ഓടിയും നീന്തിയും 'അയൺമാനാ'യി ധർമജൻ

ദു​ബൈ: 3.8 കി.​മീ. നീ​ന്ത​ൽ, 180 കി.​മീ. സൈ​ക്ലി​ങ്, 42 കി.​മീ. ഓ​ട്ടം... ഒ​രു​ദി​വ​സം​കൊ​ണ്ട് ഓ​ടി​യും ചാ​ടി​യും നീ​ന്തി​യും സൈ​ക്കി​ൾ ച​വി​ട്ടി​യും ക​രു​ത്ത് തെ​ളി​യി​ച്ച് ക​സാ​ഖി​സ്ഥാ​നി​ൽ​നി​ന്ന് 'അ​യ​ൺ​മാ​ൻ' പ​ട്ടം നേ​ടി​യി​രി​ക്കു​ക​യാ​ണ് ദു​ബൈ​യി​ൽ​നി​ന്നു​ള്ള മ​ല​യാ​ളി ക​ണ്ണൂ​ർ ത​ളി​പ്പ​റ​മ്പ് സ്വ​ദേ​ശി ധ​ർ​മ​ജ​ൻ പ​ട്ടേ​രി.

വേ​ൾ​ഡ് ട്ര​യാ​ത്​​ല​ൺ കോ​ർ​പ​റേ​ഷ​ൻ സം​ഘ​ടി​പ്പി​ച്ച അ​യ​ണ്‍മാ​നി​ൽ ട്ര​യാ​ത്​​ല​ൺ ന​ട​ന്ന​ത്. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള കാ​യി​ക താ​ര​ങ്ങ​ളും സാ​ധാ​ര​ണ​ക്കാ​രും പ​ങ്കെ​ടു​ത്ത 140.6 മൈ​ൽ റേ​സ്‌ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​വ​ർ ചു​രു​ക്ക​മാ​യി​രു​ന്നു. 16 മ​ണി​ക്കൂ​ർ 30 മി​നി​റ്റി​നു​ള്ളി​ലാ​ണ്‌ മ​ത്സ​രം പൂ​ർ​ത്തി​യാ​ക്കേ​ണ്ടി​യി​രു​ന്ന​ത്‌. ധ​ർ​മ​ജ​നും മു​മ്പ്‌ ദു​ബൈ‌ 70.3 അ​യ​ൺ​മാ​ൻ റേ​സ്​ പൂ​ർ​ത്തി​യാ​ക്കി​യി​രു​ന്നു.

ദു​ബൈ​യി​ൽ ചാ​ർ​ട്ടേ​ഡ്‌ അ​ക്കൗ​ണ്ട​ന്‍റാ​യ ഇ​ദ്ദേ​ഹം പ​രേ​ത​നാ​യ തോ​ട്ട​ത്തി​ൽ കു​മാ​ര​ന്‍റെ​യും പ​ട്ടേ​രി ഭാ​ർ​ഗ​വി​യു​ടെ​യും മ​ക​നാ​ണ്. കാ​യി​ക പ്രേ​മി​യാ​യി​രു​ന്ന പി​താ​വി​ൽ​നി​ന്നാ​ണ് ധ​ർ​മ​ജ​ന് കാ​യി​ക​മേ​ഖ​ല​യോ​ട് അ​ഭി​നി​വേ​ശം ഉ​ണ്ടാ​യ​ത്. വ​ർ​ഷ​ങ്ങ​ൾ​ക്കു​മു​മ്പ് അ​ന്ത​രി​ച്ച പി​താ​വി​നു​ള്ള ത​ന്‍റെ ആ​ദ​ര​വാ​ണ് ഈ ​വി​ജ​യ​മെ​ന്ന് ഇ​ദ്ദേ​ഹം പ​റ​യു​ന്നു.

നാ​ട്ടി​ൽ വി​ദ്യാ​ഭ്യാ​സ​കാ​ല​ത്തും പി​ന്നീ​ട് ദു​ബൈ​യി​ലെ​ത്തി​യ​പ്പോ​ഴും കാ​യി​ക​മേ​ഖ​ല​യോ​ടു​ള്ള പ്ര​ണ​യം വി​ട്ടൊ​ഴി​ഞ്ഞി​ല്ല. ദു​ബൈ​യി​ലെ പൊ​ള്ളു​ന്ന ചൂ​ടി​ൽ നി​ത്യ​വും ക​ഠി​ന പ​രി​ശീ​ല​നം ന​ട​ത്തി​യാ​ണ് ക​സ​ഖി​സ്ഥാ​നി​ലെ മ​ത്സ​ര​ത്തി​ൽ പ​ങ്കെ​ടു​ത്ത​ത്.