മണ്ഡലകാലമായതോടെ സംഗീതസാ​ന്ദ്രമായി ഗോപിയാശാന്‍റെ വീട്

മൂ​വാ​റ്റു​പു​ഴ: മ​ണ്ഡ​ല കാ​ലം ആ​യ​തോ​ടെ ആ​ട്ടാ​യം​ചി​റ​യു​ടെ സ​മീ​പ​ത്തെ ഗോ​പി ആ​ശാ​ന്റ വീ​ട് സം​ഗീ​ത​സാ​ന്ദ്ര​മാ​യി. ശാ​സ്താം​പാ​ട്ടി​ന്റെ​യും ചി​ന്തു​പാ​ട്ടി​ന്‍റെ​യും ശീ​ലു​ക​ൾ സാ​യാ​ഹ്​​ന​ങ്ങ​ളി​ൽ കി​ലോ​മീ​റ്റ​റു​ക​ൾ ചു​റ്റ​ള​വി​ൽ ഉ​ടു​ക്കി​ന്‍റെ താ​ള​ത്തോ​ടെ ഒ​ഴു​കി​പ്പ​ര​ക്കു​ക​യാ​ണ്.

മാ​റ്റ​ങ്ങ​ളു​ടെ മ​ല​വെ​ള്ള​പ്പാ​ച്ചി​ലി​ൽ ആ​ട്ടാ​യം ചി​റ​യും ഗ്രാ​മാ​ന്ത​രീ​ക്ഷ​വും ജ​ന​ങ്ങ​ളും ജീ​വി​ത​വും വ​ലി​യ മാ​റ്റ​ങ്ങ​ൾ​ക്ക് വി​ധേ​യ​മാ​യെ​ങ്കി​ലും മാ​റ്റ​മി​ല്ലാ​തെ ഇ​ന്നും ഉ​ടു​ക്കി​ന്‍റെ താ​ള​വും ശാ​സ്താം​പാ​ട്ടും പ​തി​വു തെ​റ്റാ​തെ തു​ട​രു​ക​യാ​ണ്. ത​ല​മു​റ​ക​ളാ​യി കൈ​മാ​റി​ക്കി​ട്ടി​യ പാ​ര​മ്പ​ര്യ ക​ല നാ​ല് പ​തി​റ്റാ​ണ്ടാ​യി മു​ന്നോ​ട്ടു കൊ​ണ്ടു​പോ​കു​ക​യാ​ണ് ആ​ശാ​ൻ. ഉ​ടു​ക്കി​ൽ താ​ള​മി​ട്ട് ഗോ​പി​യാ​ശാ​ൻ പാ​ടി തു​ട​ങ്ങി​യാ​ൽ അ​യ്യ​പ്പ ച​രി​തം ഭ​ക്ത​രു​ടെ ഹൃ​ദ​യ​ത്തി​ലേ​ക്ക് നി​റ​ഞ്ഞൊ​ഴു​കും. മ​ണ്ഡ​ല​ക്കാ​ല​മാ​യാ​ൽ മ​റ്റെ​ല്ലാം മാ​റ്റി വ​ച്ച് ശാ​സ്താം​പാ​ട്ടി​നാ​യി ഒ​രു​ങ്ങു​ന്ന ആ​ട്ടാ​യം ചി​റ​യ്ക്ക​ൽ ഗോ​പി​യാ​ശാ​ന് ഇ​തൊ​രു ക​ലാ​സ​മ​ർ​പ്പ​ണ​മാ​ണ്. മു​മ്പ്​ അ​നു​ഷ്ഠാ​നം​പോ​ലെ ന​ട​ന്ന പ​തി​വ് ഇ​പ്പോ​ഴി​ല്ല. ശ​ബ​രി​മ​ല​ക്ക്​ കെ​ട്ടു​നി​റ​യ്ക്കു​ന്ന ദി​വ​സം വീ​ടു​ക​ളി​ൽ ന​ട​ക്കു​ന്ന പാ​ന​ക​ത്തി​ലും ക്ഷേ​ത്ര​ങ്ങ​ളി​ൽ ന​ട​ക്കു​ന്ന മ​ണ്ഡ​ല​പൂ​ജ​ക​ളി​ലു​മാ​ണ് ഇ​പ്പോ​ൾ ശാ​സ്താം​പാ​ട്ട് ന​ട​ക്കു​ന്ന​ത്.

സ​ന്ധ്യ​ക്ക്​ വി​ള​ക്കു​കൊ​ളു​ത്തി​യാ​ൽ ഗു​രു​വ​ന്ദ​ന​ത്തോ​ടെ​യാ​ണ് തു​ട​ക്കം. പ​ത്തോ പ​ന്ത്ര​ണ്ടോ പേ​രു​ള്ള സം​ഘം അ​ഭി​മു​ഖ​മാ​യി​രു​ന്നാ​ണ് പാ​ടു​ന്ന​ത്. രാ​ത്രി 12ന് ​എ​തി​രേ​ൽ​പ്പി​ന് കാ​ളി​സ്തു​തി​ക​ൾ പാ​ടും. അ​തി​ന് ശേ​ഷ​മാ​ണ് അ​യ്യ​പ്പ​ച​രി​തം പാ​ടു​ക. നേ​രം പു​ല​രും​വ​രെ​യാ​യി​രു​ന്നു മു​മ്പ്​ ദാ​ഹം​വ​യ്പ്. മ​ല​ക്ക്​ പോ​യാ​ലും ഇ​ല്ലെ​ങ്കി​ലും ശാ​സ്താം​പാ​ട്ടു​കാ​ർ മ​ണ്ഡ​ല​ക്കാ​ല​ത്ത് നോ​മ്പെ​ടു​ക്കും.

നി​ര​വ​ധി പേ​രെ ശാ​സ്താം​പാ​ട്ട് പ​ഠി​പ്പി​ച്ച​യാ​ളാ​ണ് ഗോ​പി ആ​ശാ​ൻ. എ​ന്നാ​ൽ വ​ള​രെ കു​റ​ച്ചു പേ​ർ മാ​ത്ര​മാ​ണി​ന്ന് രം​ഗ​ത്തു​ള്ള​ത്. ഈ ​പാ​ര​മ്പ​ര്യ ക​ലാ​കാ​ര​നെ സാം​സ്കാ​രി​ക കൂ​ട്ടാ​യ്മ പു​ര​സ്കാ​രം ന​ൽ​കി ആ​ദ​രി​ച്ചി​രു​ന്നു. ഭാ​ര്യ​യും ര​ണ്ട്​ ആ​ൺ കു​ട്ടി​ക​ളു​മ​ട​ങ്ങു​ന്ന​താ​ണ്​ കു​ടും​ബം.