സാമൂഹിക നീതി വകുപ്പിന്റെ പുരസ്കാരം; വയനാടിന്‍റെ അഭിമാനമായി ഷെറിൻ ഷഹാനയും നിബിൻ മാത്യുവും

ക​ൽ​പ​റ്റ: സാ​മൂ​ഹി​ക നീ​തി ​വ​കു​പ്പി​ന്റെ പു​ര​സ്കാ​ര​ത്തി​ൽ വ​യ​നാ​ടി​ന് അ​ഭി​മാ​ന​മാ​യി ര​ണ്ടു​പേ​ർ. ദു​രി​ത​ങ്ങ​ളു​ടേ​യും ദു​ര​ന്ത​ങ്ങ​ളു​ടേ​യും തീ​ച്ചൂ​ള​യി​ൽനി​ന്ന് സി​വി​ൽ സ​ർ​വി​സി​ലേ​ക്ക് ചി​റ​ക​ടി​ച്ചു​യ​ർ​ന്ന ക​ബ്ല​ക്കാ​ട് സ്വ​ദേ​ശി​നി ഷെ​റി​ൻ ഷ​ഹാ​ന​യും ടെ​ന്നി​സ് കോ​ർ​ട്ടി​ൽ ബ്ലൈ​ൻ​ഡ് ടെ​ന്നി​സ് ച​മ്പ്യ​നാ​യി ഇ​ന്ത്യ​യു​ടെ അ​ഭി​മാ​ന​മാ​യി മാ​റി​യ കാ​ക്ക​വ​യ​ൽ സ്വ​ദേ​ശി നി​ബി​ൻ മാ​ത്യു​വു​മാ​ണ് ഈ ​വ​ർ​ഷ​ത്തെ സാമൂഹിക നീ​തി​ വ​കു​പ്പി​ന്റെ പു​ര​സ്കാ​ര​ത്തി​ന് അ​ർ​ഹ​രാ​യി വ​യ​നാ​ടി​ന്റെ അ​ഭി​മാ​ന​മാ​യ​ത്.

ഭി​ന്ന​ശേ​ഷി​ക്കാ​രി​ലെ മി​ക​ച്ച റോ​ൾ​മോ​ഡ​ലി​നു​ള്ള സാ​മൂ​ഹി​ക നീ​തി​ വ​കു​പ്പി​ന്റെ പു​ര​സ്കാ​ര​ത്തി​നാ​ണ് ച​ക്ര​ക്ക​സേ​ര​യി​ലി​രു​ന്ന് സി​വി​ൽ സ​ർ​വി​സ് പ​രീ​ക്ഷ​യെ​ഴു​തി 913ാം റാ​ങ്ക് നേ​ടി ഇ​പ്പോ​ൾ ല​ഖ്നോ​വി​ൽ ഇ​ന്ത്യ​ൻ റെ​യി​ൽ​വേ​സ് മാ​നേ​ജ്മെ​ന്റ് സ​ർ​വി​സി​ലെ (ഐ.​ആ​ർ.​എം.​എ​സ്) ഗ്രൂ​പ്പ് എ ​സ​ർ​വി​സി​ൽ പ​രി​ശീ​ല​ന​ത്തി​ലു​ള്ള ഷെ​റി​ൻ ഷ​ഹാ​ന അ​ർ​ഹ​യാ​യ​ത്. 2017ൽ ​വീ​ടി​ന്റെ ടെ​റ​സി​നു മു​ക​ളി​ൽ നി​ന്നു വീ​ണ് ച​ല​ന​ശേ​ഷി ന​ഷ്ട​പ്പെ​ട്ട ഷെ​റി​ൻ ഷ​ഹാ​ന ജീ​വി​ത​ത്തി​ലെ ക​ടു​ത്ത വെ​ല്ലു​വി​ളി​ക​ളെ ധീ​ര​മാ​യി നേ​രി​ട്ടാ​ണ് ഉ​ന്ന​ത വി​ജ​യം ക​ര​സ്ഥ​മാ​ക്കി​യ​ത്. പ​ഠ​ന സ​മ​യ​ത്ത് ത​ന്നെ കു​ട്ടി​ക​ൾ​ക്കു ട്യൂ​ഷ​നെ​ടു​ക്കാ​നും ഓ​ൺ​ലൈ​നാ​യി ക്ലാ​സെ​ടു​ക്കാ​നും ഷെ​റി​ൻ മി​ടു​ക്ക് കാ​ണി​ച്ചു.

നി​ല​വി​ൽ കോ​ട്ട​യം ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന ശാ​ന്തി നി​കേ​ത​ൻ എ​ന്ന എ​ൻ.​ജി.​ഒ വ​ഴി ഭി​ന്ന​ശേ​ഷി കു​ട്ടി​ക​ൾ​ക്ക് ഓ​ൺ​ലൈ​ൻ ട്യൂ​ഷ​ൻ, ബോ​ധ​വ​ത്ക​ര​ണ ക്ലാ​സു​ക​ൾ എ​ന്നി​വ ന​ൽ​കി​വ​രു​ന്നു​ണ്ട്. ഭി​ന്ന​ശേ​ഷി​ക്കാ​രു​ടെ സം​ഘ​ട​ന​യാ​യ ‘കാ​ര​വാ​നു​'മാ​യി സ​ഹ​ക​രി​ച്ച്, കേ​ര​ള​ത്തെ ഭി​ന്ന​ശേ​ഷി സൗ​ഹൃ​ദ​മാ​ക്കു​ന്ന പ്ര​വ​ർ​ത്ത​ന​ങ്ങ​ളി​ലും ഷ​റി​ൻ ഷ​ഹാ​ന സ​ജീ​വ​മാ​ണ്.

