ഫാൽക്കണുകളുടെ ദേശാടനം​ പഠിക്കാൻ മലയാളി ജന്തുശാസ്​ത്രജ്ഞന്​ ദക്ഷിണാഫ്രിക്കൻ​ ക്ഷണം

റിയാദ്​: പ്രാപ്പിടിയൻ (ഫാൽക്കൺ) പക്ഷികളുടെ ദേശാടനത്തെകുറിച്ച്​ പഠിക്കാൻ മലയാളി ജന്തുശാസ്​ത്രജ്ഞന്​ ദക്ഷിണാഫ്രിക്കയിൽനിന്ന്​ ക്ഷണം. കാലിക്കറ്റ്​ സർവകലാശാല ജന്തുശാസ്​ത്ര വിഭാഗം അസി.​ പ്രഫസർ ഡോ. സുബൈർ മേടമ്മലി​നെ​ റിയാദിലെ ദക്ഷിണാഫ്രിക്കൻ അംബാസഡർ ​മൊഗാബോ ഡേവിഡ്​ മഗാബെയാണ്​ ക്ഷണിച്ചത്​.

മംഗോളിയയിൽനിന്ന്​ ഇന്ത്യ വഴി ദക്ഷിണാഫ്രിക്കയിലേക്കും തിരിച്ചും ദേശാടനം നടത്തുന്ന അമൂർ എന്ന ചെറിയയിനം ഫാൽക്കണുകളുടെ സഞ്ചാരപഥങ്ങളും സൗദിയിലെയും ദക്ഷിണാഫ്രിക്കയിലെയും ഫാൽക്കൺ വളർത്തലും സംരക്ഷണവുമാണ്​ പഠന വിഷയങ്ങൾ. ദക്ഷിണാഫ്രിക്കയിലെ ലി​േമ്പാപോ യൂനിവേഴ്​സിറ്റിയുമായി സഹകരിച്ച്​ മൂന്നുവർഷം നീളുന്ന പഠന പദ്ധതിയാണ്​​ റിയാദിലെ കൂടിക്കാഴ്​ചയിൽ അംബാസഡർ മൊഗാബോ ഡേവിഡ്​ മഗാബെ മുന്നോട്ട്​ വെച്ചത്​.

റിയാദിൽ സൗദി ഫാൽക്കൺ ക്ലബ്​ സംഘടിപ്പിച്ച ലോകത്തെ ഏറ്റവും വലിയ ഫാൽക്കൺ മേളയിൽ ക്ലാസെടുക്കാ​നെത്തിയ ഡോ. സുബൈർ മേടമ്മലി​െൻറ പ്രഭാഷണം കേൾക്കാനിടയായ അംബാസഡർ റിയാദിലെ ദക്ഷിണാഫ്രിക്കൻ എംബസിയിലേക്ക്​ ക്ഷണിച്ചുവരുത്തുകയായിരുന്നു. തുടർന്ന്​ ഒന്നര മണിക്കൂറോളം നീണ്ട കൂടിക്കാഴ്​ചയിൽ ഫാൽക്കണുകളെയും അവയുടെ കുടിയേറ്റത്തെയും കുറിച്ച്​ ചർച്ച നടത്തി.

ഈ പക്ഷികളെ കുറിച്ച്​ ഗവേഷണം നടത്തിയ ഏഷ്യയിലെ ഏക ജന്തുശാസ്​ത്രജ്ഞ​ൻ എന്ന നിലയിൽ സോ. സുബൈറി​െൻറ സേവനം ഫാൽക്കൺ പ്രിയർ ഏറെയുള്ള തങ്ങളുടെ നാടിനും ആവശ്യമാണെന്ന്​ പറഞ്ഞ്​ അംബാസഡർ ക്ഷണിക്കുകയായിരുന്നു. ഇക്കാര്യം ആവശ്യപ്പെട്ട്​ ഇന്ത്യയിലെ ദക്ഷിണാഫ്രിക്കൻ എംബസി കാലിക്കറ്റ്​ യൂനിവേഴ്​സിറ്റിക്ക്​ കത്തെഴുതുമെന്നും ഡോ. സുബൈർ മേടമ്മലിന്​ 10 വർഷത്തെ വിസ അനുവദിക്കുമെന്നും അംബാസഡർ അറിയിച്ചു. കൂടിക്കാഴ്​ചയിൽ ഡിഫൻസ്​ അറ്റാഷെ കേണൽ നോമൻ കിസെൻ പ​ങ്കെടുത്തു. 

