് ചെ​യ്തശേ​ഷം ത​ണു​പ്പി​നെ അ​വ​ഗ​ണി​ച്ച് മ​ല​ക​യ​റി പ​ള്ളി സ​ന്ദ​ർ​ശി​ക്കാ​ൻ തീ​രു​മാ​നിച്ചു. ഇ​ന്ത്യ​ക്കാ​ർ ആ​രെ​യും കെ​സ്ബ​ഗ്ഗി യാ​ത്ര​യി​ൽ ക​ണ്ടി​ല്ല. അ​ഞ്ഞൂ​റു വ​ർ​ഷം മു​മ്പ്​ പ​ണി​ത ഗെ​ർ​ഗെ​റ്റി പ​ള്ളി. കാ​ക്ക​സ​സ് പ​ർവ​ത​നി​ര​ക​ളു​ടെ ഏ​റ്റ​വും ഉ​യ​ർ​ന്ന ഭാ​ഗ​ത്ത് ഒ​റ്റ​പ്പെ​ട്ട മ​ല​മു​ക​ളി​ൽ ഒ​രു ക​ൽ​ദേ​വാ​ല​യം. ആ​കാ​ശ​ത്തി​ലേ​ക്ക് ഉ​യ​ർ​ന്നുനി​ൽ​ക്കു​ന്ന സ്തൂ​പംപോ​ലെ​യു​ള്ള ക​മാ​നം. ദേ​വാ​ല​യത്തോ​ടു ചേ​ർ​ന്ന് സ​ന്യാ​സി​മാ​ർ താ​മ​സി​ക്കു​ന്ന ആ​ശ്ര​മം. മ​ല​യുടെ മ​റ്റു മൂ​ന്നു വ​ശ​ങ്ങ​ളി​ലും കു​ത്ത​നെ​യു​ള്ള ഗ​ർ​ത്ത​ങ്ങ​ളാ​ണ്. മ​ല​മു​ക​ളി​ലെ​ത്തി​യാ​ൽ ഭൂ​മി​യു​ടെ നി​റു​ക​യി​ൽ എ​ത്തി​യ​തുപോ​ലെ തോ​ന്നും. പി​ന്നെ മു​ക​ളി​ലേ​ക്ക് യാ​ത്ര​യി​ല്ല.

യാ​ത്ര ക​ഴി​ഞ്ഞ് കെ​സ്ബ​ഗ്ഗി ഗ്രാ​മ​ത്തി​ലെ​ത്തി ജോ​ർ​ജി​യ​ക്കാ​രു​ടെ മു​ഖ്യ ആ​ഹാ​ര​മാ​യ കി​ങ്കാ​ളി​യും ക​ഴി​ച്ച് ഞ​ങ്ങ​ൾ​ റ​ഷ്യ​ൻ അ​തി​ർ​ത്തി​യി​ലേ​ക്ക് തി​രി​ച്ചു. കെ​സ്ബ​ഗ്ഗി മ​ല​ഞ്ചരി​വി​ൽ താ​മ​സി​ക്കാ​ൻ ഇഷ്​ട​പ്പെ​ടു​ന്ന​വ​ർ​ക്ക് ചെ​ല​വു​കു​റ​ഞ്ഞ വൃ​ത്തി​യു​ള്ള ഹോ​ട്ട​ലു​ക​ളു​ണ്ട്. തി​ബി​ലി​സിെൻറ തി​ര​ക്കി​ൽനി​ന്നു മാ​റി ത​ദ്ദേ​ശീ​യ​രു​ടെ ഭ​ക്ഷ​ണ​വും ക​ഴി​ച്ച് ശാ​ന്ത​മാ​യി ക​ഴി​യാ​ൻ പ​റ്റി​യ മ​റ്റൊരി​ടം വേറെയില്ല. വ​ർ​ഷ​ത്തി​ലെ ഏ​തു കാ​ല​ത്തും ജോ​ർ​ജി​യ സ​ന്ദ​ർ​ശ​ിക്കാം. ശൈ​ത്യകാ​ല യാ​ത്ര ന​ട​ത്തു​ന്ന​വ​ർ ത​ണു​പ്പ് പ്ര​തി​രോ​ധി​ക്കാനു​ള്ള വ​സ്ത്ര​ങ്ങ​ൾ ക​രു​തു​ന്ന​ത് ന​ല്ല​താ​ണ്. ഇ​ട​ത്ത​രം വ​രു​മാ​നു​ള്ള​വ​ർ​ക്കും യാ​ത്രാ​ചെ​ല​വ് താ​ങ്ങാ​നാ​കു​ന്ന ഒ​രു യു​റേ​ഷ്യ രാ​ജ്യ​മാ​ണ് ജോ​ർജി​യ.

●