ദോഹ: ഓണത്തിന്‍റെ ഗൃഹാതുര സ്മരണകളില്ലാത്ത മലയാളികൾ അപൂർവമായിരിക്കും. ഓണക്കോടിയും സദ്യയും പായസവും പൂരക്കളിയും പുലിക്കളിയുമെല്ലാം മറക്കാനാവാത്ത ഓർമകൾ സമ്മാനിക്കുന്ന ഓണാഘോഷത്തിന് മാറ്റു കൂട്ടാൻ സ്വർണ സമ്മാനങ്ങളുമായി 'ഗൾഫ് മാധ്യമ'വും ജോയ് ആലുക്കാസുമെത്തുന്നു.
'നൊസ്റ്റാൾജിക് ഓണം ജോയ്ഫുൾ മെമ്മറീസ്' എന്നു പേരിട്ടിരിക്കുന്ന മത്സരത്തിൽ ഗൾഫ് മാധ്യമത്തിന്‍റെ സമൂഹമാധ്യമ പേജുകളിലൂടെ അനായാസം മത്സരത്തിൽ പങ്കെടുക്കാം. വിജയികളെ കാത്തിരിക്കുന്നത് നാലു ഗ്രാം വീതം സ്വർണ നാണയങ്ങളാണ്. ആറു ഗൾഫ് രാജ്യങ്ങളിലായി 24 പേർക്കാണ് സമ്മാനം. ഓണം ആഘോഷത്തിന്‍റെ ഭാഗമായ പഴയകാല ഓർമകളുടെ ചിത്രങ്ങൾക്കും വിഡിയോകൾക്കും കുറിപ്പുകൾക്കുമാണ് സമ്മാനം.
പൂക്കളമിടൽ, ഓണസദ്യ, കുടുംബങ്ങളുടെ ഒത്തുചേരൽ, ഓണം കലാകായിക പരിപാടികൾ, യാത്രകൾ, ഷോപ്പിങ്, പാചകം, സന്തോഷ നിമിഷങ്ങൾ തുടങ്ങിയവയെല്ലാം നിങ്ങളെ സമ്മാനാർഹനാക്കിയേക്കാം. സുഹൃത്തുക്കൾ, സഹോദരങ്ങൾ, സഹപ്രവർത്തകർ, അതിഥികൾ, അയൽക്കാർ, വിദേശികൾ തുടങ്ങിയവർക്കൊപ്പമുള്ള ആഘോഷങ്ങളും പങ്കുവെക്കാം. ഗൾഫിൽ നിന്ന് അവധിക്ക് നാട്ടിലെത്തിയവർക്കും പങ്കെടുക്കാം.
ഗൾഫ് മാധ്യമം ഫേസ്ബുക്ക് പേജ് (www.facebook.com/gulfmadhyamamqatar) വഴിയാണ് മത്സരത്തിൽ പങ്കെടുക്കേണ്ടത്. ആദ്യം ഈ പേജ് ലൈക്ക്/ഫോളോ ചെയ്യുക. പേജിലെ മത്സരത്തിന്‍റെ ചിത്രത്തിന് താഴെ നിങ്ങളുടെ ഓണാഘോഷത്തിന്‍റെ ചിത്രമോ വിഡിയോയോ കുറിപ്പോ പോസ്റ്റ് ചെയ്യുക. വിഡിയോ എടുക്കുന്നവർ ഒരു മിനിറ്റിൽ കുറയാത്ത വിഡിയോ പോസ്റ്റ് ചെയ്യണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.