(റിയാദ്​ ഫാൽക്കൺ മേളയിൽ ഡോ. സുബൈർ മേടമ്മൽ അംബാസഡർ, ഡിഫൻസ്​ അറ്റാഷെ കേണൽ നോമൻ കിസെൻ എന്നിവരോടൊപ്പം)

അമൂർ ഫാൽക്കണുകൾ

വേട്ടക്ക്​ ഉപയോഗിക്കാത്ത ഫാൽക്കണുകളാണ്​​ അമൂർ. 40 ഇനം ഫാൽക്കണുകളിൽ ഏറ്റവും ചെറിയതരം പക്ഷിയാണ്​ ഇത്.​ ദശലക്ഷ കണക്കിന്​ അമൂർ ഫാൽക്കണുകൾ മംഗോളിയയിലുണ്ട്​. ദേശാടന പക്ഷികൾ കൂടിയാണിവ. എല്ലാവർഷവും നവംബർ ഡിസംബർ മാസങ്ങളിൽ മംഗോളിയയിൽനിന്ന്​ 5,600 കിലോമീറ്റർ സഞ്ചരിച്ച്​ ഇന്ത്യൻ വടക്കുകിഴക്കൻ സംസ്​ഥാനമായ നാഗലാൻഡിലെത്തും.

അവിടെ രണ്ടാഴ്​ച തങ്ങിയ ശേഷം 22000 കിലോമീറ്റർ സഞ്ചരിച്ച ദക്ഷിണാഫ്രിക്കയിലെത്തും. അവിടെ രണ്ടുമാസത്തോളം തങ്ങിയശേഷം മറ്റൊരു റൂട്ടിലൂടെ മംഗോളിയയിലേക്ക്​ തിരിച്ചുപോകും. ഈ സഞ്ചാര പഥങ്ങളെയും ദേശാടനത്തെയും കുറിച്ച്​ പഠിക്കാനാണ്​ നിർദേശം.

നാഗാലാൻഡിലെ​ വോക്കാ ജില്ലയിലുള്ള പാൻക്​തി ഗ്രാമത്തിൽ ഈ പക്ഷികൾ വന്നു തങ്ങാറുള്ളത്​. ഇവിടെയൊരു ജലവൈദ്യുത പദ്ധതിയുണ്ട്​. ജലാശയ ജീവികളും തുമ്പികളുമാണ്​ ഇവയുടെ ഇഷ്​ടഭക്ഷണം. അതിവിടെ സുലഭമായത്​ കൊണ്ട്​ തിന്നും കുടിച്ചും രണ്ടാഴ്​ച സസുഖം കഴിഞ്ഞുകൂടും. എന്നാൽ നാട്ടുകാർ ഇവയെ കെണിവെച്ച്​ പിടിച്ച്​ ചന്തയിൽ കൊണ്ടുപോയി 150ഉം 200ഉം രൂപക്ക്​ ഇറച്ചിയാക്കി വിൽക്കും. പരിസ്ഥിതിവാദികളും പ്രകൃതിസ്​നേഹികളും​ പരാതിയുയർത്തിയതിനെ തുടർന്ന്​ കേന്ദ്രസർക്കാർ ഈ വേട്ടയാടൽ നിരോധിച്ചു.

തടവും സാമ്പത്തിക പിഴയും ശിക്ഷയാക്കുകയും ചെയ്​തു. ഇതോടെ അമൂറുകൾക്കെതിരായ ഗ്രാമവാസികളുടെ അതിക്രമം നിന്നു. പരിസ്ഥിതിവാദികൾ പരാതി ഉയർത്തിയ ഘട്ടത്തിൽ ബന്ധപ്പെട്ട വകുപ്പി​െൻറ നിർദേശാനുസരണം ഡോ. സുബൈർ മേടമ്മൽ ​ഇവിടെ പോയി തങ്ങുകയും പക്ഷികൾ നേരിടുന്ന അതിക്രമങ്ങളെയും അവയുടെ അതിജീവന ശ്രമങ്ങളെയും സംരക്ഷണ മാർഗങ്ങളെയും കുറിച്ച്​ പഠിച്ച്​ റിപ്പോർട്ട്​ സമർപ്പിച്ചിരുന്നു. ഈ ദേശാടനത്തിനിടയിൽ 2018ൽ അമൂർ പക്ഷികളിൽ 12 എണ്ണം വഴിതെറ്റി മലമ്പുഴയിൽ എത്തിയിരുന്നു. അതിനെ കുറിച്ചറിഞ്ഞ്​ ജന്തുശാസ്​ത്ര ലോകത്തി​െൻറ നിർദേശപ്രകാരം ഡോ. സുബൈർ അവിടെയും പോയിരുന്നു.