കാ​ക്ക​വ​യ​ൽ സ്വ​ദേ​ശി നി​ബി​ൻ മാ​ത്യു​വി​ന് സാ​മൂ​ഹി​ക​നീ​തി വ​കു​പ്പി​ന്റെ ഭി​ന്ന​ശേ​ഷി വി​ഭാ​ഗ​ത്തി​ലെ മി​ക​ച്ച കാ​യി​ക താ​ര​ത്തി​നു​ള്ള പു​ര​സ്കാ​ര​മാ​ണ് ല​ഭി​ച്ച​ത്. കാ​ഴ്ചപ​രി​മി​തി​യു​ള്ള​വ​ർ​ക്കാ​യു​ള്ള രാ​ജ്യാ​ന്ത​ര ബ്ലൈ​ൻ​ഡ് ടെ​ന്നി​സ് ചമ്പ്യ​നാ​യ താ​ര​മാ​ണ് നി​ബി​ൻ മാ​ത്യു. 

ഇ​ന്ത്യ​യി​ൽ നി​ന്നു​ള്ള ആ​ദ്യ രാ​ജ്യാ​ന്ത​ര ബ്ലൈ​ൻ​ഡ് ടെ​ന്നി​സ് ചമ്പ്യ​ൻ എ​ന്ന ബ​ഹു​മ​തി​യും ഇ​ദ്ദേ​ഹ​ത്തി​നു​ണ്ട്. രാ​ജ്യാ​ന്ത​ര ബ്ലൈ​ൻ​ഡ് സ്പോ​ർ​ട്സ് ഫെ​ഡ​റേ​ഷ​ൻ ഗെ​യിം​സി​ൽ ഇ​ന്ത്യ​ക്കു വേ​ണ്ടി വെ​ങ്ക​ല​മെ‍ഡ​ലും നേ​ടി​യി​ട്ടു​ണ്ട്. 2019മു​ത​ലാ​ണ് നി​ബി​ൻ സൗ​ണ്ട് ബോ​ൾ ടെ​ന്നി​സ് പ​രി​ശീ​ലി​ച്ചു തു​ട​ങ്ങി​യ​ത്. 2021ൽ ​ഗ്ലോ​ബ​ൽ ഇ​നി​ഷ്യേ​റ്റി​വ് ഫോ​ർ ഇ​ൻ​ക്ലൂ​സി​വ് ഇ​ൻ​ഫ​ർ​മേ​ഷ​ൻ ആ​ൻ​ഡ് ക​മ്യൂ​ണി​ക്കേ​ഷ​ൻ ടെ​ക്നോ​ള​ജി​യി​ൽ നി​ന്നു സ്കോ​ള​ർ​ഷി​പ് നേ​ടി. യു.​കെ​യി​ലെ ബി​ർ​മി​ങ്ഹാ​മി​ൽ ഈ ​വ​ർ​ഷം ന​ട​ന്ന രാ​ജ്യാ​ന്ത​ര ഗെ​യിം​സി​ൽ മൂ​ന്നാം സ്ഥാ​ന​ത്തെ​ത്തി​യി​രു​ന്നു.

ല​ണ്ട​ൻ ട്രി​നി​റ്റി കോ​ള​ജ് വ​യ​ലി​നി​ൽ മൂ​ന്നാം ഗ്രേ​ഡ് ല​ഭി​ച്ചു. നി​ല​വി​ൽ രാ​ജ്യാ​ന്ത​ര ബ്ലൈ​ൻ​ഡ് ടെ​ന്നി​സ് ഫെ​ഡ​റേ​ഷ​ന്റെ ഇ​ന്ത്യ​യി​ലെ പ്ര​തി​നി​ധി​യാ​ണ് നി​ബി​ൻ. കാ​ഴ്ച​പ​രി​മി​തി​യു​ള്ള ചെ​റു​പ്പ​ക്കാ​രെ ബ്ലൈ​ൻ​ഡ് ടെ​ന്നി​സ് പ​രി​ച​യ​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് നി​ബി​ൻ. ര​ണ്ടു​പേ​രു​ടേ​യും പ​രി​മി​തി​ക​ൾ​ക്കി​ട​യി​ലും ജീ​വി​ത പ്ര​യാ​ണ​ത്തി​ൽ സ്വ​പ്ന തു​ല്യ​മാ​യ നേ​ട്ട​ങ്ങ​ൾ കൈ​വ​രി​ച്ച​ത് സം​ബ​ന്ധി​ച്ച് മാ​ധ്യ​മം നേ​ര​ത്തേ വാ​ർ​ത്ത നൽകിരു​ന്നു.